يىنچۋان قالاسى حىلان اۋدانى حۇڭگۋاڭ قالاشىعى شيڭرۇڭ قىستاعىنداعى جينفۋ كوكونىس ٴوندىرۋ، ساتۋ كاسىپتىك سەلبەستىك كووپەراتيۆىندە، قىستاق تۇرعىنى ياڭ حۋا ٴيىستى ساڭىراۋقۇلاقتى ماشينامەن ٴبولىپ ورنالاستىرۋدا.

    ياڭ حۋا بىلاي دەدى: ٴيىستى ساڭىراۋقۇلاق ەگۋ شيڭرۇڭ قىستاعىنىڭ نەگىزگى كاسىبى. ونىڭ ٴبىر ٴبولىمى سەلبەستىك كووپەراتيۆىنىڭ كوللەكتيۆ جىلىجايىنا، ەندى ٴبىر ٴبولىمى قىستاق تۇرعىندارى ٴوزى كوتەرەگە العان ٴيىستى ساڭىراۋقۇلاق جىلىجايىنا بەرىلەدى. بيىل 2 جىلىجايدى كوتەرمەگە الدىم، ٴبىر جىلىجايدان جىلىنا 30 دا 50 مىڭ يۋان كىرىس كىرەدى.

    شيڭرۇڭ قىستاعى ەكولوگيالىق قونىس اۋدارۋشىلاردى ورنالاستىرۋ قىستاعى، 2012 ـ جىلى نيڭشيانىڭ وڭتۇستىك تاۋلى رايونىنداعى گۋيۋان قالاسىنا قاراستى 15 اۋىل ـ قالاشىقتاعى 51 اكىمشىلىك قىستاق ىركەس ـ تىركەس شيڭرۇڭ قىستاعىنا كوشىپ باردى، 8200 دەن استام ادام وسى اراعا كەلىپ وتىرىقتاستى. مەملەكەت ساياساتىنىڭ سۇيەمەلدەۋىندە ازىقتىق ساڭىراۋقۇلاق، تاڭقۋراي قاتارلى ەرەكشە ەگىمشىلىكتى تۇيىن ەتىپ، سەيىل ـ سەرۋەن، اۋىل شارۋاشىلىق ىستەرىمەن ارالاسۋ، اۋىل شارۋاشىلىق قوسىمشا ونىمدەرىن مانەرلەۋ ٴبىر تۇلعالانعان كوپ نەگىزدى كاسىپتەر دامۋدا. ياڭ حۋا سياقتى قىستاق تۇرعىندارى بارعان سايىن كوبەيىپ، اۋقاتتانۋ جولى بارعان سايىن كەڭەيە تۇسۋدە.

    ۋجۇڭ قالاسى تۇڭشين اۋدانى حانتيانليڭ قىستاعىندا 3 ـ مەرزىمدىك باعىمشىلىق باقشا رايونى سالىنىپ بولىپ، 100 دەن استام سيممەنتال ەتتى سيىرى قورادا باعىلۋدا. كوشپەندىلەر قىستاعى بولعاندىقتان بۇقارانى تۇراقتاپ قالعىزۋ، اۋقاتتاندىرۋ ٴۇشىن حانتيانليڭ قىستاعى«سۇيەمەلدەيتىن ورىن، پارتيا ۇيىمى، قىستاق كوللەكتيۆ شارۋاشىلىعى، ارحيۆ تۇرعىزىپ، كارتشكا بەرىلگەن كەدەي وتباسىن» ۇشتاستىرۋ سىندى دامۋ ۇلگىسىن قاراستىردى. قىستاق پارتيا باس ياچەيكاسىنىڭ شۋجيى ديڭ جيانحۋا بىلاي دەدى : بۇقارانىڭ كىرىسى ۇزدىكسىز جوعارىلادى. 2012-جىلى وسى اراعا كوشىپ كەلگەندە جان باسىندىق كىرىس 2000 يۋان بولاتىن، بىلتىر 10 مىڭ 500 يۋانعا جوعارىلاپ، جان باسىندىق كىرىس نەشە ەسە ارتتى.

    نيڭشيا ىلگەرىندى-كەيىندى 6 رەت كەڭ كولەمدە، جيىنى ٴبىر ميلليون 232 مىڭ 600 كەدەيدى قونىس اۋدارىپ سۇيەمەلدەدى. قازىر ولاردىڭ كىرىسى كوشۋدەن بۇرىنعى جىلىنا ورتا ەسەپپەن نەشە ٴجۇز يۋان، نەشە مىڭ يۋاننان، جىلىنا كىسى باسىنا تۋرا كەلەتىن كىرىس 10 مىڭ يۋاننان استى. قازىر نيڭشيا ميلليونداعان حالىقتى اۋقاتتاندىرىپ، اۋىل-قىستاقتى كوركەيتۋدىڭ جاڭا ساپارىن باستادى.

اۋدارعان: كۇلان ىرىسباي قىزى