ءوز حابارىمىز. جوۋ نيڭ حۋاجۇڭ عىلىم-تەحنيكا داشۋەسى تۇڭجي مەديتسينا شۋەيۋانىنا قاراستى تۇڭجي شيپاحاناسى جۇرەك قان تامىر ىشكى اۋرۋلار ءبولىمىنىڭ تەتە اعا شيپاگەرى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاندا، ول اق حالاتتى ساۋىت ەتىپ، ىندەتكە قارسى تۇرۋدىڭ الدىڭعى شەبىندە شايقاس جاسادى. 2020-جىلى جوۋ نيڭ «جۇڭگو جاستار 4-مامىر مەدالىنا» يە بولدى ءارى «ءداۋىر ۇلگىسى—ىندەتكە قارسى تۇرۋدىڭ ءبىرىنشى شەبىندەگى ەمدەۋ قىزمەتكەرلەرى قاھارمان توبىنىڭ» ۋاكىلى بولىپ باعالاندى. «كۇرەسكەرلەردىڭ جاستىق كوكتەمى» اتتى ەرەكشە حاباردا بۇگىن جۋ نيڭ مەيىرىمدىلىك جانە توسەلگەن ونەر ارقىلى ناۋقاستاردىڭ جاناشىرى بولا ءبىلدى دەگەن مازمۇن بەرىلەدى. 

 

   سارسەنبى كۇنى تۇستەن كەيىن، اق حالات كيگەن جوۋ نيڭ تۇڭجي شيپاحاناسى گۋاڭگۋ بولىمشە شيپاحاناسىنىڭ جۇرەك ىشكى اۋرۋلار بولىمىنە ءدال ۋاعىندا بارىپ، ناۋقاستارمەن جانە ولاردىڭ وتباسىنداعىلارمەن شۇيىركەلەسە اڭگىمەلەستى، ول مۇنى قىزىقتى تۇردە «اڭگىمەلەسۋ ارقىلى ەمدەۋ» دەپ اتايدى. 

 

  جوۋ نيڭ بىلاي دەدى: شيپاگەر ەڭ الدىمەن «اڭگىمەلەسۋ ارقىلى ەمدەۋدى» ۇيرەنۋى، ودان سوڭ ەمدەۋ تەحنيكاسى، سىرتقى اۋرۋلارداعى وپەراتسيا قاتارلىلاردى ۇيرەنۋى كەرەك. ناۋقاسپەن، ءسوز جوق، جاقسى قاتىناستا بولىپ، ولاردىڭ ۇنىنە قۇلاق اسۋى، ناۋقاستىڭ ازابىن تۇسىنە ءبىلۋى كەرەك. 

 

2020-جىلى كوكتەمدە جوۋ نيڭ قىزمەت بارىسىندا جاڭا ءتيپتى ايدارشا ۆيرۋس وكپە قابىنۋ اۋرۋىمەن جۇعىمدالادى. ول وسى اۋرۋدان ايىققان كەز ءدال كوكتەم مەرەكەسىندەگى جاڭا جىلعا قاراعان ءتۇن ەدى، جوۋ نيڭ سالماقتى ناۋقاستان جاڭا عانا جازىلسادا، قول تەلەفوندا 6000 نان استام ارىپپەن ەمدەلۋ بارىسىن ءبىر-بىرلەپ جازىپ شىعادى، مۇنىڭ توراپتاعى كورىلىم مولشەرى 200 ميلليوننان استى. وڭاشالاۋ مەزگىلى اياقتالىسىمەن، ول تاعى دا الدىڭعى شەپكە بارۋعا تىزىمدەلدى. 

 

  سالماقتى ناۋقاستاردى ەرەكشە كۇتىمدەۋ بولىمىندە قىزمەت ىستەگەن 52 كۇندە جوۋ نيڭ قۇتقارعان ناۋقاستار ساناپ تاۋىسقىسىز، وعان تەرەڭ اسەر قالدىرعان 50 نەشە جاستاعى لاۋچىڭ اتتى ناۋقاس سالماقتى ناۋقاستاردى ەرەكشە كۇتىمدەۋ بولمەسىنە اكەلىنگەن كەزدە حال ۇستىندە جاتقان ەدى. 

 

  جوۋ نيڭ بىلاي دەدى: ءبىز قات-قابات قورعانۋ كيىمىن كيىپ، قورعانۋ ماسكىسىن تاققاندىقتان، كورۋ ايامىز شەكتەۋلى، ەشتەڭەنى دە انىق كورە المايتىن نە  ەستي المايتىن ەدىك، قان تامىردى ىزدەپ تاۋىپ ينە شانشۋ ءتيىپتى دە قيىن ەدى. 

 

  لاۋچىڭنىڭ مويىن بولىمىندەگى قان تامىرلاردى انىق كورۋ ءۇشىن، جوۋ نيڭ مەن قىزمەتتەستەرى بەتتەرىن ونىڭ بەتىنە تاياتىپ تۇرىپ، وپەراتسيانى ءساتتى جاسايدى. 

 جوۋ نيڭ وڭاشالانعان كەزدەگى ەستەلىگىنىڭ سوڭىنا: جۇرت جۇدىرىقتاي جۇمىلىپ، ىندەتكە ءبىر نيەت، ءبىر تىلەكپەن قارسى تۇرسا، ۆيرۋستى ءسوزسىز جەڭەدى،-دەپ جازعان ەدى. بۇل اقىرى رەالدىققا اينالدى.

 

  تۇرمىس پەن قىزمەت قالىپتى ارناعا تۇسكەننەن كەيىن، جوۋ نيڭ امبۋلاتوريا، ناۋقاس بولمەلەرىن تەكسەرۋ، وپەراتسيا جاساۋ سياقتىلارمەن قايتادان قاربالاسىپ، شارشاپ-شالدىقتىم دەمەي، كلينيكانىڭ ءبىرىنشى شەبىندە شايقاس جاساپ كەلەدى. 

 

  جوۋ نيڭ بىلاي دەدى: جاستىق كوكتەم مەن ءۇشىن العاندا سانسىز جۇرەكتىڭ دامىلسىز سوققان ءۇنى. ءبىز شۇعىل قۇتقارعان كەزدەگى قينالعان جۇرەك سوعۋىن دا، ناۋقاستىڭ ساۋىققاننان كەيىنگى كوڭىلدى جۇرەك سوعۋىن دا سەزىنە الامىز. جاس شيپاگەر رەتىندە، مەن مەيىرىمدىلىك جانە ونەرىم ارقىلى ءتىپتى دە كوپ ناۋقاستىڭ جاناشىرى بولۋدى قالايمىن. 

 

اۋدارعان: گۇلنۇر قابىلقاق قىزى