حاينان ولكەسى اۋرۋدى قوعامدىق جاقتان الاستاۋدا كورنەكتى ىلگەرىلەۋشىلىككە قول جەتكىزىپ، بوگەلىپ قالعان جولاۋشىلاردىڭ قايتۋىن جەبەدى. سان-يا قالاسى باسقارۋ ـ مەڭگەرۋ شارالارىن ۇزدىكسىز كۇشەيتۋدە، سان-يا قالاسىنىڭ ورىنباسار باستىعى لو دۇڭ تانىستىرىپ بىلاي دەدى : باقىلاۋ ـ تەكسەرۋ قىزمەتكەرلەرىن الەۋمەتتىك اۋماقتارعا ، قىستاقتارعا جىبەرىپ، ساقتانۋ ـ تىزگىندەۋ شارالارىنىڭ تياناقتانۋىن اناعۇرلىم ىلگەرىلەتىپ، باسقارۋدىڭ ـ مەڭگەرۋدىڭ تياناقتانۋىنا كەپىلدىك ەتۋدەمىز. 

 

   شينجياڭدا بەلەڭ بەرگەن وسى رەتكى جۇقپالى اۋرۋ جاعدايىندا 4 تارالۋ تىزبەگى بايقالدى، ٴارقايسى تارالۋ تىزبەكتەرى اراسىندا قازىرشە ايقىن تارالمالى اۋرۋلار بايلانىسى جوق. شينجياڭ ۇيعۇر اۆتونوميالى رايوندىق دەنساۋلىق ساقتاۋ-سالاماتتىق كوميتەتى پارتيا باسشىلىق گرۋپپاسىنىڭ مۇشەسى حۋ جىچۇن بىلاي دەپ تانىستىردى : شينجياڭدا قازىر ەمدەۋ ، كۇتىمدەۋ، دوحتىرحانادا جۇعىمدالۋدىڭ الدىن الۋ، ينفەكسيا سياقتى كاسىپتەردەن ۇيىمداسقان اۆتونوميالى رايون دارەجەلى  شۇعىل جاعدايعا توتەپ بەرىپ ەمدەۋ اترەتىنەن 14ى قۇرىلىپ، جيىنى 374 ادام ىلە وبلىسىنا ەمدەۋ جاعىنان كومەك كورسەتۋ قىزمەتىنە كىرىستى. سونىمەن بىرگە 14 مامان جۇقپالى اۋرۋ بايقالىپ مالىمەت بەرىلگەن جەرلەرگە جىبەرىلىپ، جەرلىكتەگىلەردىڭ دوحتىرحانادا جۇعىمدالۋىنان ساقتانۋ-تىزگىندەۋ قىزمەتىن ويداعىداي ىستەۋىنە جەتەكشىلىك ەتتى.

 

   قازىر شيزاڭنىڭ قىستاقتارىنا بارىپ مىندەت اتقارىپ جاتقان قىزمەت اترەتىنىڭ 20 مىڭنان استام مۇشەسى مەن جۇقپالى اۋرۋدان ساقتانۋعا اتسالىسقان جاس ەرىكتىلەردەن 23 مىڭ 800 ادام نەگىزگى ساتىنىڭ ٴبىرىنشى شەبىندە ىجداعاتپەن مىندەت وتەپ، جۇقپالى اۋرۋدان ساقتانۋ -تىزگىندەۋ قىزمەتتەرىن ويداعىداي جۇرگىزۋدە.   

 

 

اۋدارعان: امانتاي مۇسايىپ ۇلى