ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

اۋىل شارۋاشىلىعى ، اۋىل – قىستاق مينيسترلىگى شۇعىل ورنالاستىرۋ جاسادى ، جەر – جەر قۋاڭشىلىققا قارسى تۇرىپ ، مول ءٴونىم الۋعا بار كۇشپەن كەپىلدىك ەتتى

来源:جۇڭگو قازاق راديو تورابى     |责编:古丽美热|     发布日期: 2022-08-15 17:16
 
ٴوز حابارىمىز 。 8- ايدىڭ 14- كۇنىنە دەيىن، ورتالىق اۋا رايى ستانسياسى ٴۇرتىس 25 كۇن جوعارى تەمپەراتۋرا ساقتىق سيگنالىن جاريالادى ، مۇنىڭ ىشىندە 12 ـ ، 14 ـ كۇندەرى ەڭ جوعارى دارەجەلى قىزىل ٴتۇستى ساقتىق سيگنالىن ٴۇرتىس 3 كۇن جاريالادى. اۋىل شارۋاشىلىعى ، اۋىل - قىستاق مينيسترلىگى شۇعىل ۇقتىرۋ شىعارىپ ، ورنالاستىرۋدى كۇشەيتتى ، سونداي - اق 25 ولكەگە  ٴتۇيىندى بايلانىس ورناتقان قىزمەت گرۋپپاسى مەن 12 عىلىم - تەحنيكا شاعىن اترەتىن كۇزگى استىق وندىرەتىن ٴتۇيىندى ولكەلەرگە جانە جوعارى تەمپەراتۋرالى قۋاڭشىلىقتىڭ ىقپالىنا ۇشىراعان ٴتۇيىندى رايوندارعا جىبەرىپ ، شەشۋشى شارالاردىڭ تياناقتانۋىنا جەتەكشىلىك ەتتى. جەر - جەر بۇعان بەلسەنە توتەپ بەرىپ ، كوپ ٴتۇرلى شارانى قاتار قولدانىپ ، قۋاڭشىلىققا قارسى تۇرىپ ، مول ٴونىم الۋعا كۇش سالدى. 
 
جياڭشي ولكەسى ٴۇرتىس 10 نەشە كۇن جوعارى تەمپەراتۋرالى قىزعىلت سارى ٴتۇستى ساقتىق سيگنالىن جاريالادى ، قازىر 58 اۋداندا ( قالا ، رايون ) ورتا دارەجەلى جانە ودان جوعارى دارەجەلى قۇرعاقشىلىق اپاتى تۋىلدى. قازىر جياڭشيدىڭ وڭتۇستىگىندەگى اپەلسين جەمىسى ٴوسۋىنىڭ شەشۋشى مەزگىلى ، جياڭشيدىڭ وڭتۇستىگىندەگى اپەلسين جەمىس باقشاسى تۇرلىشە دارەجەدە سۋ تاپشىلعى مەن قۇرعاقشىلىقتىڭ ىقپالىنا ۇشىرادى. جەرگىلىكتى ورىن عىلىم - تەحنيكا كۇشىن  ۇيىمداستىرىپ ، زەردەلى فورمادا قۋاڭشىلىققا قارسى تۇرۋ ٴوندىرىسىن جۇرگىزدى. جياڭشي ولكەسى گانجوۋ قالاسى گانشيان رايونى بەلگىلى اۋىل شارۋاشىلىق سەرىكتىگىنىڭ باس مەڭگەرۋشىسى حۋ فيحۇي بىلاي دەدى : ٴبىز سۋ مەن تىڭايتقىشتى ٴبىر تۇلعالاندىرىپ تامشىلاتىپ سۋارۋ جۇيەسىنەن پايدالانىپ دالمە ـ ٴدال سۋارامىز ، قازىر قۋاڭ جەرلەردى 7 كۇندە ٴبىر رەت سۋارامىز  ، ادام كۇشى بارىنشا ازا جۇمسالادى.
 
جياڭشي ولكەسى پيڭشياڭ قالاسى شياڭدۇڭ رايونى مەملەكەتتىك تۇقىم وندىرەتىن ٴىرى اۋدان ، بيىل 46 مىڭ مۋ جەرگە كۇرىش ەگىپ ، مۇنىڭ 30 مىڭ مۋعا تاياۋى قۋاڭشىلىقتىڭ ىقپالىنا ۇشىرادى. جەرگىلىكتى اۋىل شارۋاشىلىق تاراۋلارى توعاننىڭ تۇيىلىسكەن جەرىنە ەلەكترلى سۋ كومەيىن ورناتىپ ،  عىلمي سۋارۋدى ، سۋدان دالمە ـ ٴدال پايدالانۋدى جۇزەگە اسىردى. سونىمەن بىرگە ، ۇشقىشسىز ۇشاق ارقىلى جاپىراقتىڭ بەتىنە قورەكتىك سۇيىقتىقتى شاشىپ ، كۇرىشتىڭ ٴوسىپ - جەتىلۋىنە كەپىلدىك ەتتى. شياڭدۇڭ رايوندىق اۋىل شارۋاشىلىعى ، اۋىل ـ قىستاق مەكەمەسىنىڭ ورىنباسار باستىعى شياۋ شياۋدۇڭ بىلاي دەدى : 11 شۇعىل جاعدايعا توتەپ بەرۋ قىزمەت وتەۋ اترەتىن قۇرىپ ، اۋىل ـ قالاشىقتارعا بارىپ ، شارۋالاردىڭ اتىزدى باسقارۋ جانە تاسقىننان ساقتانىپ ، قۋاڭشىلىققا قارسى اتتانۋ قىزمەتىن جاقسى ىستەۋىنە جەتەكشىلىك ەتىپ ، كۇرىشتىڭ ساپاسى مەن ٴونىم مولشەرىنە كەپىلدىك ەتتىك. 
 
حۋبەي ولكەسى شىيان قالاسى جۋشان اۋدانىندا تەمپەراتۋرا ەڭ جوعارى بولعاندا 44.6 سەلسي گرادۋسقا جەتتى، اۋدانداعى 12 اۋىل - قالاشىقتىڭ220 مىڭ مۋ جەردەگى ەگىس داقىلى قۋاڭشىلىق اپاتىنا ۇشىرادى. يىشۇي قالاشىعى جۋشان اۋدانىنداعى قۋاڭشىلىق اپاتى ٴبىرشاما اۋىر اۋىل - قالاشىقتاردىڭ ٴبىرى ، جەرگىلىكتى ورىن قۋاڭشىلىققا قارسى تۇرۋعا شۇعىل توتەپ بەرۋ اترەتىندەگىلەردەن 200 دەن استام ادام - رەت شىعارىپ ، قۋاڭشىلىققا قارسى تۇرىپ ، مالدىڭ سۋاتى مەن اۋىل شارۋاشىلىق وندىرىسىنە پايدالانىلاتىن سۋمەن قامداۋ قىزمەتىن بار كۇشپەن جاقسى ىستەدى. يىشۇي قالاشىعىنىڭ باستىعى ليۋ شيانجۇڭ بىلاي دەدى : كولشىك وزەن قويماسى سياقتى سۋ ساقتاۋ ورىندارىنان سۋ سورعىزىپ ، اپاتقا ۇشىراعان ەگىس داقىلدارىن دەر كەزىندە سۋراىپ ، 1000 مۋدان استام ەگىس داقىلدارىن قۋاڭشىلىقتان ساقتاپ قالدىق
 
تاياۋدا حىناننىڭ باسىم كوپ  جەرى جوعارى تەمپەراتۋرا مەن  تىمىرسىق ىستىق اۋا رايىنىڭ ىقپالىنا ۇشىراپ ، قۋاڭشىلىقٴورشىدى. قازىر كۇزدىك  ەگىس داقىلى ٴوسۋىنىڭ  شەشۋشى مەزگىلى ، انياڭ قالاسىنىڭ حۋاشيان اۋدانىندا ، جەرگىلىكتى ورىن ۇشقىشسىز ۇشاقپەن جۇگەرىنى توزاڭداندىرۋ جۇمىسىن ىستەيدى. انياڭ اۋدانى اۋىل شارۋاشىلىق تەحنيكاسىن جالپىلاستىرۋ رايونى پۋنكتىنىڭ اعا اگرونومى تيان لانرۇڭ بىلاي دەدى : قازىر اتىز باسقارۋدا نەگىزىنەن قۇرت ولتىرەتىن دارىلەردى ، باكتەريا ولتىرەتىن دارىلەردى جانە  قورەكتىكتەردى شاشىپ ، جۇگەرى ٴونىمىنىڭ ورنىقتى ارتۋىنا كەپىلدىك ەتتىك. 
 
 
اۋدارعان: سەرىك راقىم ۇلى
 

中央广播电视总台 央广网 版权所有

اۋىل شارۋاشىلىعى ، اۋىل – قىستاق مينيسترلىگى شۇعىل ورنالاستىرۋ جاسادى ، جەر – جەر قۋاڭشىلىققا قارسى تۇرىپ ، مول ءٴونىم الۋعا بار كۇشپەن كەپىلدىك ەتتى

جۇگەرى ٴونىمىنىڭ ورنىقتى ارتۋىنا كەپىلدىك ەتتىك