مەملەكەتتىك ساياسي كەڭەس قوس اپتالىق كەڭەس ٴماجىلىس اشتى، ماجىلىستە «كاسىپتىك وقۋ-اعارتۋدىڭ اۋىل-قىستاقتى كوركەيتۋدەگى رولىن تولىق ساۋلەلەندىرۋ» توڭىرەكتەلە ۇكىمەت ٴىسى اقىلداسىلىپ، ۇكىمەت ىسىنە كەڭەس بەرىلدى، ۋاڭ ياڭ ٴماجىلىستى باسقاردى
来源:جۇڭگو قازاق راديو تورابى |责编:古丽美热| 发布日期: 2022-09-24 17:02
ساياسي كەڭەستىڭ 11 مۇشەسى جانە مامان-وقىمىستىلار ماجىلىستە ٴسوز سويلەدى، 126 مۇشە مەملەكەتتىك ساياسي كەڭەس مۇشەلەرىنىڭ مىندەت وتەۋ تەكشەسىندە پىكىر ايتتى.
مۇشەلەر مىنانى ۇسىنىس ەتتى: جاڭادان وزگەرىس ەنگىزىلگەن كاسىپتىك وقۋ – اعارتۋ زاڭىن تياناقتاندىرۋ، جەرلىك ءار دارەجەلى ۇكىمەتتەردى اۋىل شارۋاشىلىعى، اۋىل–قىستاق، شارۋالار دارىندىلارىن تاربيەلەۋدى ماڭىزدى قىزمەت كۇن تارتىپكە قويىپ، ادام كۇشى، زاتتىق كۇش، قازىنا قوسىلىمىن ارتتىرىپ، تياناقتاندىراتىن، تەكسەرىپ باعالايتىن قولداۋ ساياساتىن شىعارۋعا قۋزاۋ كەرەك. اۋىل شارۋاشىلىعىنا قاتىستى ٴتۇرلى كاسىپتىك مەكتەپتەردى ورنالاستىرۋدى كەمەلدەندىرۋ، جوعارى دارەجەلى كاسىپتىك مەكتەپتەردى اۋدان قالاشىعىنا دەيىن قۇرۋعا شابىتتاندىرۋ كەرەك. اۋىل شارۋاشىلىعىنا ساياتىن كاسىپتەردىڭ ورنالاسۋىن ساپالاندىرۋ؛ بازاردى بەتكە الىپ كاسىپ اشۋ؛ اۋىل شارۋاشىلىق تەحنيكاسىن جالپىلاستىرۋ، ەكولوگيالىق اۋىل شارۋاشىلىعى، زەيىندەستىرىلگەن اۋىل شارۋاشىلىعى، ەلەكتروندىق ساۋدا زات اينالىمى، اۋىل-قىستاق ساياحاتى سياقتى سالالارداعى قولدانىلمالى كاسىپتەرگە وقۋشى قابىلداۋ كولەمىن ارتتىرۋ؛ قامداۋ مەن قاجەتسىنۋدىڭ ەكى جاقتى سايكەسىمدىلىگىن جوعارىلاتۋ كەرەك. وقىتۋ، تاربيەلەۋ تاسىلىندە جاڭالىق جاراتۋ؛ جەلىدە جانە جەلى سىرت تاربيەلەۋدى ۇشتاستىرۋعا ٴمان بەرۋ؛ ٴبىلىم مەن شەبەرلىكتى شارۋالار ورتاسىنا، ٴوندىرىستىڭ ٴبىرىنشى شەبىنە جەتكىزۋ كەرەك. وقىتۋشىلار قوسىنى قۇرىلىسىن كۇشەيتۋ؛ ساپانى ٴبىرىنشى ورىنعا قويۋعا، ارناۋلى كۋرس پەن قوسىمشا مىندەتتى اعارتۋدى ۇشتاستىرۋعا تاباندى بولۋ؛ جوعارى مەكتەپتەردەن وقۋ تاۋىسقان وقۋشىلاردى اۋىل شارۋاشىلىعىنا قاتىستى كاسىپتىك مەكتەپتەرگە وقىتۋشىلىققا ٴتىپتى دە كوپتەپ باۋراۋ؛ امالياتتىق تاجىريبەسى مول جەرلىك ماماندارمەن وقىتۋشىلار قوسىنىن تولىقتىرۋعا شابىتتاندىرۋ كەرەك. اۋىل شارۋاشىلىعى، اۋىل-قىستاق، شارۋالار دارىندىلارىنىڭ قوعامدىق ورنى مەن سايكەستى مامىلەسىن جوعارىلاتىپ، داڭق سەزىمىن، تابىس سەزىمىن ارتتىرۋ كەرەك.
مەملەكەتتىك ساياسي كەڭەس ٴتوراعاسىنىڭ ورىنباسارى گۋ شىڭزۋ تاقىرىپتىق ٴسوز سويلەدى. وقۋ–اعارتۋ مينيسترلىگىنىڭ جاۋاپتىسى قاتىستى جاعدايلاردى تانىستىردى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى، اۋىل شارۋاشىلىعى، اۋىل – قىستاق مينيسترلىگىندەگى، مەملەكەتتىك اۋىل–قىستاقتى كوركەيتۋ مەكەمەسىندەگى جاۋاپتى جولداستار كەڭەسۋگە، اۋىس – كۇيىس جاساۋعا قاتىناستى.
اۋدارعان: قاناتبەك جۇماباي ۇلى