حان جىڭ مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى اۋمىننىڭ دامۋىنا باستان-اياق كوڭىل ٴبولىپ، اۋمىن ەرەكشەلىگىندەگى «ٴبىر ەل، ەكى ٴتۇزىمنىڭ» تابىستى ٴامالياتىنا جوعارى باعا بەردى. ورتالىق اكىم حى يچىڭ مەن ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرىپ، اۋمىننىڭ جۇقپالى اۋرۋدان ساقتانۋىن جانە ونى تىزگىندەۋىن، قيىنشىلىعى بار كاسىپورىندارعا كومەكتەسۋىن، حالىق تۇرمىسىن جاقسارتۋىن جانە ەكونوميكانىڭ ۇيلەسىمدى، كوپ نەگىزدى دامۋىن ىلگەرىلەتۋىن بار كۇشپەن قولدادى. ەرەكشە اكىمشىلىك رايون ۇكىمەتى اۋمىنداعى قوعام ٴار سالا كۇشتەرىمەن ىنتىماقتاسىپ، سەنىمدى بەكەمدەپ، قيىندىقتاردان تايسالماي العا ۇمتىلىپ، كەزەكتەگى قيىنشىلىقتاردى جەڭىپ، دامۋدىڭ قوزعاۋشى كۇشىن نىعايتۋى كەرەك. 

 

 حان جىڭ بىلاي دەدى: وتان قاي-قاشان دا اۋمىننىڭ ۇزاق ۋاقىت گۇلدەنىپ-كوركەيۋى مەن ورنىقتىلىعىن ساقتاۋىنىڭ بەرىك تىرەگى. ەرەكشە اكىمشىلىك رايون ۇكىمەتى جۇقپالى اۋرۋدىڭ الدىن الۋ، ەكونوميكانى ورنىقتىرۋ، حالىقتىڭ قيىنشىلىعىن شەشۋ قىزمەتىن تاباندىلىقپەن جاقسى ىستەۋى كەرەك، ورتالىق نەگىزدىك قۇرىلعى قۇرىلىسى، ماڭىزدى حالىق تۇرمىسى ينجەنەرياسى، ەكونوميكانىڭ ۇيلەسىمدى، كوپ نەگىزدى دامۋى سياقتى جاقتاردا بار كۇشپەن قولداۋ كورسەتىپ، قالىڭ اۋمىندىق باۋىرلاستاردىڭ كوڭىل ٴبولىپ وتىرعان ماسەلەلەرىنە بەلسەنە اڭىس قايتارادى. حىڭچين گۋاڭدۇڭ-اۋمىن تەرەڭ سەلبەستىك رايونىنىڭ رەسمي قۇرىلعانىنا ٴبىر جىل بولدى، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىنا شارت-جاعداي ازىرلەۋ-سەلبەستىك رايوندى قۇرۋداعى اۋەلگى ماقسات. اۋمىن سەلبەستىك رايونى قۇرىلىسىنىڭ ماڭىزدى ورايىن مىقتى يگەرىپ، ەكونوميكانىڭ ۇزاق بولاشاقتىق دامۋىنا تىڭ قوزعاۋشى كۇش قوسۋى كەرەك. ورتالىقتاعى قاتىستى تاراۋلار جالپى تۇلعالىق جوبانىڭ ورنالاستىرۋىنا ساي، ساياساتتىق قولداۋ تەبىنىن ۇزدىكسىز ارتتىرىپ، سەلبەستىك رايونى قۇرىلىسىندا تىڭ تابىستارعا قول جەتكىزۋدى ىلگەرىلەتەدى. گۋاڭدۇڭ مەن اۋمىن ٴوز ابىزالدىلىقتارىن ويداعىداي ساۋلەلەندىرىپ، سەلبەستىك دەڭگەيىن جوعارىلاتىپ، گۋاڭدۇڭ مەن اۋمىننىڭ بىرگە اقىلداسۋ، بىرگە قۇرۋ، بىرگە باسقارۋ، بىرگە يگىلىكتەنۋ جاڭا ٴتۇزىلىسىن ۇزدىكسىز اقاۋسىزداندىرىپ، حىڭچين سەلبەستىك رايونىن اۋمىن ەكونوميكاسىنىڭ ۇيلەسىمدى، كوپ نەگىزدى دامۋىن جەبەيتىن جاڭا تۇعىر، اۋمىن تۇرعىندارىنىڭ تۇرمىسىنا، جۇمىسقا ورنالاسۋىنا قولايلىلىق جاسايتىن جاڭا ورتا ەتىپ قۇرىپ شىعۋ كەرەك. 

 

 جاۋ كىجى، شيا باۋلۇڭ، حى ليفىڭ جانە ورتالىقتىڭ قاتىستى تاراۋلارىنداعى، گۋاڭدۇڭ ولكەسىندەگى جاۋاپتى جولداستار ماجىلىسكە قاتىناستى. 

 

اۋدارعان:گۇلنۇر قابىلقاق قىزى