ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

كۇزگى استىقتىڭ قاۋىرت مەزگىلىندە ساتىپ الۋ جاپپاي ورىستەتىلدى

来源:جۇڭگو قازاق راديو تورابى     |责编:古丽美热|     发布日期: 2022-11-22 10:46
 
 ٴوز حابارىمىز. مەملەكەت استىق جانە زات زاپاسى مەكەمەسى جاقىندا كۇزگى استىق ساۋداسى قاۋىرت قاربالاس مەزگىلىگە وتكەندىگىن جاريالادى. قازىر استىق وندىرەتىن نەگىزگى رايونداردىڭ ساتىپ الۋ مولشەرى 50 ميلليون توننادان استى. حىنان ولكەسى انياڭ قالاسى حۋاشيان اۋدانى چىڭگۋان كوشەسىندەگى استىق جيناۋ-ساقتاۋ تۇيىنىندە جۇگەرى ساتۋعا كەلگەن اۆتوموبيلدەر قايشالىستى، استىق ساقتاۋ ورنىنىڭ جاۋاپتىسى چىن شوۋميڭ بىلاي دەدى: بيىل جۇگەرىنىڭ ٴتۇسىمى جاقسى، ٴدانى تولىق، بازار سۇرانىمى توتەنشە زور. استىقتى جيناۋ-ساقتاۋ ورنىمىز بيىل 15 مىڭ توننادان استام جۇگەرى ساتىپ الادى دەپ مەجەلەپ وتىر.
 
مەملەكەت بويىنشا استىق وندىرەتىن ٴىرى اۋدان شاندۇڭ ولكەسى دىجوۋ قالاسى چيحى اۋدانىندا جەرلىك ورىن كاسىپورىنداردى بەلسەنە سايكەستىرىپ، اۋىل شارۋاشىلىعىنا تيىمدىلىك جاساۋ قارىز اقشاسى، استىق ساتىپ الۋ سەنىمدىلىك قورى سياقتى فورمالار ارقىلى ساتىپ الۋ قارجىسىن تولىق دايىنداپ، ديقانداردىڭ استىق ساتۋىنا، الاڭسىز استىق ساتۋىنا مۇمكىندىك جاسادى. چيحى اۋداندىق استىق حاۋىپسىزدىگىن قامتاماسىزداندىرۋ ورتالىعىنىڭ مەڭگەرۋشىسى يۋان ۋىنجۇن بىلاي دەدى: قازىر اۋدان بويىنشا 3 كاسىپورىن ولكەلىك قور باسقارۋشى جاقتىڭ بەكىتۋىنەن ٴوتتى ٴارى بانكەگە 12 ميلليون يۋان قور تاپسىردى، 120 ميلليون يۋان قارجى قۇراپ، تۇتاس اۋداننىڭ بازارلانعان استىق ساتىپ الۋ قىزمەتىنە جۇمسادى.
 
 سانشي ولكەسى شينجوۋ قالاسىنداعى بەلگىلى استىق قامباسىنىڭ الدىندا استىق تاسىعان كولىكتەر قاز-قاتار تىزىلىپ كەزەك كۇتىپ تۇر. بۇل ارادا استىق ساتاتىن ديقاندار قول تەلەفونمەن ۋادەلەسىپ الدىن الا قاتارعا تۇرۋىنا بولادى، باعاسى جاريا، استىق تەز ساتىلادى. جەرگىلىكتى بەلگىلى استىق قامباسىنىڭ قىزمەتكەرى ليۋ لينشياڭ بىلاي دەدى: ٴبىز ينتەرنەت تەكشەسى ارقىلى الدىن الا كەلىسىپ ساتىپ الىپ، ەگىمشىلىك وتباسىلارىنىڭ ساتىپ الۋ جاعدايى مەن باعاسىن ۇعىسۋىنا مۇمكىندىك جاساپ، قاتارعا تۇرىپ ۇزاق كۇتۋدىڭ الدىن الدىق. ەگىمشىلىك وتباسىلارى « ٴبىر كارتوچكا ارقىلى » تىزىمدەۋ، ۇلگى الۋ، تەكسەرۋ، ەسەپ جابۋدىڭ تۇتاس كاسىپتىك بارىسىن ورىندايدى.
 
قازىر ورتا جانە كەش پىساتىن كۇرىش، جۇگەرى، سويا بۇرشاق سياقتى كۇزگى استىق سورتتارىنىڭ بازارعا شىعارىلۋ مولشەرى ورنىقتى ارتتى. بازار جاعدايى جاقسى، باعاسى جوعارى بولعاندىقتان، بازارداعى ساتىپ الۋ-ساتۋ جاندانا ٴتۇستى. جياڭشي ولكەسى نانچاڭ قالاسى بەلگىلى كۇرىش شارۋاشىلىعى شەكتى سەرىكتىگىنىڭ جاۋاپتىسى زوۋ گاننان تىلشىگە بىلاي دەدى: بيىل مەملەكەت ساتىپ الۋ باعاسىن 1 يۋان 29 تيىن دەپ تۇراقتاندىردى، ٴبىراق كاسىپورىندارىمىزدىڭ ساتىپ الۋ باعاسى 1 يۋان 75 تيىن بولىپ، شارۋالاردىڭ كىرىسىن ارتتىرىپ، ولاردىڭ كەلەر جىلعى استىق ەگۋ سەنىمىن ارتتىرا تۇستى.
 
 استىق ەگەتىن ديقانداردىڭ مۇددەسىن شىنايى قورعاۋ ٴۇشىن، الدىڭعى مەزگىلدە جياڭسۋ، انحۇي، حىنان، حۋبەي، حيلۇڭجياڭ قاتارلى 5 ولكە ورتا جانە كەش پىساتىن كۇرىشتى ەڭ تومەنگى ساتىپ الۋ باعا جوباسىن اتقاردى. مەملەكەتتىك استىق جانە زات زاپاسى مەكەمەسىنىڭ تانىستىرۋىنا قاراعاندا، قازىرگە دەيىن استىق وندىرەتىن نەگىزگى رايوندارداعى ٴتۇرلى استىق كاسىپورىندارى جيىنى 50 ميلليون 490 مىڭ توننا كۇزگى استىق ساتىپ الدى، بۇل بىلتىرعى ۇقساس مەزگىلىدەگىدەن 6 ميلليون 910 مىڭ توننا ارتىق.
 
اۋدارعان: كۇلان ىرىسباي قىزى
 

中央广播电视总台 央广网 版权所有

كۇزگى استىقتىڭ قاۋىرت مەزگىلىندە ساتىپ الۋ جاپپاي ورىستەتىلدى

قازىرگە دەيىن استىق وندىرەتىن نەگىزگى رايوندارداعى ٴتۇرلى استىق كاسىپورىندارى جيىنى 50 ميلليون 490 مىڭ توننا كۇزگى استىق ساتىپ الدى، بۇل بىلتىرعى ۇقساس مەزگىلىدەگىدەن 6 ميلليون 910 مىڭ توننا ارتىق.