ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«جاڭا ءداۋىر، تىڭ جورىق، جاڭا ۇلى ناتيجە» تاقىرىبىنداعى ەستەلىكتىڭ «جۇرت جۇرەگىنە ۇيالاتۋ» دەگەن ٴبولىمى

来源:جۇڭگو قازاق راديو تورابى     |责编:古丽美热|     发布日期: 2022-11-23 16:34
 
ٴوز حابارىمىز. باس شۋجي شي جينپيڭ بىلاي دەپ اتاپ كورسەتتى: پارتيا 20-قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، اۋىل-قىستاقتى گۇلدەندىرۋدى جاپپاي ىلگەرىلەتىپ، حالىقتى اۋقاتتاندىرۋ ساياساتىن ٴبىر-بىردەن ويداعىداي تياناقتاندىرىپ، اۋىل شارۋاشىلىعىن، اۋىل-قىستاقتى وسىزامانداندىرۋدى جەدەل ىلگەرىلەتىپ، اۋىلداستاردىڭ تۇرمىسىن بارعان سايىن جاقسارتۋ كەرەك.
 
 جاڭا جورىقتا، جەر-جەر شىنايى يگەرۋ، ناقتى ىستەۋ ارقىلى پارتيا 20-قۇرىلتايىنىڭ رۋحىن دايەكتىلەندىرىپ، تياناقتاندىرىپ، اۋىل شارۋاشىلىعىن، اۋىل-قىستاقتى وسىزامانداندىرۋ جولىندا قاجىماي-تالماي كۇرەس جۇرگىزۋدە. «جاڭا ءداۋىر، تىڭ جورىق، جاڭا ۇلى ناتيجە» تاقىرىبىنداعى ەستەلىكتىڭ بۇگىن «جۇرت جۇرەگىنە ۇيالاتۋ» دەگەن ٴبولىمىن تىڭدايسىزدار.
 
حيلۇڭجياڭ ولكەسى شۋاڭياشان قالاسىنىڭ يوۋ-ي اۋدانى دۇڭجيان اۋىلىندا 11-ايدىڭ 16-كۇنى قىرباق قار جاۋدى. اۋىل-قالاشىق راديو پۋنكيتىندە جەرلىكتەگىلەردىڭ وزدەرى قۇراستىرىپ جاساعان «جۇرت جۇرەگىنە ۇيالاتۋ» اتىنداعى ٴتول تۋىندى باعدارلاماسى بەرىلىپ جاتتى. 
 
 پارتيا 20-قۇرىلتايىنىڭ بايانداماسىندا نەلەر ايتىلدى؟ جاڭبىر جاۋىپ، تەمپەراتۋرا تومەندەسە، ٴونىمدى كەشەۋىلدەتپەۋگە قالاي كەپىلدىك ەتۋگە بولادى؟-دەگەن سوۋالداردىڭ جاۋابىن اۋىلداستار وسى راديودان تىڭداپ بىلەدى. «جۇرت جۇرەگىنە ۇيالاتۋ» باعدارلاماسىنىڭ جۇرگىزۋشىسى مەن رەداكتورى دۇڭجيان اۋىلدىق ۇكىمەتتىڭ قىزمەتكەرلەرى بولىپ، قوسىمشا اتقارىپ كەلۋدە. جاقىنعى مەزگىلدەن بەرى، پارتيا 20-قۇرىلتايىنىڭ رۋحىن ۇگىتتەۋ باعدارلامانىڭ باستى تاقىرىبىنا اينالدى. 
 
دۇڭجيان اۋىلىنىڭ تۇراقتى جان سانى 1300 دەن اسادى، رەداكتور لي سامەي مەن قىزمەتتەستەرى جاڭا كەزەكتى باعدارلامانى سىرتتا جاساپ، تەكسەرىپ-زەرتتەۋ، تىلشىلىك ىستەۋ تاسىلىمەن جۇرگىزۋدى ۇيعاردى. اۋىلداستاردىڭ نەنى تىڭداعىلارى كەلەتىندەرىن ٴبىلۋ ٴۇشىن، الدىمەن اتىز باسىنا بارىپ جاۋاپ تابۋدى ولار ٴجون كوردى. 
 
 11-ايدىڭ 18-كۇنى، اسپان شايداي اشىق.
تاڭ شيانجۇن دۇڭجيان اۋىلىنداعى الىس-جاقىنعا تانىمالى استىق ەگەتىن ٴىرى وتباسىنىڭ وتاعاسى، بيىل 421 مۋ جەرگە كۇرىش ەكتى، كۇزگى جيىن-تەرىن اياقتالىسىمەن ول كەلەر جىلعى كوكتەمگى ەگىس جۇمىسىنا دايىندالا باستادى.
 
 پارتيا 20-قۇرىلتايىنىڭ بايانداماسىندا بىلاي دەپ اتاپ كورسەتىلدى: 1 ميلليارد 800 ميلليون مۋ ەگىستىك جەر قىزىل سىزىعىن بەرىك ساقتاپ، ماڭگىلىك نەگىزگى ەگىنجايلاردى تۇگەلدەي جوعارى ولشەمدى ەگىنجاي ەتىپ وزگەرتۋ كەرەك. بۇدان تاڭ شيانجۇن قاتتى اسەرلەندى، ول كوتەرەگە العان 421 مۋ جەر بىلتىر وزگەرتىلۋ مىندەتىن تامامداعان. اتىز قىرى ازايىپ، ەگىستىك جەر كولەمى ارتتى.
 
 تاڭ شيانجۇن بىلاي دەدى: ەگىستىك جەرىمدى وزگەرتكەننەن كەيىن 30 مۋداي كوبەيدى، ياعني 30 مۋداي استىقتى ارتىق الاتىن بولدىم. كەلەر جىلى ەگىستىك جەرىمدى 450 مۋداي كەڭەيتىپ تاعى دا كۇرىش ەكپەكشىمىن. 
 
 تاڭ شيانجۇننىڭ ۇيىنەن شىققاننان كەيىن لي سامەيلەر مىڭ چاۋدىڭ ۇيىنە كەلدى. قوراسىندا 300 تۇياقتان استام قوي باققان ول قاربالاستىقتان باس الا الماي جاتىپتى. ناق مايداننان احۋال ۇعىسۋ ارقىلى لي سامەي مەن قىزمەتتەستەرى جاڭا كەزەكتى باعدارلامانى قالاي جاساۋ كەرەكتىگىن ٴبىلدى.
 
 11-ايدىڭ 20-كۇنى، اسپان شايداي اشىق. 
 دۇڭجيان اۋىلىندا بولعان 5-كۇنى، جاڭا كەزەكتى «جۇرت جۇرەگىنە ۇيالاتۋ» باعدارلاماسى راديو پۋنكيتى ارقىلى تاراتىلدى. بۇل اۋىلداستاردىڭ ٴۇنىنىڭ تۇڭعىش رەت راديودان ەستىلۋى. حيلۇڭجياڭ ولكەسى بيىل استىقتان 19 جىل بويى مول ٴونىم الدى. قازىر دۇڭجيان اۋىلىنىڭ كۇزگى جيىن-تەرىن قىزمەتى، استىق ساقتاۋ-ساتۋ جۇمىستارى نەگىزىنەن تامامدالدى. 
 
 
اۋدارعان: امانتاي مۇسايىپ ۇلى
 

中央广播电视总台 央广网 版权所有

«جاڭا ءداۋىر، تىڭ جورىق، جاڭا ۇلى ناتيجە» تاقىرىبىنداعى ەستەلىكتىڭ «جۇرت جۇرەگىنە ۇيالاتۋ» دەگەن ٴبولىمى

تاڭ شيانجۇن بىلاي دەدى: ەگىستىك جەرىمدى وزگەرتكەننەن كەيىن 30 مۋداي كوبەيدى، ياعني 30 مۋداي استىقتى ارتىق الاتىن بولدىم. كەلەر جىلى ەگىستىك جەرىمدى 450 مۋداي كەڭەيتىپ تاعى دا كۇرىش ەكپەكشىمىن.