ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

بەيجيڭ، گۋاڭجوۋ، چۇڭچيڭ سياقتى جەرلەر ىندەتتەن ساقتانۋ-تىزگىندەۋدى ۇزدىكسىز عىلمي، دالمە-ٴدال ويداعىداي ورىستەتتى

来源:جۇڭگو قازاق راديو تورابى     |责编:古丽美热|     发布日期: 2022-11-23 16:43
 
ٴوز حابارىمىز. جەر-جەر ىندەتتەن ساقتانۋ-تىزگىندەۋ قىزمەتىن عىلمي، دالمە-ٴدال ويداعىداي ىستەپ، مەديتسينالىق قۇتقارۋ-ەمدەۋ كۇشتەرىن ٴبىر تۇتاس جوسپارلاپ، ىندەتتىڭ تارالۋىن باتىل ٴۇزدى. استانا بەيجيڭنىڭ جۇقپالى اۋرۋدان ساقتانۋ جانە تىزگىندەۋ قىزمەتىن ونان ارى ويداعىداي ىستەۋ، ەرتە بايقاپ، ەرتە ٴبىرجاقتىلى ەتۋگە قولايلى بولۋ ٴۇشىن، بەيجيڭ قالاسىنىڭ جۇقپالى اۋرۋدان ساقتانۋ جانە تىزگىندەۋ ساياساتىنا تەڭشەۋ جۇرگىزىلدى. 11-ايدىڭ 24-كۇنىنەن باستاپ الەۋمەتتىك ورىندارعا 48 ساعاتتىق نۋكلەين قىشقىلىن تەكسەرۋ ناتيجەسى بولىمسىز بولۋ كۋالىگى بار بولۋ كەرەك. بەيجيڭ قالالىق ۇكىمەتتىڭ اقپارات مالىمدەمەشىسى شۇي حىجيان بىلاي دەدى: جەلىدەن تىس كولەمدى قيمىلدار مەن مەملەكەت كولەمىندەگى ٴماجىلىس جانە كۋرس، كورمە، تالقى، سونداي-اق ەمتيحان سياقتى شوعىرلى قيمىلداردى قاتاڭ مەڭگەرۋ كەرەك، ٴسوزسىز وتكىزۋگە تيىستى قيمىلداردا 48 ساعات ىشىندەگى نۋكلەين قىشقىلىن تەكسەرۋ ناتيجەسى بولىمسىز كۋالىگىن قاتاڭ تەكسەرۋ كەرەك.
 
 قازىر گۋاڭجوۋدىڭ باسىم كوپ ساندى وڭىرلەرىندە الدىڭعى مەزگىلدە جەرلىك ورىندارداعى شوعىرلى ىندەتتىڭ تارالۋ تىزبەگى نەگىزىنەن ٴۇزىلدى، كەزەكتە جۇقپالى اۋرۋ نەگىزىنەن حايجوۋ وڭىرىندە تارالۋدا، باييۇن رايونىندا دا جۇعىمدالعاندار سانى ٴبىرشاما كوپ،قوعام كولەمىندە اۋرۋدىڭ تارالۋ حاۋىپ-قاتەرى ٴالى دە جوعارى. ليۋان، پانيۇي، تيانحى رايوندارىندا ىندەت جاعدايى باسەڭدەدى. گۋاڭجوۋ قالالىق اۋرۋدان ساقتانۋ- تىزگىندەۋ ورتالىعى پارتكومىنىڭ شۋجيى جاڭ جوۋبين بىلاي دەدى: قازىرگى ساقتانۋ-تىزگىندەۋ جاعدايىنا مەڭزەس، ٴتىپتى دە تەز جىلدامدىقپەن، ٴتىپتى دە جوعارى ونىمدىلىكپەن ىندەتتەن ساقتانۋ-تىزگىندەۋ قىزمەتىن عىلمي، دالمە-ٴدال ويداعىداي ىستەۋ تالاپ ەتىلەدى.
 
 چۇڭچيڭ قالالىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى لي بين بىلاي دەدى: قازىر چۇڭچيڭ ورتالىق قالا رايونىندا ىندەتتىڭ كەڭ تارالۋ اۋقىمى تەجەلدى، وڭىردە شوعىرلانۋ جانە كوپ جەردە تارالۋ قاتارى ٴالى دە ساقتالۋدا، جۇعىمدالۋشىلاردىڭ سانى ٴالى دە ٴبىرشاما كوپ، ىندەت جاعدايى ٴالى دە اۋىر جانە كۇردەلى، سوندىقتان ەمدەۋ، قۇتقارۋ قىزمەتىن ماڭداي الدى قىزمەت رەتىندە جالعاستى جاقسى ىستەۋ كەرەك. 
 
 
اۋدارعان: نازار ٴارىپ ۇلى
 

中央广播电视总台 央广网 版权所有

بەيجيڭ، گۋاڭجوۋ، چۇڭچيڭ سياقتى جەرلەر ىندەتتەن ساقتانۋ-تىزگىندەۋدى ۇزدىكسىز عىلمي، دالمە-ٴدال ويداعىداي ورىستەتتى

سوندىقتان ەمدەۋ، قۇتقارۋ قىزمەتىن ماڭداي الدى قىزمەت رەتىندە جالعاستى جاقسى ىستەۋ كەرەك