ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى

来源:جۇڭگو قازاق راديو توربى     |责编:古丽美热|     发布日期: 2022-11-24 09:26
 
ٴوز حابارىمىز. مەملەكەتتىك كەڭەستىڭ زۇڭليى لي كىچياڭ 11-ايدىڭ 22-كۇنى مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى، ماجىلىستە ەكونوميكانى ورنىقتىرۋدىڭ ٴبىر قىدىرۋ ساياساتتارى مەن شارالارىن جاپپاي تياناقتاندىرىپ، ەكونوميكانىڭ ورنىقتىلىق نەگىزىن بەكەمدەۋ جونىندە ورنالاستىرۋ جاسالدى؛ جەرگىلىكتى ورىندارعا قۋزاۋ- جەتەكشىلىك ەتۋ قىزمەت گرۋپپاسىن جىبەرىپ، الدىڭعى مەزگىلدە شىعارىلعان ساياساتتىق شارالاردى شىنايى تياناقتاندىرۋعا قۋزاۋشىلىق ەتۋ ۇيعارىلدى.
 
ماجىلىستە مىنالار اتاپ كورسەتىلدى: جەر-جەر، تاراۋلار پارتيا ورتالىق كوميتەتى مەن مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ەكونوميكانى ورنىقتىرۋ جونىندەگى ٴبىر قىدىرۋ ساياساتتار مەن شارالاردى تىڭعىلىقتى اتقارىپ، 2-توقساننىڭ الدىڭعى مەزگىلىندەگى ەكونوميكانىڭ قۇلدىراۋ جاعدايىن وزگەرتۋگە، ەكونوميكانىڭ جالپى جاعدايىن ورنىقتىرۋعا پارمەندى تىرەك ازىرلەدى. 4-توقسانداعى ەكونوميكالىق اينالىم تۇتاس جىلداعى ەكونوميكا جونىنەن توتەنشە ماڭىزدى، قازىر ەكونوميكانىڭ ورنىقتىلىق نەگىزىندە جالعاستى ورنىعۋىن بەكەمدەۋدىڭ شەشۋشى كەزەڭى. ەكونوميكانى ورنىقتىرۋدىڭ ٴبىر قىدىرۋ ساياساتتىق شارالارىن ىشكەرىلەي تياناقتاندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ٴبىرشاما جاقسى ناتيجەنى جۇزەگە اسىرۋعا كۇش سالۋ كەرەك. الدىڭعى مەزگىلدە قازىنا، فينانس ساياساتى العا قويىلىپ، كەلەلى نىساندار قۇرىلىسىنا، جابدىقتاردى جاڭالاۋعا قولداۋ كورسەتىلدى، ساياساتتىڭ ونىمدىلىگى كورنەكتىلەنىپ كەلەدى، ٴالى دە اسا زور كومەسكى كۇش بار، سونىمەن بىرگە جەر-جەردىڭ جاعدايى پارىقتى، تىيناقتاندىرۋدى تولىق جۇزەگە اسىرا الماعان ٴىشىنارا جەرلەر تىياناقتاندىرۋعا جالعاستى كۇش سالۋ كەرەك.
 
ٴبىرىنشى، ماڭىزدى نىسانداردى سايكەستىرۋ مەحانيزمىندە ۇزدىكسىز جوعارى ٴونىمدى جۇمىس جۇرگىزىپ، كەلەلى نىساندارعا بايلانىستى قارجى تولەۋ ىستەرى مەن قۇرىلىستاردى جەدەل ىلگەرىلەتىپ، حالىقتىق كاسىپورىندار سياقتى قوعامدىق كاپيتالدى قارجى قوسۋعا جەتەكتەپ، بيىل جىل ىشىندە اناعۇرلىم كوپ ناقتى قىزمەت مولشەرىن قالىپتاستىرۋ كەرەك. باقىلاۋ-باسقارۋدى كۇشەيتىپ، ساپا حاۋىپسىزدىگى ينجەنەرياسىن قالىپتاستىرۋ كەرەك.
 
ەكىنشى، جابدىقتاردى جاڭالاۋ، قايتا قۇرۋ جاعىندا، قارىز اقشا توقتامىنا قول قويۋ نەگىزىندە، قىزمەت ٴتۇيىنىن ارناۋلى ۇستەمە قارىز اقشا بەرۋ مەن قازىنادان ٴوسىم بەرۋ جاعىنا اۋدارىپ، جابدىقتاردى جەدەل ساتىپ الۋ مەن جاڭالاۋعا قۋزاۋ سالۋ كەرەك.
 
ٴۇشىنشى، تۇتىنۋدى ورنىقتىرۋ جانە ۇلعايتۋ كەرەك. تەكشە ەكونوميكاسىنىڭ باياندى، اقاۋسىز دامۋىن قولداپ، ەلەكتروندىق ساۋدا، جەدەل جەتكىزۋ تورابىنىڭ ىركىلىسسىزدىگىنە كەپىلدىك ەتۋ كەرەك. قالالاردىڭ جاعدايىنا قاراي شارا قولدانىپ، تۇراقتى جانە جاقسارتىلعان تۇرعىن ٴۇي سۇرانىمىن قولداۋ ساياساتىن تياناقتاندىرۋ قاجەت. قامتاماسىزداندىرۋ سيپاتتى تۇرعىن ۇيگە ارناۋلى قارىز اقشا بەرۋدى تەز ارادا نىسان بويىنشا جاپپاي تياناقتاندىرىپ، ساۋدا بانكەلەرىن وسى جاقتا جاڭادان قارىز اقشا بەرۋگە شابىتتاندىرىپ، قورا-جاي بازارىنىڭ اقاۋسىز دامۋىن جەبەۋ كەرەك.
 
ٴتورتىنشى، قاتىناس، زات اينالىمىنىڭ ىركىلىسسىزدىگىن ۇزدىكسىز قامتاماسىز ەتۋ كەرەك. زات اينالىمىنىڭ ىركىلىسسىزدىگىنە كەپىلدىك ەتۋ قىزمەت مەحانيزمىن ۇزدىكسىز سايكەستىرىپ، نەگىزگى ارنالار مەن ميكرو اينالىمنىڭ ىركىلىسسىزدىگىنە كەپىلدىك ەتىپ، پورت سياقتى شوعىرلى تاسىمال سالاسىنىڭ قالىپتى اينالىمىن قامتاماسىز ەتىپ، دەر كەزىندە بوگەتتەردى ارشىپ، كاسىپ تىزبەگى مەن قامداۋ تىزبەگىنىڭ ورنىقتىلىعىن جانە يمپورت-ەكسپورتتىڭ ىركىلىسسىزدىگىن قورعاۋ كەرەك.
 
بەسىنشى، فينانستىڭ ناقتى ەكونوميكانى قولداۋ تەبىنىن ارتتىرۋ كەرەك. بانكەلەردى جالپىعا ٴتيىمدى شاعىن، ۇساق ىركىندى قارىز اقشالارعا لايىقتى پايدا بەرۋگە جەتەكتەپ، قاتىناس، زات اينالىمىنا فينانستىق قىزمەت وتەۋدى ۇزدىكسىز ويداعىداي ىستەپ، حالىقتىق كاسىپورىندارعا قارىز تاراتۋدى قولداۋ تەبىنىن ارتتىرىپ، ولشەمدى تومەندەتۋ سياقتى اقشا ساياساتى قۇرالدارىنان دەر كەزىندە ۇيلەسىمدى پايدالانىپ، اينالىمنىڭ ۇيلەسىمدى، جەتكىلىكتى بولۋىن ساقتاۋ كەرەك. 
 
التىنشى، قيىنشىلىعى بار بۇقارانى، جۇمىسسىزداردى اۋقىمدىق باقىلاۋ جانە قۇتقارۋ، كومەكتەسۋ قىزمەتىن ويداعىداي ىستەپ، نەگىزگى حالىق تۇرمىسىنىڭ تومەنگى شەگىن بەكەمدەۋ كەرەك. ديقان جۇمىسكەرلەردىڭ ەڭبەكاقىسىن كەشەۋىلدەتۋدى جونگە سالۋ تەبىنىن ارتتىرىپ، ەڭبەكاقىنى ۋاعىندا، تولىق بەرۋدى قامتاماسىزداندىرۋ كەرەك.
ماجىلىستە مىنالار باسا دارىپتەلدى: قۋزاۋ-جەتەكشىلىك ەتۋدى جانە قىزمەت وتەۋدى كۇشەيتۋ كەرەك. 11-ايدىڭ سوڭىنان بۇرىن، مەملەكەتتىك كەڭەستىڭ ٴارقايسى قۋزاۋ-جەتەكشىلىك ەتۋ قىزمەت گرۋپپاسى قاتىستى جەرلەرگە بارىپ، ەكونوميكانى ورنىقتىرۋ جونىندەگى ٴبىر قىدىرۋ ساياساتتىق شارالاردىڭ تياناقتانۋ جاعدايىنا قۋزاۋ-جەتەكشىلىك ەتىپ، ساياساتتى تياناقتاندىرۋ بارىسىنداعى قيىنشىلىقتار مەن ماسەلەلەردى سايكەستىرىپ شەشەدى.
 
ماجىلىستە باسقا دا ىستەر زەرتتەلدى. 
 
اۋدارعان: شالقار قازەز ۇلى
 

中央广播电视总台 央广网 版权所有

لي كىچياڭ مەملەكەتتىك كەڭەستىڭ ۇنەمىلىك ىستەر ٴماجىلىسىن باسقارىپ اشتى

ماجىلىستە باسقا دا ىستەر زەرتتەلدى.