ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر-جەر ىندەتتى ٴبىر جاقتى ەتۋ قىزمەتىن بار كۇشپەن ويداعىداي يگەرىپ، عىلمي ساقتانۋ-تىزگىندەۋگە، كۇندەلىكتى تۇرمىستى قامتاماسىز ەتۋگە تاباندى بولدى

来源:جۇڭگو قازاق راديو تورابى     |责编:古丽美热|     发布日期: 2022-11-24 16:53
 
ٴوز حابارىمىز. جەر-جەر ىندەتتى ءٴبىر جاقتى ەتۋ قىزمەتىن بار كۇشپەن ويداعىداي يگەرىپ، عىلمي ساقتانۋ-تىزگىندەۋگە، كۇندەلىكتى تۇرمىستى قامتاماسىز ەتۋگە تاباندى بولدى.
 
 قازىر بەيجيڭ قالاسىندا جۇقپالى اۋرۋلار سانى كوبەيىپ، قوعامدا جاسىرىن تارالۋ قاتەرى كۇشەيىپ، جۇقپالى اۋرۋدان ساقتانۋ جانە ونى تىزگىندەۋ ەڭ شەشۋشى، ەڭ قيىن كەزەڭگە ٴوتتى. بەيجيڭ قالالىق ۇكىمەتتىڭ اقپارات مالىمدەمەشىسى شۇي حىجيان بىلاي دەدى: ٴارقايسى رايون ٴوز رايونىنىڭ جۇقپالى اۋرۋ جاعدايىنا جانە قوعامدىق حاۋىپ-قاتەردىڭ ۇلكەن-كىشىلىگىنە قاراي، جۇقپالى اۋرۋ جاعدايى باسەيگەنگە دەيىن، تىزگىندەۋ كورسەتكىشىن اۋقىمدىق جاقتان رەتتەۋ كەرەك. جۇڭگو حالىقارالىق جاڭا كورمە ورتالىعىنداعى جەڭىل ناۋقاستار ۋاقىتتىق شيپاحاناسى پايدالانۋعا بەرىلدى.
 
 بەيجيڭ قالالىق اۋرۋدى تىزگىندەۋ ورتالىعىنىڭ ورىنباسار مەڭگەرۋشىسى ليۋ شياۋفىڭ بىلاي دەدى: الدىن الۋ، تىزگىندەۋ شارالارىن ۋاقىتقا، اۋقىمعا قاراي ٴونىمدى ساپالاندىرىپ، ٴتۇرلى ساقتانۋ، تىزگىندەۋ قىزمەتتەرىن تەز، قاتاڭ، ەگجەي-تەگجەيلى مىقتى يگەرىپ، جۇقپالى اۋرۋدىڭ تەز قارقىنمەن ارتۋ اۋقىمىن جەدەل تەجەۋ كەرەك. جۇقپالى اۋرۋ كوپ بايقالعان اۋماقتار مەن كوشە-اۋىلدار قوعامدىق قيمىلدى بارىنشا ازايتۋى، ىندەت بىتىراندى تارالعان وڭىرلەر تۇرعىنداردىڭ قاجەت بولماسا ىندەت تۋىلعان وڭىرلەرگە بارماۋىن دارىپتەۋى، جۇقپالى اۋرۋ كوپ تارالعان وڭىردەگى ٴسوزسىز جۇمىسقا شىعاتىن قىزمەتكەرلەر قىزمەت ورنىنان باسقا جەرگە بارماۋى، نۋكلەين قىشقىلىن تەكسەرۋدى، دەنساۋلىقتى باقىلاۋدى جانە جەكەلىك قورعانۋدى ويداعىداي ىستەۋى كەرەك.
 
 كەزەكتە گۋاڭدۇڭ ولكەسى گۋاڭجوۋ قالاسى حايجۋ رايونىندا ىندەت جاعدايى ٴالى دە تولقىمالى مەزگىلدە تۇر، حايجۋ رايونى باسقارۋ-مەڭگەرۋ شارالارىن 11-ايدىڭ 27-كۇنى ساعات 24 كە دەيىن جالعاستىرۋدى ۇيعاردى. حايجۋ رايونىنىڭ ورىنباسار باستىعى سۋ ميڭچيڭ بىلاي دەدى: حايجۋ رايونى ٴتۇرلى قىزمەت وتەۋ، قامتاماسىزداندىرۋ قىزمەتىن جان-جاقتى، بار كۇشپەن ويداعىداي ىستەيدى. ٴبىز ٴتۇيىندى باسقارىلاتىن رايونداردا تۇرمىستىق زاتتىق ماتەريالداردى جەتكىزۋ قوسىنىن ۇيىمداستىرىپ، تۇرمىستىق زاتتىق ماتەريالداردى قامتاماسىزداندىرۋ تۇيىندەرىن قۇردىق، سونىمەن بىرگە جەمىس-جيدەك، كوكونىس، كۇرىش سياقتى زاتتارمەن قامداۋدى كۇشەيتىپ، ٴبىر تۇتاس ولشەم، مەرزىم بويىنشا ٴاربىر ادامدى تۇرمىستىق قاجەتتى زاتتارمەن قامدادىق.
 
 گۋاڭجوۋ قالالىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى جاڭ ي بىلاي دەدى: گۋاڭجوۋ بەلگىلەنگەن شيپاحانالاردا قۇتقارۋ-ەمدەۋ قىزمەتىن كۇشەيتۋمەن بىرگە، 19 ۋاقىتتىق شيپاحانانى ىسكە قوستى، 3-دارەجەلى 28 ۋنيۆەرسال شيپاحانا ۋاقىتتىق شيپاحانالاردى وتكىزىپ الىپ، تۇرلەر بويىنشا قۇتقارۋ-ەمدەۋدى جولعا قويدى. 
 
اۋدارعان: گۇلنۇر قابىلقاق قىزى 
 

中央广播电视总台 央广网 版权所有

جەر-جەر ىندەتتى ٴبىر جاقتى ەتۋ قىزمەتىن بار كۇشپەن ويداعىداي يگەرىپ، عىلمي ساقتانۋ-تىزگىندەۋگە، كۇندەلىكتى تۇرمىستى قامتاماسىز ەتۋگە تاباندى بولدى

3-دارەجەلى 28 ۋنيۆەرسال شيپاحانا ۋاقىتتىق شيپاحانالاردى وتكىزىپ الىپ، تۇرلەر بويىنشا قۇتقارۋ-ەمدەۋدى جولعا قويدى