ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر-جەر، تاراۋلار قىس ماۋسىمىنداعى ەنەرگيامەن قامداۋدى ويداعىداي ىستەپ، كومىرمەن، ەلەكترمەن قامداۋعا شىنايى كەپىلدىك ەتتى

来源:جۇڭگو قازاق راديو تورابى     |责编:古丽美热|     发布日期: 2022-11-24 16:58
 
ٴوز حابارىمىز. جەر-جەر، تاراۋلار پارمەندى شارالار قولدانىپ، قىس ماۋسىمىنداعى ەنەرگيامەن قامداۋدى ويداعىداي ىستەپ، كومىرمەن، ەلەكترمەن قامداۋعا كەپىلدىك ەتىپ، بۇقارانىڭ ٴوندىرىسى مەن تۇرمىسىن قامتاماسىزداندىرۋعا كۇش سالدى. ىشكى مۇڭعۇلدىڭ وردوس قالاسىنداعى ٴبىر كومىر جۋۋ زاۆودىنىڭ زات اينالىمى ارناسىندا، كومىر تاسۋعا كەلگەن كولىكتەر قاز-قاتار ٴتىزىلدى. كاسىپورىن جاۋاپتىسى حاۋ شىڭلۇڭ بىلاي دەدى : ٴبىز كومىر جۋۋ ٴوندىرىسىن ىركىلىسسىز اينالدىرىپ، قامداۋ مىندەتىن تولىق ورىنداۋعا،اسىرا ورىنداۋعا قۇلشىنامىز.
 
ىشكى مۇڭعۇل كومىر ٴونىمىن ارتتىرىپ، قامداۋعا كەپىلدىك ەتۋ شارالارىن تياناقتاندىرىپ، كومىر ٴونىمىن اسىرۋعا كۇش سالدى. سونىمەن بىرگە، جاڭا ەنەرگيانى كەڭ كولەمدە اشۋدى، جوعارى سالىستىرمامەن پايدالانۋدى بار كۇشپەن جەبەپ، جەل ەنەرگياسى، فوتوۆولت، ەنەرگيا ساقتاۋ جانە سۋتەگى ەنەرگياسى ۋەنيۋرسال كاسىپ تىزبەگىنىڭ ورنالاسۋىن ٴبىر تۇتاس جوسپارلادى. ىشكى موڭعۇل اۆتونوميالى رايوندىق ساناق مەكەمەسى ەنەرگيا ساناق باسقارماسىنىڭ باستىعى ۋاڭ شياۋيان بىلاي دەدى: كومىر وندىرەتىن نەگىزگى رايون وردوس قالاسى، شيلينعول ايماعى جانە حۋلۇنبەر قالاسىنىڭ كومىر ٴونىم مولشەرى ەكى ورىندى سان بويىنشا ارتۋدى ساقتادى، جەل كۇشىمەن توك شىعارۋى ايتارلىقتاي. كەزەكتە ەلىمىزدىڭ باتىستىڭ كومىرىن شىعىسقا جەتكىزەتىن ماڭىزدى جولى بولعان داتۇڭ قالاسىنان چيڭحۋاڭداۋ قالاسىنا قاتىنايتىن تەمىر جولدىڭ كۇندەلىكتى كومىر تاسۋ مولشەرى بىر ميلليون توننادان استى. ەلەكترمەن، كومىرمەن قامداۋ قۋاتى جالپى بەتتىك جوعارىلاپ، ەنەرگيا حاۋىپسىزدىگىن، ٴوندىرىس تىزبەگىمەن قامداۋ تىزبەگىنىڭ ورنىقتىلىعىن قامتاماسىزداندىرۋعا پارمەندى تىرەك بولدى. جۇڭگو تەمىر جولى تاييۋان مەكەمەسى توبى شەكتى سەرىكتىگى داتۇڭ-چيڭحۋاڭداۋ پويەز ىستەرى بولىمشەسى ورنالاستىرۋ سەحىنىڭ سايكەستىرۋشىسى جاڭ جيانگو بىلاي دەدى : داتۇڭ-چيڭحۋاڭداۋ تەمىر جولىندا باعىتتامالى قامدالاتىن چيڭحۋاڭداۋ پورتى، تاڭشان پورتى، ساۋ فيديان پورتىندا 17 ميلليون توننادان استام كومىر ساقتالىپ، حالىق بۇقاراسىنىڭ جىلۋمەن قامداۋ، ەلەكتر تاراتۋ، كومىر قاجەتىن قامتاماسىزداندىرۋدا بەلسەندى رول اتقاردى.
 
اۋدارعان: كۇلان ىرىسباي قىزى 
 

中央广播电视总台 央广网 版权所有

جەر-جەر، تاراۋلار قىس ماۋسىمىنداعى ەنەرگيامەن قامداۋدى ويداعىداي ىستەپ، كومىرمەن، ەلەكترمەن قامداۋعا شىنايى كەپىلدىك ەتتى

حالىق بۇقاراسىنىڭ جىلۋمەن قامداۋ، ەلەكتر تاراتۋ، كومىر قاجەتىن قامتاماسىزداندىرۋدا بەلسەندى رول اتقاردى.