ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ كۋبا كوممۋنيستىك پارتياسى ورتالىق كوميتەتىنىڭ ٴبىرىنشى شۋجيى، كۋبانىڭ مەملەكەت ٴتوراعاسى دياز.كانەلمەن كەزدەستى

来源:جۇڭگو قازاق راديو تورابى     |责编:古丽美热|     发布日期: 2022-11-26 11:38
 
ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 11-ايدىڭ 25-كۇنى حالىق سارايىندا كۋبا كوممۋنيستىك پارتياسى ورتالىق كوميتەتىنىڭ ٴبىرىنشى شۋجيى، كۋبانىڭ مەملەكەت ٴتوراعاسى دياز.كانەلمەن كەزدەستى.
 
 لي جانشۋ بىلاي دەدى: جۇڭگو مەن كۋبا ٴبىر-بىرىنە سەنەتىن، ٴبىر-بىرىنە قارايلاساتىن اينىماس دوس، ادال جولداس، سەنىمدى باۋىرلاس، ەكى ەل قاتىناسى بەكەم. جۇڭگو كۋبانىڭ يەلىك ۇقىق تاۋەلسىزدىگىن قورعاۋىن، سىرتقى كيلىگۋگە قارسى تۇرۋىن باتىل قولدايدى، كۋبامەن بىرگە ەكى ەل مەملەكەت باسشىلارى كەلىسكەن ماڭىزدى ورتاق تانىمداردى ويداعىداي تياناقتاندىرىپ، ەكى پارتيا، ەكى ەل قاتىناسىنىڭ اناعۇرلىم ىشكەرىلەي دامۋىن ىلگەرىلەتۋدى قالايدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزم ىستەرى جاڭا داۋىرگە ٴوتىپ، تاريحي جەتىستىككە قول جەتكىزدى. جۇڭگو مەملەكەتتىك حالىق قۇرىلتايى كۋبانىڭ زاڭ شىعارۋ قۇرىلىمدارىمەن اۋىس-كۇيىستى، سەلبەستىكتى ونان ارى كۇشەيتىپ، ەكى جاقتىڭ ٴار سالاداعى سەلبەستىگىن بەلسەندى، پارمەندى زاڭدىق كەپىلمەن قامداۋدى قالايدى.
 
 دياز.كانەل جۇڭگو كوممۋنيستىك پارتياسى 20-قۇرىلتايىنىڭ ٴساتتى وتكىزىلگەندىگىن، ٴتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن قىزۋ قۇتتىقتادى، ەكى ەلدىڭ ٴار سالاداعى دوستىق سەلبەستىگىن اناعۇرلىم تەرەڭدەتۋدى ٴۇمىت ەتتى.
 
 سول كۇنى تۇستەن كەيىن دياز.كانەل تيان-انمىن الاڭىنا بارىپ، حالىق قاھارماندارى ەسكەرتكىشىنە گۇل شەڭبەر قويدى. 
 
اۋدارعان: گۇلنۇر قابىلقاق قىزى
 
 

中央广播电视总台 央广网 版权所有

لي جانشۋ كۋبا كوممۋنيستىك پارتياسى ورتالىق كوميتەتىنىڭ ٴبىرىنشى شۋجيى، كۋبانىڭ مەملەكەت ٴتوراعاسى دياز.كانەلمەن كەزدەستى

سول كۇنى تۇستەن كەيىن دياز.كانەل تيان-انمىن الاڭىنا بارىپ، حالىق قاھارماندارى ەسكەرتكىشىنە گۇل شەڭبەر قويدى.