ٴوز حابارىمىز. «جاڭا داۋىرگە كۋا بولۋ» اتتى ارناۋلى حابارىمىزدىڭ بۇگىنگى كەزەگىندە «كەدەنگە مالىمدەۋ تالونى سىرتقى ساۋدانىڭ ۇشقان قۇستاي دامۋىنا كۋا» دەگەن مازمۇن بەرىلەدى. 2021-جىلى 12-ايدىڭ 28-كۇنى جۇڭگو تەڭىز مۇحيت مۇناي توبى حالىقارالىق جۇك تاسىمال ۋاكىلەتتىك شەكتى سەرىكتىگى شىنجىن كەدەنى قاراستى حۇيجوۋ پورت كەدەنىنە بەنگالعا اۆياتسيالىق كارەسىن ەكسپورت ەتۋدى ٴوتىنىش ەتتى. بۇل ٴبىر قاراپايىم ٴوتىنىش بولعانىمەن تاريحقا ماڭگى جازىلاتىن كەدەنگە مالىمدەۋ تالونى بولىپ قالارىن ەشكىم ويلاماعان ەدى. جۇڭگو تەڭىز مۇحيت مۇناي توبى حۇيجوۋ مۇناي حيميا شەكتى سەرىكتىگىنىڭ باس جوراسى، باس ديرەكتور شيا چياڭبين بىلاي دەدى: زاتتار ەكسپورت ەتىلگەندە، ٴبىز ونىڭ ەلىمىزدىڭ يمپورت ـ ەكسپورت جالپى سوماسىنىڭ 6 تريلليون دوللارعا جەتكەندىگىنىڭ ايعاعى بولعانىن شىنىندا سەزبەپپىز. ٴبىز ٴوزىمىزدى ەرەكشە تالەيلى سەزىندىك ٴارى قاتتى قۋاندىق!

 

 سىرتقى ساۋدا ەكونوميكانىڭ ارتۋىن جەبەيتىن باستى فاكتورلاردىڭ ٴبىرى. جۇڭگو كەدەن مۇراجايىندا ساقتالعان 6 بەلگى سيپاتتى كەدەنگە مالىمدەۋ تالونى ەلىمىز ساۋداسىنىڭ جوعارى ساپالى دامۋىنىڭ تاريحي تابىستارعا قول جەتكىزگەندىگىنىڭ كۋاسى. كەدەن مۇراجايىندا ساقتالعان بۇيىمدار ورنىنىڭ ۋاقىتتىق جاۋاپتىسى رىن چياڭ بىلاي دەدى : مۇراجايىمىزدا ساقتالعان كەدەنگە مالىمدەۋ تالونىنىڭ ۋاقىت ارالىعى ۇزاق، جيناۋ ٴتاسىلى تۇرلىشە، مۇنىڭ ىشىندە يمپورت ـ ەكسپورت قۇنى 1 تريلليون دوللاردان 6 تريلليون دوللارعا جەتەتىن 6 دانا كەدەنگە مالىمدەۋ تالونى بار بولىپ توتەنشە قۇندى. ٴاربىر كەدەنگە مالىمدەۋ تالونى ەلىمىزدىڭ سىرتقى ساۋداداعى ٴىرى ەلدەن سىرتقى ساۋداداعى قۇدىرەتتى ەلگە قادام تاستاۋىنىڭ كۋاسى. 2017 جىلدان قازىرگە دەيىن، ەلىمىز ٴۇرتىس 5 جىل دۇنيە جۇزىلىك زات ساۋداسىنداعى ٴبىرىنشى ٴىرى ەلدىك ورنىن ساقتاپ، جۇڭگونىڭ «دۇنيە جۇزىلىك زاۆود» عانا ەمەس، «دۇنيە جۇزىلىك بازار» ەكەندىگىن دە تولىق ايگىلەدى. ەسىكتى ايقارا اشقان جۇڭگو دۇنيە جۇزىمەن اناعۇرلىم ٴتيىمدى ىقپالداستىق قالىپتاستىرىپ، جۇڭگو مەن دۇنيە ٴجۇزىنىڭ اناعۇرلىم العا باسقان، گۇلدەنگەن جاعدايىن جارىققا شىعارادى. جۇڭگو كەدەن مۇراجايىنىڭ ورىنباسار باستىعى لي حاييۇڭ بىلاي دەدى : ەلىمىزدىڭ سىرتقى ساۋدا يمپورت ـ ەكسپورت جالپى قۇنى 6 تريلليون امەريكا دوللارىنان اسقان كەدەنگە مالىمدەۋ تالونى جاڭا داۋىردەگى ەلىمىزدىڭ سىرتقى ساۋدا ىستەرىنىڭ ۇشقان قۇستاي دامۋىنا كۋا بولعان ماڭىزدى مەملەكەت تاريحى مادەني مۇرالارى بولىپ، جاڭا ٴداۋىر جاڭا جورىقتا ەلىمىزدىڭ ساۋداداعى ٴىرى ەلدەن ساۋداداعى ەگەي ەلگە قاراي قادام تاستاعان ۇلى بارىسىن جاندى بەينەلەدى. 

 

اۋدارعان: كۇلان ىرىسباي قىزى