ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

قۇرىلىسشىلار ۋاقىتتى ۇتىپ، قۇرىلىس مەرزىمىن مىقتى ۇستادى

来源:جۇڭگو قازاق راديو تورابى     |责编:阿依娜|     发布日期: 2023-01-23 11:12

ٴوز حابارىمىز. كوكتەم مەرەكەسىندە بىرەۋلەر ۇيىنە قايتىپ، وتباسىمەن باس قوسسا، بىرەۋلەر ءقىزمەت ورنىنان تاپجىلماي ءجۇمىس ىستەدى. چىڭدۋ-لانجوۋ تەمىر جولى تەڭىز دەڭگەيىنەن شامامەن 3000 مەتر بيىكتىكتەگى ۇستىرتتە سالىنعان تەمىر جول، قازىر چىڭدۋ-لانجوۋ تەمىر جولىنىڭ سىچۋانداعى بولەگى-سىچۋان ولكەسى ابا وبلىسىنىڭ سۇڭپان اۋدانىنداعى دىشىڭ تۋنەلى سالىنۋدا. دىشىڭ تۋنەلىنىڭ جالپى ۇزىندىعى 22.923 كيلومەتر، تۋنەل جەر كوشكىنى مەن لاي تاسقىنى كوپ تۋىلاتىن ٴوڭىردە بولىپ، قۇرىلىس جۇرگىزۋ وتە قيىن. كوكتەم مەرەكەسى كەزىندە تۋنەل قۇرىلىسشىلارى ۋاقىتتى ۇتىپ، قۇرىلىس مەرزىمىن مىقتى يگەردى.


    چىڭدۋ-لانجوۋ تەمىر جولىنىڭ دىشىڭ تۋنەلى تەڭىز دەڭگەيىنەن 2600 دە 2822 مەتر بيىك، قىس ماۋسىمى ۇزاق، تەمپەراتۋرا تومەن. تۋنەل مينجياڭ وزەنى وپىرىق بەلدەۋىنىڭ، باتىس چينليڭ وپىرىق بەلدەۋىنىڭ جانە لۇڭمىنشان وپىرىق بەلدەۋىنىڭ ورتاسىنا ورنالاسقاندىقتان، گەولوگيالىق شارت-جاعدايى توتەنشە كۇردەلى، قۇرىلىس كەزىندە ۇنەمى تۇتقيىل جاعداي تۋىلىپ تۇرادى.


    قۇرىلىس جۇرگىزۋ قاتەرىن ازايتۋ ٴۇشىن، دىشىڭ تۋنەلىن جوبالاۋ بارىسىندا جول جوباسى 8 رەت وزگەرتىلىپ، سوڭىندا ەڭ تاڭداۋلى جوبا بەلگىلەندى، سوندىقتان دىشىڭ تۋنەلىنىڭ قۇرىلىسى چىڭدۋ-لانجوۋ تەمىر جول لەنياسىنداعى باسقا تۋنەلدەردىڭ جۇمىس باستاۋ ۋاقىتىنان ٴبىر جارىم جىل كەشىگىپ باستالدى. چىڭدۋ-لانجوۋ تەمىر جولىندا بيىل ٴساتتى پويەز قاتىناتۋعا كەپىلدىك ەتۋ ٴۇشىن، قۇرىلىسشىلار ۋاقىتتى ۇتىپ، قۇرىلىس قارقىنىن تەزدەتتى.


    قازىر دىشىڭ تۋنەلىندە قۇرىلىستىڭ % 97.4 ى سالىنىپ بولدى، سانعا دا، ساپاعا دا كەپىلدىك ەتۋ ٴۇشىن، باسىم كوپ ساندى قۇرىلىسشىلار ٴۇرتىس 5 جىل كوكتەم مەرەكەسىندە وتباسىنداعىلارمەن باس قوسا الماي، قىزمەت ورنىنان تاپجىلمادى.

اۋدارعان: گۇلنۇر قابىلقاق قىزى

中央广播电视总台 央广网 版权所有

قۇرىلىسشىلار ۋاقىتتى ۇتىپ، قۇرىلىس مەرزىمىن مىقتى ۇستادى

كوكتەم مەرەكەسىندە بىرەۋلەر ۇيىنە قايتىپ، وتباسىمەن باس قوسسا، بىرەۋلەر ءقىزمەت ورنىنان تاپجىلماي ءجۇمىس ىستەدى.