شيامىن داشۋەسۋىنە قاراستى 1-شيپاحانادا 80 جاستاعى لي اتاي تاياۋدا جاڭا تيپتى ايدارشا ۆيرۋسپەن جۇعىمدالعاندىقتان شيپاحاناعا جاتقان ەدى، ەمدەۋ ارقىلى لي اتايدىڭ جاعدايى بىرتىندەپ جاقسارىپ، ادەتتەگى ناۋقاستار بولمەسىنە اۋىستىرىلدى. كوكتەم مەرەكەسىنە قاراعان ٴتۇنى، كاريا سەسترانىڭ سەرىك بولۋىندا كوكتەم مەرەكەسىنە ارنالعان ساۋىق كەشتى بىرگە كوردى.

 

 انحۇي ولكەسى يۇيياڭ اۋداندىق حالىق شيپاحاناسىنىڭ قان ٴسۇزۋ بولىمىندە ەمدەۋ قىزمەتكەرلەرى ادەتتەگىدەي قاربالاس بولدى، ولار 270 تەن استام ناۋقاستىڭ اپتاسىنا 3 رەت قان سۇزگىزىپ ەمدەلۋىنە كەپىلدىك ەتتى. مەرەكە كەزىندە بۇقارانىڭ ەمدەلۋ قاجەتىن قامتاماسىزداندىرۋ ٴۇشىن، جىجياڭ ولكەسى دىچيڭ اۋدانى شينشى قالاشىعىندا ارناۋلى ەمدەۋگە قىزمەت وتەۋ اترەتى قۇرىلىپ، كوكتەم مەرەكەسى كەزىندە كەزەكشىلىك ىستەپ، ارالاپ دياگنوز قويۋ جانە تەلەفوندا سويلەسىپ جاعدايىن ۇعىسۋ ارقىلى، قارتتار سياقتى ٴتۇيىندى قاۋىمدى دەنساۋلىق قىزمەت وتەۋىمەن قامدادى. 

 

 جۇقپالى اۋرۋلاردان ساقتانۋ مەن ەمدەۋدەگى ٴدارى-دارمەك زاتتىق قاجەتىن قاناعاتتاندىرۋ ٴۇشىن، جەر-جەردەگى ٴدارى-دارمەك ٴوندىرىس كاسىپورىندارى كوكتەم مەرەكەسى كەزىندە ٴوندىرىستى ارتتىرىپ، قامداۋدى قامتاماسىزداندىردى. ەرلى-زايىپتى حى چاڭچيڭ مەن جاۋ گوحۋا بەيجيڭدەگى ٴبىر ٴدارى-دارمەك وندىرەتىن كاسىپورىننىڭ جۇمىسشىلارى، ولار مەرەكە كەزىندە ٴدارى-دارمەك ٴوندىرىسىنىڭ ٴبىرىنشى شەبىندە تاپجىلماي جۇمىس ىستەدى. 

 

 مەديتسينادا قولدانىلاتىن وتتەگىمەن قامداۋعا كەپىلدىك ەتۋ ٴۇشىن، بەيجيڭ قالاسى ٴوندىرىس قۋاتىن كەڭەيتىپ، جابدىقتاردى ساقتاۋ، شيپاحانالاردىڭ وتتەگىمەن قامداۋ لەنياسىن وزگەرتۋ سياقتى شارالار ارقىلى شيپاحانالاردى وتتەگىمەن قامداۋعا بار كۇشپەن كەپىلدىك ەتىپ، كوكتەم مەرەكەسى كەزىندە تۇرعىنداردىڭ جاقىن ماڭداعى الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعىندا وتتەگىمەن قامدالۋىنا كەپىلدىك ەتتى. 

 

اۋدارعان: گۇلنۇر قابىلقاق قىزى