ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جاڭالىق اشۋدا قامال العان جۇڭگو اۆتوموبيل كاسىبى تاعى دا جاڭا ساپارعا بەت الدى

来源:جۇڭگو قازاق راديو تورابى     |责编:古丽美热|     发布日期: 2023-01-25 10:53
 
 ٴوز حابارىمىز. 2022 – جىلى ەلىمىزدە اۆتوموبيل ٴوندىرۋ – ساتۋ مولشەرى جەكە – جەكە 27 ميلليون 21 مىڭ جانە 26 ميلليون 864 مىڭ بولىپ، وتكەن جىلدىڭ ۇقساس مەزگىلىندەگىدەن %3.4 جانە %2.1 ارتقان. ساتىپ الۋ باجىسىنىڭ جارىمىن ازايتۋ سياقتى ارتۋدى ورنىقتىرۋ، تۇتىنۋدى جەبەۋ سىندىٴبىر قىدىرۋ ساياساتتىڭ ٴونىمدى جەبەۋىندە، ەلىمىزدىڭ اۆتوموبيل ونەركاسىبىندە قالپىنا كەلۋ سيپاتتى ارتۋ جارىققا شىعىپ، تۇتاس جىلداعى ٴوندىرۋ-ساتۋ مولشەرى ورنىقتى كوبەيىپ، تۇتاس ونەركاسىپ ەكونوميكاسىنىڭ ارتۋىن ورنىقتىرۋدا بەلسەندى رول اتقاردى.
 
2023 – جىلى ەلىمىزدىڭ اۆتوموبيل كاسىبى قانداي ورايلار مەن سىندارعا ٴدوپ كەلەدى ؟ قايتكەندە اۆتوموبيل تۇتىنۋ كومەسكى كۇشىن ىشكەرىلەي اشۋعا جانە جانداندىرۋعا بولادى ؟« بولاشاق ۇلى جوسپارعا زەيىن-زەردەنى، كۇش-قۋاتتى ۇيىستىرۋ » اتتى ارناۋلى حابارىمىزدىڭ بۇگىنگى كەزەگىندە جاڭالىق اشۋدا قامال العان جۇڭگو اۆتوموبيل كاسىبى تاعى دا جاڭا ساپارعا بەت الدى دەگەن مازمۇندى تىڭدايسىزدار.
 
 جياڭشيدىڭ نانچاڭ قالاسى چيڭشانحۋ رايونىنداعى جاڭا ەنەرگيالى اۆتوموبيلدىڭ 4 s دۇكەنىندە ساتۋشىلار اۆتوموبيل تۇرپاتىنىڭ كورنەكتى يقۋاتتارى مەن ورنالاستىرىلۋىن تانىستىرۋدا. كوكتەم مەرەكەسى كەزىندە دۇكەنگە كەلىپ اۆتوكولىك كورۋشىلەر مەن الدىن الا كەلىسىپ كولىكتى سىناپ كورۋشىلەردىڭ اياعى ۇزىلمەدى.
 
الارمان داي ۋي بىلاي دەدى: كوكتەم مەرەكەسى كەلدى، جاڭا كولىك اۋىستىرايىن دەگەم،كوڭىلىمىنەن شىقسا ساتىپ الامىن. الارمان ليۋ فاڭيە بىلاي دەدى: قازىر مەملەكەت ورتانى لاستامايتىن كولىكتەن پايدالانۋدى دارىپتەپ وتىر،جاڭا ەنەرگيالى اۆتوموبيلدەردىڭ باتەرياسى ويداعىداي جاسالعان، ماڭايىمىزداعى كوپتەگەن قىزمەتتەستەرىمىز دە جاڭا ەنەرگيالى اۆتوموبيل ايدايدى. جاڭا جىلدى تاماشا بەت بەينەدەن باستاپ جاڭا كولىك اۋىستىرماقپىن.
 
 بيىل ءبىر ءبولىم اۆتوموبيل زاۆودتارى مەرەكەدەن بۇرىن باعانى تومەندەتكەندىكتەن، سونداي-اق كونە كولىكتى اۋىستىرۋ قوسىمشا قاراجاتىن بەرۋ سياقتى ءتيىمدى ساتىپ الۋ ساياساتىن اتقارعاندىقتان، تاياۋ مەزگىلدەگى اۆتوموبيل بازارى وتكەن جىلدىڭ سوڭىنداعى كۇسەت ساۋداسىن بيىل تاعى دا جالعاستىردى. كەيبىر 4 S دۇكەندەرىنىڭ ساتۋشىلارى تىلشىگە بىلاي دەدى: وتكەن جىلدارمەن سالىستىرعاندا، بيىل جاڭا جىلدان كەيىنگى جالپى ساتىلۋ مولشەرى شامامەن % 20 جوعارىلادى، دۇكەندەرىمىز دە جوعارى مولشەردە كونە كولىكتى اۋىستىرۋ قوسىمشا قاراجاتىن بەردى، ەڭ جوعارى بولعاندا 8000 يۋان قوسىمشا قاراجاتتان يگىلىكتەنە الادى.
 
 تاياۋدا بەيجيڭ، تيانجين، جينان، جىڭجوۋ قاتارلى جەرلەر ۇقساماعان دارەجەدە اۆتوموبيل تۇتىنۋعا شابىتتاندىرۋ ساياساتىن اتقاردى، اۆتوموبيل كورۋگە ۋادەلەسكەن تۇتىنۋشىلار كورنەكتى كوبەيدى.
 
مەملەكەتتىك اۆتوموبيل بازار ينفورماتسياسى بىرىككەن ٴماجىلىسىنىڭ باس حاتشىسى سۇي دۇڭشۋدىڭ قاراۋىنشا، ىندەتتەن ساقتانۋ-تىزگىندەۋ شارالارىنىڭ اناعۇرلىم ساپالانۋىنا جانە رەتتەلۋىنە ىلەسە، جەرگىلىكتى ورىنداردىڭ ساياسات جاعىنان قولداۋ كورسەتۋى، زاۆودتاردىڭ كوپ ٴتۇرلى تاسىلمەن تيىمدىلىك جاساپ ساتۋدى جەبەۋى سياقتى ”ۇتىمدى شارالار“دىڭ قولداۋىندا، تۇتىنۋ سۇرانىسى ورنىقتى ارتىپ، اۆتوكولىك بازارى اناعۇرلىم جانداناتىن بولادى.
 
 
اۋدارعان: كۇلان ىرىسباي قىزى
 

中央广播电视总台 央广网 版权所有

جاڭالىق اشۋدا قامال العان جۇڭگو اۆتوموبيل كاسىبى تاعى دا جاڭا ساپارعا بەت الدى

تاياۋدا بەيجيڭ، تيانجين، جينان، جىڭجوۋ قاتارلى جەرلەر ۇقساماعان دارەجەدە اۆتوموبيل تۇتىنۋعا شابىتتاندىرۋ ساياساتىن اتقاردى، اۆتوموبيل كورۋگە ۋادەلەسكەن تۇتىنۋشىلار كورنەكتى كوبەيدى