ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

[كوكتەم مەرەكەسىندە نەگىزگى ساتىعا ساپار ] حىنان اۋىل شارۋاشىلىق داشۋەسىنىڭ نانفان تۇقىم جەتىلدىرۋ بازاسىنداعى جۇمىستارى جايلى

来源:جۇڭگو قازاق راديو تورابى     |责编:阿依娜|     发布日期: 2023-02-02 10:26

ٴوز حابارىمىز. ٴار جىلى قىس جانە كوكتەم مەزگىلىندە حاينانعا ورنالاسقان مەملەكەتتىك نانفان عىلمي زەرتتەۋ، تۇقىم جەتىلدىرۋ بازاسىنا بۇكىل ەلدىڭ جەر - جەرىندەگى اۋىل شارۋاشىلىق عىلىم - تەحنيكا قىزمەتكەرلەرى توپ-توبىمەن بارىپ ەكسكورسيالايدى. تومەندە ٴتىلشىنىڭ وسى جايلى جۇرگىزگەن سۇحباتىن تىڭداڭىزدار.


    تاڭەرتەڭ ساعات 7 دە حىنان اۋىل شارۋاشىلىق داشۋەسىنىڭ ورىنباسار باستىعى تاڭ جيحۋا جۇگەرى تۇقىمىن جەتىلدىرۋ ۇيىرمەسىندەگى 30 نەشە ادامدى باستاپ اتىزدا قاربالاستىققا ٴتۇستى. بازادا ەگىلگەن 260 مۋ جۇگەرى سىناق اتىزى ادام كۇشىمەن مايسا جەتىلدىرۋدىڭ شەشۋشى كەزەڭىنە ٴوتتى.


    تاڭ جيحۋا بىلاي دەپ تانىستىردى: ٴار جىلعى كۇز بەن قىس ماۋسىمىندا تۇقىم جەتىلدىرۋشىلەر سولتۇستىكتەن جينالعان تۇقىمدى حاينانعا اپارىپ جالعاستى ەگىپ، تۇقىم جەتىلدىرۋ ۋاقىتىن بارىنشا ۇتىمدايدى.


    جۇگەرى بۋداندى تۇقىمىن سۇرىپتاپ جەتىلدىرۋ مولشەرى وتە تومەن، ادەتتە ون مىڭنان ٴبىرى عانا جەتىلەدى، گەن ۇلگىسىن الۋ ٴۇشىن، وسى كوكتەم مەرەكەسى دەمالىسىندا عىلمي زەرتتەۋ قىزمەتكەرلەرى اتىزدا قاربالاس جۇمىس ىستەپ، مايسا جەتىلدىرۋدەن ٴونىم الۋعا دەيىنگى بارلىق باسقىشتى ناق مايداندا تۇگەلدەي وزدەرى ورىنداپ شىقتى.


    اتىزدا تاڭ جيحۋا جۇگەرى دەرت - دەربەزىنىڭ الدىن الۋ جانە ونى ەمدەۋ جونىندە وقۋشىلارعا سابىرلىلىقپەن جەتەكشىلىك ەتۋدە. نانفاندا جۇگەرى تۇقىمىن جەتىلدىرۋدى زەرتتەۋمەن 30 جىل شۇعىلدانعان تاڭ جيحۋا نانفاندىقتاردىڭ ۇقىپتىلىعىن، تاباندىلىعىن، قاجىماس قايسارلىعىن جاستارعا جەتكىزىپ كەلەدى.


    حىنان اۋىل شارۋاشىلىق داشۋەسىنىڭ ماگيستر اسپيرانتى شي جينجين بىلاي دەدى: كوكتەم مەرەكەسى كەزىندە ٴار كۇنى بىرنەشە رەت عىلمي زەرتتەۋ ورنىنا بارىپ، جۇگەرى مايساسىنىڭ بىرتىندەپ جەتىلگەنىن كورىپ، كوڭىلىم جاي تابادى.


    اتىزدا ٴبىر كۇن قاربالاس جۇرگەن تۇقىم جەتىلدىرۋشىلەر تۇندەلەتىپ ٴماجىلىس زالىنا جينالىپ، كەلەسى كۇنگى قاجەتتى قىزمەت ماتەريالدارىن دايىندايدى. «ەگىنشىلىك كاسىبىن گۇلدەندىرۋ» جونىندە ولاردا جاڭا جوسپار بار.


اۋدارعان: نازار ٴارىپ ۇلى

中央广播电视总台 央广网 版权所有

[كوكتەم مەرەكەسىندە نەگىزگى ساتىعا ساپار ] حىنان اۋىل شارۋاشىلىق داشۋەسىنىڭ نانفان تۇقىم جەتىلدىرۋ بازاسىنداعى جۇمىستارى جايلى

ٴار جىلى قىس جانە كوكتەم مەزگىلىندە حاينانعا ورنالاسقان مەملەكەتتىك نانفان عىلمي زەرتتەۋ، تۇقىم جەتىلدىرۋ بازاسىنا بۇكىل ەلدىڭ جەر - جەرىندەگى اۋىل شارۋاشىلىق عىلىم - تەحنيكا قىزمەتكەرلەرى توپ-توبىمەن بارىپ ەكسكورسيالايدى.