ۋاڭ حۋنيڭ مەملەكەتتىك ساياسي كەڭەستىڭ جاڭادان تاعايىندالعان مۇشەلەرىنىڭ ۇيرەنۋ، زەرتتەۋ-تالقىلاۋ كۋرسىنىڭ ساباق باستاۋ سالتىنا قاتىناستى ٴارى ٴسوز سويلەدى
ٴوز حابارىمىز. ساياسي كەڭەس 14-كەزەكتى مەملەكەتتىك كوميتەتىنىڭ جاڭادان تاعايىندالعان مۇشەلەرىنىڭ ۇيرەنۋ، زەرتتەۋ-تالقىلاۋ كۋرسى 5-ايدىڭ 30-كۇنى بەيجيڭدە اشىلدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ كۋرستىڭ باستالۋ سالتىنا قاتىناستى ءارى ءسوز سويلەدى. ول مىنالاردى ايتتى: شي جينپيڭ جاڭا ٴداۋىر جۇڭگوشا سوتسياليزم يدەياسى-زامانىمىزداعى جۇڭگو ماركسيزمى، 21-عاسىرداعى ماركسيزم، پارتيا مەن مەملەكەت، ٴسوز جوق، ۇزاق ۋاقىت تاباندى بولۋعا ٴتيىستى جەتەكشى يدەيا. حالىق ساياسي كەڭەسى شي جينپيڭ جاڭا ٴداۋىر جۇڭگوشا سوتسياليزم يدەياسىن ٴتۇرلى قىزمەتتەردى ٴبىر تۇتاس مەڭگەرۋ باس پروگرامماسى ەتىپ، تەرەڭدەتۋ، جان جۇيەگە ٴسىڭىرۋ، ناقتىلى ارەكەتكە اينالدىرۋ قىزمەتىن تاباندىلىقپەن ويداعىداي ىستەۋ؛ ج ك پ 20-قۇرىلتايىنىڭ رۋحىن جالپى بەتتىك ۇيرەنىپ، يگەرىپ، تياناقتاندىرۋ؛ «ەكىنى تۇراقتاندىرۋدىڭ» شەشۋشى ماڭىزىن تەرەڭ ٴتۇسىنىپ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداپ، ىنتىماقتاسا كۇرەس جۇرگىزۋ ورتاق يدەيالىق ـ ساياسي نەگىزىن ۇزدىكسىز بەكەمدەۋ كەرەك.
ۋاڭ حۋنيڭ بىلاي دەدى: جاڭا داۋىردەگى حالىق ساياسي كەڭەسى قىزمەتىن جاقسى ىستەۋدە، ٴسوز جوق، باس شۋجي شي جينپيڭنىڭ پارتيانىڭ جاڭا داۋىردەگى بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ٴتۇسىنىپ، بىرلىكساپتىڭ دامۋىنىڭ دۇرىس بەتالىسىن مىقتاپ يگەرۋ؛ جاڭا داۋىردەگى حالىق ساياسي كەڭەسى قىزمەتىنىڭ دەڭگەيى مەن بورىشىن يگەرۋ؛ ارناۋلى كەڭەس قۇرىلىمى قۇرىلىسىن تەرەڭدەتىپ، اناعۇرلىم كوپتەگەن ادامداردى جۇڭگو كوممۋنيستىك پارتياسىنىڭ توڭىرەگىنە ىنتىماقتاستىرىپ، ۇيىستىرىپ، جاڭا داۋىردەگى حالىق ساياسي كەڭەس قىزمەتىندە ۇزدىكسىز جاڭا جاعداي اشۋدى ىلگەرىلەتۋ كەرەك. قالىڭ ساياسي كەڭەس مۇشەلەرى جاۋاپكەرشىلىك سەزىم مەن بورىشتىلىق سەزىمدى كۇشەيتىپ، ساياسي قابىلەتتى نىعايتىپ، ناقتى ءىس ىستەپ، جاۋاپكەرشىلىك ارقالاۋدى كۇشەيتىپ، اناعۇرلىم تاسقىنداعان رۋحاني بەينەمەن مىندەت اتقارۋ ونىمدىلىگىن جالپى بەتتىك جوعارىلاتىپ، جۇرت تىلەگىن ۇيىستىرۋ، كۇش - قۋاتتى ۇيىستىرۋ قىزمەتىن ويداعىداي ىستەۋ كەرەك. ٴوز قىزمەتىندەگى باستاماشىلدىق رولىن، ساياسي كەڭەس قىزمەتىندەگى نەگىزگى تۇلعالىق رولىن، سالالار بويىنشا بۇقارا اراسىنداعى ۋاكىلدىك رولىن تولىق ساۋلەلەندىرىپ، حالىق ساياسي كەڭەس تۇزىمىنە بىرلىكتە تاباندى بولىپ، حالىق ساياسي كەڭەس ىستەرىن ويداعىداي دامىتۋ كەرەك.
وسى رەتكى ۇيرەنۋ، زەرتتەۋ ـ تالقىلاۋ كۋرسى 3 كۇنگە جالعاسادى، مەملەكەتتىك ساياسي كەڭەستىڭ 1100 دەن استام جاڭا مۇشەسى مەملەكەتتىك ساياسي كەڭەس ورگانىنىڭ نەگىزگى ٴماجىلىس الاڭىندا، ولكەلىك، اۆتونوميالى رايوندىق، توتە قاراستى قالالىق ساياسي كەڭەستەر مەن ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىنىڭ، ورتالىق ۇكىمەتتىڭ اۋمىندا تۇراتىن بايلانىس كەڭسەسىنىڭ بولىمشە ٴماجىلىس الاڭىندا بەينە ەكران ارقىلى بىرلىكتە ۇيرەندى، تالقىلادى.
اۋدارعان: قاناتبەك جۇماباي ۇلى
