بالالاردى ساپالى ەمدەۋ بايلىعى كولەمدەندىرىلەدى جانە جالپىلاستىرىلادى
ٴوز حابارىمىز. مەملەكەتتىك دەنساۋلىق ساقتاۋ، سالاماتتىق كوميتەتى 5-ايدىڭ 31-كۇنى اقپارات جاريالاۋ ٴماجىلىسىن اشىپ، ايەلدەر مەن بالالاردىڭ دەنساۋلىق ۇقىق ـ مۇددەسىن قورعاۋعا قاتىستى جاعدايلاردى ٴتۇيىندى تانىستىردى. قاتىستى جاۋاپتى بىلاي دەدى: بالالاردى ساپالى ەمدەۋ بايلىعىنىڭ كولەمى كەڭەيتىلىپ، تومەنگە ٴتۇسۋى مەن وڭىرلىك بىركەلكى ورنالاسۋى جەبەلەدى.
سوڭعى جىلداردان بەرى، مەملەكەتتىك دەنساۋلىق ساقتاۋ، سالاماتتىق كوميتەتى قاتىستى تاراۋلارمەن بىرگە تۋما كەمىستىكتەن جان ـ جاقتى ساقتانۋدى بەلسەنە ىلگەرىلەتتى، ەلىمىزدە جاڭا تۋعان نارەستەلەردىڭ اۋىر دارەجەلى تۋما كەمىستىك مولشەرى كورنەكتى تومەندەدى. مەملەكەتتىك دەنساۋلىق ساقتاۋ، سالاماتتىق كوميتەتى ايەلدەر مەن بالالار مەكەمەسىنىڭ باستىعى سۇڭ لي بىلاي دەدى: نازاردى ٴتۇيىندى اۋرۋلاردىڭ الدىن الۋعا ۇزدىكسىز شوعىرلاندىرىپ، تىڭ ىلگەرىلەۋشىلىككە قول جەتكىزۋگە كۇش سالىنادى. بالالاردى ساپالى ەمدەۋ بايلىعىن كەڭەيتىپ، تومەنگە ٴتۇسۋىن جانە وڭىرلىك بىركەلكى ورنالاسۋىن ىلگەرىلەتۋ ٴۇشىن، مەملەكەتتىك دەنساۋلىق ساقتاۋ، سالاماتتىق كوميتەتى مەملەكەتتىك بالالار مەديتسينا ورتالىعىن قۇردى، سونداي ـ اق 6 ۇلكەن رايوندا مەملەكەتتىك بالالار وڭىرلىك ەمدەۋ ورتالىعىنان 5 ورتالىق قۇردى. سونىمەن بىرگە، ولكە، قالا، اۋدان ٴۇش دارەجەلى قىزمەت وتەۋ جۇيەسى قۇرىلادى.
اۋدارعان: كۇلان ىرىسباي قىزى
