لي چياڭ بىلاي دەدى: ٴتوراعا شي جينپيڭ تاياۋدا جوكو زۇڭتۇڭمەن چىڭدۋدا كەزدەسىپ، جۇڭگو مەن يندونەزيانىڭ ەكى جاقتى قاتىناسىنىڭ دامۋىنا ايقىن باعدار كورسەتتى. جۇڭگو يندونەزيامەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ساياسي سەنىمدىلىكتى كۇشەيتىپ، ٴبىرىن-ٴبىرى تاباندىلىقپەن قولداپ، ەكى ەلدىڭ تاعدىرلاس ورتاق تۇلعاسى قۇرىلىسىنىڭ ساپاسىن، دەڭگەيىن جانە ناقتى ونىمدىلىگىن ۇزدىكسىز جوعارىلاتىپ، "ٴبىر بەلدەۋ، ٴبىر جولدى" جوعارى ساپامەن بىرگە قۇرۋ سەلبەستىگىنىڭ ۇزدىكسىز تەرەڭدەۋىن ىلگەرىلەتىپ، گۋمانيتارلىق سالاداعى اۋىس-كۇيىستى، سەلبەستىكتى جيىلەتىپ، ەكى ەل قاتىناسىندا ٴتىپتى دە كەسەك تابىستارعا قول جەتكىزۋدى قالايدى. جۇڭگو يندونەزيامەن كوپ جاقتى سەلبەستىكتى كۇشەيتىپ، شىعىس وڭتۇستىك ازيا ەلدەرى وداعىنىڭ ىنتىماعى مەن وزەكتى ورنىن بىرگە قورعاپ، شىعىس ازيا سەلبەستىگىنىڭ دۇرىس بەتالىسىن قورعاۋدى قالايدى. مارۋف بىلاي دەدى: يندونەزيا جۇڭگونىڭ يندونەزيانىڭ شىعىس وڭتۇستىك ازيا ەلدەرى وداعىنىڭ كەزەكتى ٴتوراعا ەلى بولعاندىعىن قولداعاندىعىنا العىس ايتادى، جۇڭگومەن ەكونوميكا-ساۋدا، گۋمانيتارلىق سياقتى سالالارداعى سەلبەستىكتى تەرەڭدەتىپ، كوپ جاقتى ىستەردەگى سايكەسۋدى، سەلبەسۋدى كۇشەيتىپ، ەكى ەلدىڭ جان-جاقتى ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى قالايدى.

    ۋ جىڭلۇڭ كەزدەسۋدە بىرگە بولدى.

اۋدارعان: گۇلنۇر قابىلقاق قىزى