ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي چياڭ ۆيەتنامنىڭ زۇڭليىمەن كەزدەستى

来源:جۇڭگو قازاق راديو تورابى     |责编:阿依娜|     发布日期: 2023-09-17 10:40

ٴوز حابارىمىز. مەملەكەتتىك كەڭەستىڭ زۇڭليى لي چياڭ 9-ايدىڭ 16-كۇنى ناننيڭدا ۆەتنامنىڭ زۇڭليى فان ميڭجىڭمەن كەزدەستى.


    لي چياڭ بىلاي دەدى: جۇڭگو مەن ۆيەتنام سوتسياليستىك تۇزىمدەگى دوس كورشىلەر، ستراتەگيالىق مانگە يە تاعدىرلاس ورتاق تۇلعا. باس شۋجي شي جينپيڭ مەن باس شۋجي رۋان فۋجۇڭنىڭ جەتەكشىلىگىندە، جۇڭگو-ۆيەتنام ەكى پارتياسىنىڭ، ەكى ەلدىڭ قاتىناسى تاماشا دامۋ جاعدايىن ساقتادى. جۇڭگو ۆيەتناممەن بىرگە ەكى پارتيانىڭ ەڭ جوعارى باسشىلارىنىڭ ماڭىزدى ورتاق تانىمىن تياناقتاندىرىپ، جوعارى جىكتەگىلەردىڭ جەتەكشىلىگىن كۇشەيتىپ، ٴوزارا قولداۋدى ايگىلەپ، ورتاق ستراتەگيالىق مۇددەنى قورعاپ، ساۋدا، گۋمانيتارلىق بارىس-كەلىستى كەڭەيتىپ، جۇڭگو-ۆيەتنام قاتىناسى مەن سەلبەستىگىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. ەكى جاق پىكىرلەسۋ، كەڭەسۋ ارقىلى الاۋىزدىقتاردى تىزگىندەۋگە تاباندى بولىپ، وكتەمدىك ساياسيعا بىرگە قارسى تۇرۋى كەرەك.


    فان ميڭجىڭ بىلاي دەدى: ۆيەتنام مەن جۇڭگونىڭ جان-جاقتى ستراتەگيالىق سەلبەستىك سەرىكتەستىك قاتىناسى ەڭ ەرتە ورناعان، ەڭ جوعارى دەڭگەيدەگى، ەڭ قۇرمەتتەلەتىن سىرتقى قاتىناس. ۆيەتنام-جۇڭگو قاتىناسىن ۇزدىكسىز تەرەڭدەتۋ ۆيەتنام-جۇڭگو قاتىناسىنىڭ وبيەكتيۆ تالابى، الدىمەن ويلاستىرىلاتىن ستراتەگيالىق تالعام. ۆيەتنام جۇڭگونىڭ دامىپ قۇدىرەتتەنۋىن قولدايدى، جۇڭگومەن ٴار سالاداعى سەلبەستىكتى تەرەڭدەتىپ، ەكى ەل قاتىناسىن تىڭ دەڭگەيگە كوتەرۋدى قالايدى.

اۋدارعان: گۇلنۇر قابىلقاق قىزى

中央广播电视总台 央广网 版权所有

لي چياڭ ۆيەتنامنىڭ زۇڭليىمەن كەزدەستى

مەملەكەتتىك كەڭەستىڭ زۇڭليى لي چياڭ 9-ايدىڭ 16-كۇنى ناننيڭدا ۆەتنامنىڭ زۇڭليى فان ميڭجىڭمەن كەزدەستى.