لي چياڭ بىلاي دەدى: جۇڭگو جۇڭگو-لاوس قاتىناسىن باستان-اياق ستراتەگيالىق تۇرعىدان يگەرەدى، لاوس جاقپەن بىرگە ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جوعارى ولشەمدى، جوعارى ساپالى، جوعارى دەڭگەيلى جۇڭگو-لاوس تاعدىرلاس ورتاق تۇلعاسىن قۇرۋ سىندى نەگىزگى جەلىنى مىقتاپ ارقاۋ ەتىپ، دامۋ ستراتەگياسىن ۇشتاستىرۋدى كۇشەيتىپ، "ٴبىر بەلدەۋ، ٴبىر جولدى" ۇزدىكسىز جوعارى ساپامەن بىرگە قۇرىپ، ٴوزارا بايلانىس، ەكونوميكا-ساۋدا، گۋمانيتارلىق سياقتى سالالارداعى سەلبەستىكتى ۇزدىكسىز تەرەڭدەتىپ، ەكى ەل حالقىن باقىتقا كەنەلتىپ، ٴوڭىردىڭ بەيبىتشىلىگىن، ورنىقتىلىعىن قورعاۋعا ۇلەس قوسۋدى قالايدى. جۇڭگو لاوستىڭ كەلەر جىلعى شىعىس وڭتۇستىك ازيا ەلدەرى وداعىنىڭ كەزەكتى ٴتوراعا ەلى مىندەتىن وتەۋىن قولدايدى، لاوسپەن بىرگە جۇڭگو-شىعىس وڭتۇستىك ازيا ەلدەرى وداعىنىڭ تاعدىرلاس ورتاق تۇلعاسى قۇرىلىسىن ىلگەرىلەتۋگە پەيىل.

    سۇڭ ساي بىلاي دەدى: لاوس ٴبىر جۇڭگو پرينسيبىنە تاباندى بولادى، جۇڭگونىڭ ٴوزىنىڭ وزەكتى مۇددەسىن قورعاۋىن باتىل قولدايدى، ٴتوراعا شي جينپيڭ العا قويعان ٴتۇرلى ماڭىزدى دارىپتەمەلەردى قولدايدى، جۇڭگومەن بىرگە "ٴبىر بەلدەۋ، ٴبىر جولدى" بىرگە قۇرۋدى جانە ٴار سالاداعى سەلبەستىكتى ٴبىر تۇتاس جوسپارلاپ ىلگەرىلەتۋدى، ستراتەگيالىق مۇددەنى بىرگە قورعاۋدى، لاوس پەن جۇڭگونىڭ تاعدىرلاس ورتاق تۇلعاسى قۇرىلىسىنىڭ ساپاسىن ارتتىرىپ، دارەجەسىن جوعارىلاتۋدى قالايدى.

اۋدارعان: گۇلنۇر قابىلقاق قىزى