ءوز حابارىمىز. كوپ جەردىڭ باقىلاۋ ساندى مالىمەتىنە قاراعاندا، ەلىمىزدە قىستان وتكەن جىل قۇستارى ارت-ارتىنان سولتۇستىككە اۋا باستاعان ءارى تاياۋدا شاعىن ورلەۋ كوتەرىلگەن. 

 

 جيليننىڭ موموگ مەملەكەت دارەجەلى جاراتىلىستىق قورىق رايونىندا تاياۋدا جىل قۇستارى ورالا باستادى. جۇڭگو ءتۇز حايۋاناتتارىن قورعاۋ قوعامى عىلمي تەكسەرۋ كوميتەتىنىڭ تۇراقتى مۇشەسى پان شىڭ يۇي بىلاي دەپ تانىستىردى: جيليننىڭ شىعىسىنان باتىسىنا دەيىن سازدىقتار كوپ بولىپ، جىل قۇستارىنىڭ قوناقتاپ دامىلداۋىنا قاجەتتى ازىق جانە قيمىل ورتاسى بار. 

 

 ىشكى موڭعۇلدىڭ چىفىڭ قالاسى، وردوس قالاسى، باياننۇر قالاسى سياقتى جەرلەردە دە قايتقان جىل قۇستارىنىڭ شاعىن ورلەۋى قالىپتاستى. چىفىڭ قالاسى وڭنيۋت اۋدانىنداعى مىڭ مۋدان استام كۇرىش اتىزىنا اققۋ، سۇرالا قاز سياقتى جىل قۇستارى توپ-توبىمەن كەلىپ قوندى، چىفىڭ قالالىق ورماندى-جايىلىمدى قورعاۋ، دامىتۋ ورتالىعى ورمان شارۋاشىلىعى جانە جايىلىمدى قورعاۋ ءبولىمىنىڭ جاۋاپتىسى ياڭ يۇڭشين بىلاي دەدى: قازىرگە دەيىن چىفىڭعا ورالعان جىل قۇستارى نەگىزىنەن: اققۋ، سۇرالا قاز، جاسىل باس ۇيرەك، قىزىل ۇيرەك سياقتى جىل قۇستارى، بۇلاردىڭ ىشىندە سۇرالا قازدىڭ سانى ەڭ كوپ بولىپ 40 مىڭنان اسادى، ودان قالسا اققۋ، باقىلاۋ-تەكسەرۋ ساندى مالىمەتىنەن قاراعاندا اققۋلاردىڭ سانى شامامەن 4000 عا جەتكەن. 

 

 جۇڭگو حايۋاناتتار ءىلىمى قوعامىنىڭ ورىنباسار باس القاسى، بەيجيڭ پەداگوگيكا داشۋەسىنىڭ پروفەسسورى جاڭ جىڭ ۋاڭ بىلاي دەپ تانىستىردى: جىل قۇستارىنىڭ قازىرگى ورالۋ ۋاقىتى ۇزدىكسىز ەرتە بولۋدا. قازىر جاساندى سەرىك ارقىلى ىزىنە ءتۇسىپ، قۇستىڭ دەنەسىنە ءبىر تاراتۋ اسپابىن تاڭدىق، قۇستار تۇگەلدەي قايتقاننان كەيىن، ءبىز كەمەلدى قايتۋ لەنياسىن سىزىپ، قايتۋ بارىسىندا قوناقتاپ دامىلداعان جەرلەرىن بايقاي الامىز، وسىلايشا ءونىمدى قورعاۋعا كىرىسەمىز. 

 

اۋدارعان: امانتاي مۇسايىپ ۇلى