ءوز  حابارىمىز. چاڭجياڭنىڭ وڭتۇستىگىندەگى شاعىن قالاشىق شىڭزىنىڭ مىڭ جىلدىق توقىماشىلىق تاريحى بار. جاڭا ساپالى وندىرگىش كۇشتەردى جەدەل دامىتقان قازىرگى جاعدايدا، شىڭزىنىڭ ءداستۇرلى كاسىبى بولعان توقىماشىلىقتا قانداي وزگەرىستەر جارىققا شىقتى ەكەن؟

 

   شىڭزى قالاشىعىنا بارار بولساڭىز، زاۆود ۇيلەرى سالىنىپ، جاڭا ماشينا-جابدىقتار ورناتىلىپ، قاربالاس بولىپ جۇرگەن ادامداردى كورە الاسىز. سىرتقى كورىنىسى سەرىكتىك عيماراتىنا ۇقسايتىن ءبىر جاڭا زاۆود ۇيىندە توقىماشىلىق كاسىبىنىڭ ءداستۇرلى جازىقتىق ءوندىرىس ۇلگىسى تىك وندىرىسكە وزگەرتىلدى. شيكىزات ءبىرىنشى قاباتىنداعى نەشە ءجۇز قۇبىر ارقىلى اۆتوماتتى تۇردە ۇستىڭگى قاباتتارعا جەتكىزىلىپ، ماقتا تاراۋ سياقتى ءبىر قىدىرۋ جۇمىس بۋىندارىنان ءوتىپ، سوڭىندا سۇرىپتالىپ قامباعا ەنگىزىلەدى، زەيىندى جابدىق كەزدەمە توقۋدىڭ بارلىق بۋىندارىندا ىسكە قوسىلدى. 

 

   جابدىقتاردىڭ جاڭالانۋى، ونىمدىلىكتىڭ جوعارىلاۋى بۇگىنگى تاڭدا توقىماشىلىقتى نەگىز ەتكەن وسى شاعىن قالاشىقتا كاسىپ سالاسىنىڭ تيپىن وزگەرتىپ، دارەجەسىن جوعارىلاتۋدىڭ جىلدامدىعىن كورسەتتى، الايدا جىلدامدىق بۇل اراداعى بىردەن ءبىر وزگەرىس ەمەس.

 

   بۇگىنگى تاڭدا، كولەمى نە بارى 150 شارشى كيلومەتر كەلەتىن وسى شاعىن قالاشىقتا مەملەكەت دارەجەلى جاساۋ كاسىبىندە جاڭالىق اشۋ ورتالىعىنان بىرەۋى بار، ورتا ەسەپپەن ءار شارشى كيلومەتر جەردە  مەملەكەتتىك جوعارى، جاڭا تەحنيكا كاسىپورىننان بىرەۋى جانە مەملەكەت دارەجەلى عىلىم تەحنيكالىق ورتا، شاعىن كاسىپورىننان ۇشەۋى بار. 2023-جىلى شاعىن قالاشىقتاعى كولەمدەنگەن ونەركاسىپ كاسىپورىندارىنىڭ زەرتتەۋ-اشۋعا قوسقان قارجىسى 2 ميلليارد 43 ميلليون يۋانعا جەتىپ، الدىڭعى جىلدىڭ ۇقساس مەزگىلىندەگىدەن %12.5 ارتقان. توقىماشىلىق كاسىبىنىڭ جوعارى دەڭگەيلى كاسىپ شوعىرى جەدەل قالىپتاسۋدا. 

 

اۋدارعان: امانتاي مۇسايىپ ۇلى