ءوز حابارىمىز. بيىل جىل باسىنان بەرى جۇڭگوعا كەلگەن شەتەلدىك ساياحاتشىلاردىڭ سانى ورنىقتى ارتىپ، ەلىمىزدىڭ ساياحات  بازارى جەدەل قالپىنا كەلدى. 

 

   تاياۋدا 300 دەن استام گەرمانيالىق ساياحاتشى بەيجيڭگە كەلىپ، ۆيزاسىز جۇڭگوعا كىرۋ ساياساتى اتقارىلعاننان بەرى بەيجيڭدە ساياحاتتاعان نەمىس تىلىندەگى شەكارادان ەلىمىزگە كەلىپ ساياحاتتاعان ەڭ كولەمدى ۇيىرمەگە اينالدى. ۆيزاسىز كەلۋ ساياساتى جانە جوعارى قارقىندى تەمىر جول قاتىناسىنىڭ ارقاسىندا ساياحاتشىلار تەز قارقىندى پويەزگە وتىرىپ، جۇڭگونىڭ دامۋ قارقىنىن سەزىندى، شەتەلدەن كەلگەن ساياحاتشىلار تيانتان باقشاسىن ەكسكۋرسيالاپ، ۇلى قورعانعا شىقتى.

 

  بيىل 1-ايدان 2-ايعا دەيىن جياڭسۋ ولكەسى شەتەلدىك ساياحاتشىدان 220 مىڭ ادام رەت قابىلداپ، بىلتىرعى سول تۇستاعىدان %120 تەن استام ارتتى، ساياحاتتان شەتەل اقشاسىندىق كىرىس مولشەرى 350 ميلليون امەريكا دوللارىنا جەتتى، 100 ادامنان اسقان ساياحات ۇيىرمەسىنىڭ سانى ەرەكشە كوپ بولدى.

 

   بيىل 1-ايدان 3-ايدىڭ ورتا شەنىنە دەيىن جاڭجياجيە قالاسى شەتەلدىك ساياحاتشىدان 178 مىڭ 500 ادام-رەت قابىلدادى، مۇنىڭ ىشىندە حانگودان 73 مىڭ ادام-رەت ساياحاتشى قابىلدانىپ، سالىستىرماسى %40 تەن استى.

 

   ۆيزاسىز كىرۋ ساياساتى، قولايلى اقى تولەۋ ءتاسىلى سياقتى ءتۇرلى يكەمدى شارالاردىڭ اتقارىلۋىنا بايلانىستى، ەلىمىز ءتىپتى دە كوپ شەتەلدىك ساياحاتشىلاردى باۋرادى، جۇڭگونىڭ ساياحات بازارىنىڭ پارمەندى ارتۋى دۇنيە ساياحات بازارىنىڭ قايتا جاندانۋىنا تىڭ ومىرشەڭدىك كۇش قوستى. ساندى مالىمەتتە كورسەتىلۋىنشە، 2024 جىلدان بەرى ەل ىشىندەگى شەكارادان كىرۋ ساياحاتىنىڭ جالپى تاپسىرىسى وتكەن جىلدىڭ ۇقساس مەزگىلىندەگىدەن 3 ەسەدەن استام ارتقان. 

 

اۋدارعان: نازار ءارىپ  ۇلى