وسى كەزەكتى كورمە اشۋ ۇلگىسى ونان ارى جاڭالانىپ، وڭىرلىك جاقتان حايكوۋ سىندى ءبىر قالادان تۇتاس ارالعا دەيىن كەڭەيىپ، حاينان حالىقارالىق كورمە ورتالىعىندا نەگىزگى كورمە الاڭىن قۇرۋدان سىرت، حايكوۋ، بو-اۋ قاتارلى جەرلەردە جەلكەندى كەمە، ساياحات كەمەسى، باجىسىز زات ساتىپ الۋ، حالىقارالىق دەنساۋلىق ساقتاۋ بۇيىمدار سىندى 3 بولىمشە كورمە الاڭى تىڭنان قوسىلدى. حايكوۋدىڭ باتىس تەڭىز جاعالاۋىنداعى الەۋمەتتىك كەمەجايعا ورنالاسقان جەلكەندى كەمە ساياحات كەمەسى بولىمشە كورمە رايونىندا كورەرمەندەر تۇرلىشە تيپتەگى تەڭىزدەگى سەيىل-سەرۋەن تۇرمىس ءتاسىلىن تىكەلەي باستان كەشىرە الادى. حاينانداعى بەلگىلى ساياحات كەمەسى ساتۋ قىزمەت وتەۋ شەكتى سەرىكتىگىنىڭ باس ديرەكتورى چىن ۋىنسى بىلاي دەدى: ءبىز يمپورت ەتىلگەن سۋ مەن قۇرلىقتا بىردەي جۇرەتىن موتورلى قايىقتى الا كەلدىك، ونىڭ باعاسى وتە ۇيلەسىمدى، ءبىز بۇقارانىڭ تۇتىنۋ بازارىنان زور ءۇمىت كۇتەمىز. سوڭعى جىلداردان بەرى، مادەنيەت، ساياحات، تۇتىنۋ كوزقاراسىنىڭ بىرتىندەپ وزگەرۋىنە بايلانىستى، تەڭىز-مۇحيت ساياحاتى، تۇتىنۋى كوپ نەگىزدەنۋگە بەت الىپ، توعىسپالى كاسىپ فورماسى ۇزدىكسىز جارىققا شىعىپ، تەڭىزدە كەمەمەن ساياحاتتاۋ ۇلگىسى جاڭا كۇسەت تۇيىنگە اينالدى.

 

وسى كەزەكتى كورمەگە قويىلعان كەمەلەردىڭ سانى 250 گە جەتىپ، بىلتىرعىدان %14 ارتىپ، شەتەل كەمەلەرىنىڭ سانى مەن ساپاسى تاريحتاعى ەڭ جوعارى دەڭگەيگە جەتتى. شىنجىن بەلگىلى كەمە قارجى قوسۋ شەكتى سەرىكتىگى باس ديرەكتورىنىڭ ورىنباسارى جۋ شياۋيۇي بىلاي دەدى: حاينان ەركىن ساۋدا پورتىنىڭ ساياساتى ساياحات كەمەسى كاسىبىندە تىكەلەي جەبەۋ رولىن اتقاردى، جۇيەدەن حايناندا ەرەكشە جاراتىلىستىق شارت-جاعداي ابزالدىلىعى بار، ءبىر جىلدا 365 كۇن تەڭىزدە ساياحاتتاۋعا بولادى. ساياحات كەمەسىنىڭ تۇتىنىلۋى دا اسا زور باۋراۋ كۇشىنە يە. 

 

اۋدارعان: كۇلان ىرىسباي قىزى