ءوز حابارىمىز. ورتالىق اۋارايى ستانسياسى 4-ايدىڭ 17-كۇنى تاڭەرتەڭ ساعات 6 دا كۇشتى كونۆەكسيالىق اۋا رايىنىڭ سارى ءتۇستى ساقتىق سيگنالى مەن نوسەرلى جاڭبىر كوك ءتۇستى ساقتىق سيگنالىن جالعاستى جاريالادى. مەجەمەن 4-ايدىڭ 18-كۇنى ساعات 8 دە جياڭشي، جىجياڭ قاتارلى 5 ولكە، اۆتونوميالى رايوننىڭ ءىشىنارا جەرلەرىندە ناجاعايلى جاڭبىر جاۋادى، قاتتى بوران سوعادى نەمەسە بۇرشاق جاۋادى، فۋجيان، گۋاڭشي قاتارلى 7 ولكە، اۆتونوميالى رايوننىڭ ءىشىنارا جەرلەرىندە نوسەر جاۋادى.

 

4-ايدىڭ 16-كۇنى ساعات 16 دان 30 مينۋت وتكەنگە دەيىن، بۇرشاق، تاسقىن اپاتىنان جياڭشي ولكەسىندەگى 7 اۋدان، قالا، رايوندا 6221 ادام اپاتقا ۇشىرادى. 4-ايدىڭ 16-كۇنى ساعات 15 كە دەيىن حۋناننىڭ ءىشىنارا ورتا، شاعىن وزەندەرىندە سۋ دەڭگەيى ساقتىق سىزىعىنان اسىپ، 56 شاعىن سۋ قويماسىندا تاسقىن ءجۇردى. كوپ جەردىڭ شۇعىل جاعدايعا توتەپ بەرۋ، سۋ يگىلىگى سياقتى تاراۋلارى كۇشتى كونۆەكسيالىق اۋا رايىنا توتەپ بەرۋ ءۇشىن تاسقىننان ساقتانۋ قىزمەتىن بەلسەنە ىستەدى. 

نوسەرلى جاڭبىردىڭ ىقپالىنان 4-ايدىڭ 16-كۇنى تۇستەن كەيىن جياڭشي ولكەسى جيۋجياڭ قالاسى شيۋشۇي اۋدانى جول بولەگىندە تاۋ بەتكەيى وپىرىلىپ، ءبىر ءبولىم جولدارداعى راشاتكالار ءبۇلىندى. جەرگىلىكتى ورىن دەرەۋ پارتيالى كادرلاردى ناق مايدانعا بارىپ قاتەردەن قۇتقارۋعا ۇيىمداستىردى ءارى اۆتوكولىكتەردى حاۋىپسىز جۇرۋگە جەتەكشىلىك ەتتى. الداعى ءبىر مەزگىلدە جياڭشي ولكەسى نوسەرلى جاڭبىر، كۇشتى كونۆەكسيالىق اۋا رايى جاعدايىنا قىراعىلىقتى ارتتىرادى، ورتا، شاعىن وزەندەردە تاسقىن، گەولوگيالىق اپات سياقتى حاۋىپ-قاتەرلەر كورنەكتى ارتادى. قازىر نانچاڭ قالاسى تور جايۋ فورماسىنداعى تەكسەرۋدى جاپپاي ورىستەتىپ، سۋ يگىلىگى ينجەنەرياسىن باقىلاۋ-باسقارۋدى جانە تاسقىن اپاتىنان ساقتانۋدى كۇشەيتىپ، سۋ قويمالارىنىڭ حاۋىپسىزدىگىنە كەپىلدىك ەتۋدە.

 

حۋناننىڭ سولتۇستىگى مەن حۋناننىڭ ورتا بولەگىندە 4-ايدىڭ 16-كۇنى جاڭبىر جاۋىپ، چاڭشا، چاڭدى قاتارلى جەرلەردە نوسەر قۇيادى؛ حۋنان ولكەسىندەگى 8 قالا، وبلىستاعى 21 اۋدان ( قالا، رايوندا ) قاتتى بوران سوعىپ جەل كۇشى 8 بالدان استى. 4-ايدىڭ 17-كۇنى حۋناندا ءالى دە كەڭ اۋقىمدى قاتتى جاۋىن-شاشىندى اۋارايى بولادى. قازىر حۋنان ولكەلىك سۋ يگىلىگى مەڭگەرمەسى سۋ ينجەنەرياسىن ورنالاستىرۋ ارناۋلى گرۋپپاسىن قۇرىپ، اعارلار مەن تومەنگى اعارلاردىڭ تاسقىننان ساقتانۋ حاۋىپسىزدىگىنە بار كۇشپەن كەپىلدىك ەتۋدە.

 

4-ايدىڭ 16-، 17-كۇنى جىجياڭنىڭ شاۋشيڭ، ۋىنجوۋ، جياشيڭ قاتارلى جەرلەرىندە نوسەر جاۋدى، ءىشىنارا جەرلەردە ناجاعايلى جاڭبىر جاۋىپ، بوران سوعىپ، بۇرشاق جاۋدى. جىجياڭ ولكەلىك سۋ يگىلىگى مەڭگەرمەسى، جىجياڭ ولكەلىك اۋا رايى مەكەمەسى بىرلەسىپ تاسقىن اپاتىنان ساقتاندىرۋدى جاريالادى. 

 

اۋدارعان: كۇلان ىرىسباي قىزى