ءوز حابارىمىز. مەملەكەتتىك دامۋ جانە رەفورما كوميتەتىنىڭ قاتىستى جاۋاپتىسى 4-ايدىڭ 17-كۇنى مەملەكەتتىك كەڭەستىڭ اقپارات كەڭسەسىندە وتكىزىلگەن اقپارات جاريالاۋ ماجىلىسىندە بىلاي دەدى: ءبىرىنشى توقساندا ەلىمىزدىڭ ەكونوميكالىق، قوعامدىق دامۋى تاماشا باستامانى جۇزەگە اسىردى، كوپ ءتۇرلى پارمەندى شارالار قولدانىپ، ەكونوميكانىڭ ۇزدىكسىز قالپىنا كەلۋىن جەبەدى.

 

 بيىل ءبىرىنشى توقساندا ەلىمىز ەكونوميكاسىنىڭ ارتۋ قارقىنى مەجەدەگىدەن تەز بولدى، ەكونوميكالىق قۇرىلىم ۇزدىكسىز ساپالاندى، ساپا ونىمدىلىگى جوعارىلادى، جۇمىستانۋ، زات باعاسى نەگىزىنەن ورنىقتى بولدى، بازار مەجەسى جالپى جاقتان جاقساردى، قوعامدىق جالپى جاعداي ورنىقتى بولدى، ەكونوميكالىق، قوعامدىق دامۋدا تاماشا باستاما جۇزەگە استى. مەملەكەتتىك دامۋ جانە رەفورما كوميتەتىنىڭ ورىنباسار مەڭگەرۋشىسى ليۋ سۋشى بىلاي دەدى: ءبىرىنشى توقساندا بۇكىل ەل بويىنشا تۇراقتى مۇلىككە قارجى قوسۋدا ورنىقتى ارتۋ جاعدايى جارىققا شىقتى. قازىرگە دەيىن ورتالىقتىڭ مەجە ەسەپ ىشىندەگى قارجى قوسۋ جوسپارى 200 ميلليارد يۋاننان اسىپ، تۇتاس جىلداعى سالىستىرماسى %30 تەن استى. جەرگىلىكتى ۇكىمەتتەردىڭ ارناۋلى زايوم تۇرلەرى العاشقى ادىمدا تاڭدالدى. 2023-جىلى زايوم ءونىمى كوبەيتىپ تاراتىلاتىن نىساندار تەزدەن اتقارىلىپ، مەملەكەت زايومىن كوبەيتىپ تاراتاتىن بارلىق نىسانداردا بيىل 6-ايدىڭ سوڭىنا دەيىن تۇگەلدەي جۇمىس باستالۋىن جەبەدى.

 ساندى مالىمەتتە كورسەتىلۋىنشە، 1-توقساندا كولەمدەنگەن جەكەلەر باسقارۋىنداعى ونەركاسىپ كاسىپورىندارىنىڭ ارتقان قۇنى وتكەن جىلدىڭ ۇقساس مەزگىلىندەگىدەن% 5.4 ارتىپ، 3.4 پايىز تەزدەگەن. مەملەكەتتىك دامۋ جانە رەفورما كوميتەتىنىڭ ورىنباسار باس حاتشىسى، حالىق شارۋاشىلىعى جالپىلىق مەڭگەرمەسىنىڭ باستىعى يۋان دا بىلاي دەدى: كەلەسى قادامدا مەملەكەتتىك دامۋ جانە رەفورما كوميتەتى قاتىستى جاقتارمەن بىرگە حالىقتىق كاسىپورىنداردىڭ كوكەي تەستى، كۇردەلى جانە ۇزاقتان بەرى شەشىلۋدى اڭساپ كەلگەن ماسەلەلەرىن شەشۋدى بار كۇشپەن ىلگەرىلەتەدى. بيىل 3-ايدىڭ سوڭىنا دەيىن كوميتەتىمىز كوپ ءتۇرلى ارنالار ارقىلى حالىقتىق كاسىپورىنداردىڭ ارىز-ارمان جانە ۇسىنىستارىن جيناپ، قايتالانعان، شىندىققا جاناسپايتىندارىن شىعارىپ تاستاعاننان كەيىن، قالعاندارى تولىق ءبىر جاقتى ەتىلدى.

 

 قازىر ەكونوميكالىق اينالىمداعى بەلسەندى فاكتورلار ۇزدىكسىز كوبەيۋدە، الايدا سىرتقى ورتانىڭ كۇردەلىلىگى، قاتاڭدىعى جانە تۇراقسىزدىعى بارعان سايىن ارتىپ، كوپتەگەن حاۋىپ-قاتەر جانە سىن-سايىستارعا ءدوپ كەلۋدەمىز. يۋان دا بىلاي دەدى: 2-توقسانداعى قىزمەتتى ويداعىداي ىستەۋدىڭ تەتىگى تياناقتاندىرۋدا. جابدىقتاردى جاڭالاۋ جانە تۇتىنۋ بۇيىمدارىنىڭ كونەسىن جاڭاعا اۋىستىرۋ، ۇزاق مەرزىمدى، ەرەكشە زايوم تاراتۋ ارقىلى مەملەكەتتىڭ كەلەلى ستراتەگياسىنىڭ اتقارىلۋىن جانە ءتۇيىندى سالالاردىڭ حاۋىپسىزدىك قۋاتى قۇرىلىسىن قولداۋ سياقتى كەلەلى ورنالاستىرۋلار جەدەل ىلگەرىلەتىلەدى. ورتالىقتىڭ مەجە ەسەبىنەن قارجى قوسۋ جانە جەرگىلىكتى ۇكىمەتتەردىڭ ارناۋلى زايوم تاراتۋ، پايدالانۋ ىستەرىنىڭ اياق الىسى تەزدەتىلىپ، اۆتوموبيل، ءۇي ەلەكتر جابدىقتارى، قولفون سياقتى تاۋارلاردى تۇتىنۋ جانە مادەنيەت، ساياحات سياقتى قىزمەت وتەۋ تۇتىنۋ مولشەرى كەڭەيتىلەدى. اناعۇرلىم زور تەبىنمەن باۋراۋ جانە شەتەل قارجىسىنان پايدالانۋ ارەكەت جوباسى ويداعىداي تياناقتاندىرىلادى.

 

اۋدارعان: نازار ءارىپ ۇلى