ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەلىمىزدىڭ ءداستۇرلى جاساۋ كاسىبىنىڭ ساپاسى جەدەل جوعارىلادى، جاڭاردى

来源:جۇڭگو قازاق راديو تورابى     |责编:达吾力别克 |     发布日期: 2024-04-30 12:39
ءوز حابارىمىز. باس شۋجي شي جينپيڭ بىلاي دەپ اتاپ كورسەتتى: «ءداستۇرلى جاساۋ كاسىبى وسىزاماندانعان كاسىپ جۇيەسىنىڭ نەگىزى،  سيفرلانۋعا بۇرىلىس جاساۋدى جەدەلدەتىپ،  وزىق قولدانىلمالى تەحنيكانى جالپىلاستىرىپ،  جوعارى ورەلى،  زەيىندەسكەن،  جاسىلدانعان دەڭگەيدى كۇش سالا جوعارىلاتۋ كەرەك». قازىر ورتالىقتان تارتىپ جەرگىلىكتى ورىندارعا دەيىن شوعىرلى شارالار شىعارىپ،  ءداستۇرلى جاساۋ كاسىبىندە جاڭا ساپالى وندىرگىش كۇشتەردى جەدەل قالىپتاستىرىپ،  ەكونوميكانىڭ جوعارى ساپالى دامۋىنا بەرىك نەگىز قالاۋدا.
 
ءبىرىنشى توقسانداعى ەكونوميكالىق ساندى مالىمەتتە ەلىمىزدىڭ ءداستۇرلى جاساۋ كاسىبىندە ەكى ۇلكەن جاڭا وزگەرىستىڭ جارىققا شىققانىن كورسەتتى: ەكونوميكانىڭ تىرەكتىك رولى اناعۇرلىم كۇشەيدى. ءبىرىنشى توقساندا ونەركاسىپتىڭ ارتقان قۇنى %6 ارتىپ،  ىشكى ءوندىرىستىڭ جالپى قۇنىنىڭ ارتۋىنا قوسقان ۇلەسى %37.3 بولدى. اسىرەسە،  حيميا ونەركاسىبى،  اۆتوموبيل سياقتى كاسىپتەردىڭ باستاماشىلدىق رولى كورنەكتى بولدى.
 
جوعارى ساپالى دامۋدا تىڭ تابىستارعا قول جەتتى. ءبىرىنشى توقساندا جوعارى تەحنيكالى جاساۋ كاسىبىنىڭ ارتقان قۇنى وتكەن جىلدىڭ ۇقساس مەزگىلىندەگىدەن %7.5 ارتقان؛  زەردەلى جاساۋ جابدىقتارى كاسىبى 3 تريلليون 200 ميلليارد يۋاننان اسقان؛  بولات-تەمىر،  ءتۇستى مەتال سياقتى ءداستۇرلى كاسىپتەردىڭ ەنەرگيا سارىپ ەتۋ دەڭگەيى ۇزدىكسىز تومەندەپ،  جوعارى دەڭگەيلى،  زەيىندەسكەن جانە جاسىلدانعان دامۋدا تىڭ تابىستارعا قول جەتتى.
 
 ءداستۇرلى شارۋاشىلىق جاڭا ساپالى وندىرگىش كۇشتەردى قالىپتاستىرۋدىڭ نەگىزى،  باس شۋجي شي جينپيڭ ءداستۇرلى شارۋاشىلىقتىڭ دامۋىنا باستان-اياق وسكەلەڭ ءمان بەرىپ كەلەدى. بيىلعى مەملەكەتتىك ەكى ماجىلىستە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: «جاڭا ساپالى وندىرگىش كۇشتەردى دامىتۋ-ءداستۇرلى كاسىپ سالاسىنا نەمقۇرايدى قاراۋ،  ودان بەزۋ دەگەندىك ەمەس،  وندا دۇرمەككە ىلەسۋدەن،  كوپىرشىكتەنۋدەن ساقتانۋ،  ءارى ءبىر ءتۇرلى ۇلگىگە دە بوي ۇرماۋ كەرەك». ول جەرگىلىكتى ورىنداردا تەكسەرۋ-زەرتتەۋ جۇرگىزگەندە،  ءداستۇرلى شارۋاشىلىقتى دامىتۋدىڭ ماڭىزدىلىعىن تالاي رەت باسا دارىپتەدى. تاياۋدا باس شۋجي شي جينپيڭ چۇڭچيڭدە قىزمەت تەكسەرگەندە مىنانى تاعى دا باسا دارىپتەدى: «جاساۋ كاسىبىندەگى كەلەلى تەحنيكالاردى جاڭالاۋ،  دارەجەسىن جوعارىلاتۋ جانە جابدىقتاردى كەڭ كولەمدى جاڭالاۋ ينجەنەرياسىن ىشكەرىلەي اتقارىپ،  ءداستۇرلى كاسىپتەردىڭ تيپىن وزگەرتىپ،  دارەجەسىن جوعارىلاتۋدى جەدەلدەتۋ كەرەك».
 
نەگىزدى بەكەمدەپ،  باپتى قاداممەن باياندى ىلگەرلەۋ.
 
 حالىق شارۋاشىلىعىنىڭ نەگىزىن بەكەمدەۋ ءۇشىن،  ءبىرقىدىرۋ ساياساتتىق شارالار ارت-ارتىنان شىعارىلدى. وتكەن جىلدىڭ سوڭىندا مەملەكەت « ءداستۇرلى جاساۋ كاسىبىنىڭ تيپىن وزگەرتىپ،  دارەجەسىن جوعارىلاتۋدى جەدەلدەتۋ جونىندەگى جەتەكشى پىكىردى » جاريالاپ،  2027-جىلعا بارعاندا ءداستۇرلى جاساۋ كاسىبىنىڭ جوعارى دەڭگەيلى،  زەيىندەسكەن،  جاسىلدانعان جانە توعىسپالى دامۋ ورەسىن كورنەكتى جوعارىلاتۋدى ورتاعا قويدى. ەكى ايدان كەيىن،  جابدىقتاردى كەڭ كولەمدى جاڭالاۋ مەن تۇتىنۋ بۇيىمدارىنىڭ كونەسىن جاڭاسىنا اۋىستىرۋ ارەكەت جوباسى جاريالاندى،  وسىدان كەيىن ءارقايسى مينيسترلىكتەر مەن كوميتەتتەردىڭ اتقارۋ ەرەجەسى ارت-ارتىنان جاريالاندى،  تريلليون يۋاندىق كولەمدى بازار دا اينالىمعا تۇسە باستادى.
 
 ءبىر قىدىرۋ ساياساتتاردىڭ جەبەۋىندە،  جەر-جەر جەرگىلىكتى جاعدايعا قاراي شارالاردىڭ تياناقتانۋىن جەدەلدەتۋدە.
 
 جوعارى دەڭگەيگە قادام تاستالىپ،  ءداستۇرلى جاساۋ كاسىبىنىڭ ساپاسى جوعارىلاتىلىپ،  جاڭالانۋى جەبەلەدى.
 
زەيىندەستىرۋ جاعىندا،  ءداستۇرلى جاساۋ كاسىبىنىڭ تيپى وزگەرتىلىپ،  دارەجەسى جوعارىلاتىلادى. بيىل مەملەكەت زەيىندەستىرىپ جاساۋدى جالپى بەتتىك ىلگەرىلەتىپ،  زەيىندەستىرۋمەن ۇشتاستىرۋ ارەكەتىن ورىستەتەدى،  2025-جىلعا بارعاندا،  ەلىمىزدەگى كولەمدەنگەن جاساۋ كاسىبى كاسىپورىندارىنىڭ %70 تەن استامى سيفرلانۋدى،  توراپتانۋدى نەگىزىنەن جۇزەگە اسىرادى.
 
جاسىلدانۋعا ويىسۋ جاعىندا،  ءداستۇرلى جاساۋ كاسىبىنىڭ ەكولوگيالىق نەگىزى بەكەمدەلەدى. بيىل مەملەكەت ەنەرگيا ۇنەمدەپ،  كومىرتەگىن تومەندەتۋدى ىشكەرىلەي اتقارىپ،  بايلىقتان جوعارى ءونىمدى،  اينالمالى پايدالانۋدى كۇش سالا جەبەيدى. شىنجىنداعى قالا تۇرعىندارى كوپ باراتىن اسەم باۋ-باقشالى ورتا كەزىندە قوقىر-قوقسىقتاردى ورتەپ ەلەكتىر تاراتىن ستانسيا بولاتىن. دەربەس زەرتتەپ جاساعان جەتى بولەك ىس-تۇتەكتى ءبىر جايلى ەتۋ تەحنولوگياسى ارقىلى قالا قوقىر-قوقسىقتارى وسى ارادا ءبىر جايلى ەتىلگەننەن كەيىن ەلەكتر ەنەرگياسىنا اينالىپ،  تۇرعىندارعا جەتكىزىلدى.
 
بيىل مەملەكەت قىزمەت وتەۋ تيپىندەگى جاساۋ كاسىبىن كۇش سالا دامىتىپ،  دارالىق تاپسىرىس،  ورتاق يگىلىكتەنۋ،  تۇتاس تىرشىلىك پەريودىن باسقارۋ سياقتى جاڭا ۇلگى،  جاڭا كورىنىستەردىڭ ءداستۇرلى جاساۋ كاسىبى سالاسىندا قولدانىلۋىن ىشكەرلەتىپ،  كاسىپ سالاسىنىڭ توعىسپالى دامۋىن جەدەلدەتەدى. سونىمەن بىرگە،  قازىنا-باجى جاعىنان قولداۋ،  فينانستىق قىزمەت وتەۋ سياقتى جاقتاردا سەرپىندى ارتتىرىپ،  ءداستۇرلى جاساۋ كاسىبىنىڭ دامۋ ساپاسى مەن ونىمدىلىگىن جوعارىلاتىپ،  ەكونوميكانىڭ جوعارى ساپالى دامۋىنا تىڭ ومىرشەڭدىك كۇش قوسادى.
 
اۋدارعان: كۇلان ىرىسباي قىزى
 
 
 
 

中央广播电视总台 央广网 版权所有

ەلىمىزدىڭ ءداستۇرلى جاساۋ كاسىبىنىڭ ساپاسى جەدەل جوعارىلادى، جاڭاردى

باس شۋجي شي جينپيڭ بىلاي دەپ اتاپ كورسەتتى: «ءداستۇرلى جاساۋ كاسىبى وسىزاماندانعان كاسىپ جۇيەسىنىڭ نەگىزى، سيفرلانۋعا بۇرىلىس جاساۋدى جەدەلدەتىپ، وزىق قولدانىلمالى تەحنيكانى جالپىلاستىرىپ، جوعارى ورەلى، زەيىندەسكەن، جاسىلدانعان دەڭگەيدى كۇش سالا جوعارىلاتۋ كەرەك».