ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حىبەي ولكەسى شيۇڭ-ان جاڭا رايونى قۇرىلىسىنىڭ تىڭ ساتىعا كوتەرىلۋىن ىلگەرىلەتتى

来源:جۇڭگو قازاق راديو تورابى     |责编:达吾力别克 |     发布日期: 2024-04-30 12:33
ءوز حابارىمىز. 4-ايدىڭ 29-كۇنى تۇستەن بۇرىن مەملەكەتتىك كەڭەستىڭ اقپارات كەڭسەسى «جوعارى ساپالى دامۋدى ىلگەرىلەتۋ» اتىنداعى جەلىلەس تاقىرىپتىق اقپارات جاريالاۋ ءماجىلىسىن وتكىزدى. حىبەي ولكەسىنىڭ قاتىستى جاۋاپتىسى قاتىستى جاعدايلاردى تانىستىردى.
 
بيىل بەيجيڭ-تيانجين-حىبەيدى سايكەستى دامىتۋ كەلەلى مەملەكەتتىك ستراتەگياسى ورتاعا قويىلعاندىعىنىڭ 10 جىلدىعى، حىبەي ولكەسى بەيجيڭ مەن تيانجيننەن جوتكەلگەن 43 مىڭ ورىندى قابىلدادى. بىلتىر حىبەي ولكەسىنىڭ بەيجيڭ-تيانجينمەن قول قويعان تەحنيكالىق توقتامىنىڭ ساۋدا سوماسى 81 ميلليارد يۋانعا جەتىپ، 2014-جىلداعىنىڭ 10 ەسەسىندەي بولىپ، ورتالىق كاسىپورىندارىنىڭ بولىمشە سەرىكتىكتەرىن ەنگىزۋدە تاريحي تابىستارعا قول جەتكىزدى.
 
 7 جىلدان بەرى شيۇڭ-ان جاڭا رايونى ۇزدىكسىز دامىپ، زورايا ءتۇستى. قازىر شيۇڭ-ان جاڭا رايونىندا ىسكە قوسىلعان وڭىردەگى تىرەكتى جول تورابىندا جاپپاي كولىك قاتىنادى، ءتۇيىندى قالا نەگىزدىك قۇرىلعىلارى نەگىزىنەن سالىنىپ بولدى، ءبىر توپ بەلگى سيپاتتى نىسانداردىڭ قۇرىلىسى اياقتادى، ينتەرنەت كاسىپ باقشاسى، عىلىم باقشاسى، باس شتاپ رايونى جانە 4 جالپىلىق قونىستانۋ رايونىنىڭ وبرازى العاشقى ادىمدا كورنەكتىلەندى.
 
2023-جىلى حىبەي ولكەسىنىڭ ءوندىرىس جالپى ءونىم قۇنى %5.5، بيىل 1-توقساندا %5.6 ارتتى، باستى كورسەتكىشتەر ورنىقتىلىق بارىسىندا جوعارىلاپ، تاماشا جاعدايدى ساقتادى. بولات-تەمىر، جابدىق جاساۋ سياقتى ءداستۇرلى كاسىپتەردىڭ ساپاسى جوعارىلاپ، ونىمدىلىگى كورنەكتىلەنىپ، ەلەكتروندى ينفورماتسيا، بيولوگيالىق ءدارى-دارمەك سياقتى جاڭادان گۇلدەنگەن كاسىپتەردىڭ ساپاسى جوعارىلاپ، ونىمدىلىگى نىعايدى، 2023-جىلى بۇكىل ولكەدەگى جوعارى، جاڭا تەحنيكالى كاسىپتەرگە قوسىلعان قارجى %24.7 ارتتى.
 
 بيىل حىبەي ولكەسى جوعارى دەڭگەيلى بولۋ، زەردەلىلەندىرۋ، جاسىلداندىرۋ بەتالىسىن كوزدەپ، ءداستۇرلى شارۋاشىلىقتى جاڭالاۋدى، دەڭگەيىن جوعارىلاتۋدى ۇزدىكسىز ىلگەرىلەتىپ، بەيجيڭ-تيانجين-حىبەيدىڭ سەلبەسىپ جاڭالىق اشۋىن ونان ارى تەرەڭدەتىپ، شيۇڭ-ان جاڭا رايونىنىڭ جاڭالىق اشۋ تىڭ تۇعىرى بولۋ رولىن ساۋلەلەندىرىپ، ءبىر توپ جاڭا كاسىپتەردى، جاڭا ۇلگىلەردى، جاڭا قوزعاۋشى كۇشتەردى جارىققا شىعارادى.
 
اۋدارعان: گۇلنۇر قابىلقاق قىزى
 
 
 

中央广播电视总台 央广网 版权所有

حىبەي ولكەسى شيۇڭ-ان جاڭا رايونى قۇرىلىسىنىڭ تىڭ ساتىعا كوتەرىلۋىن ىلگەرىلەتتى

4-ايدىڭ 29-كۇنى تۇستەن بۇرىن مەملەكەتتىك كەڭەستىڭ اقپارات كەڭسەسى «جوعارى ساپالى دامۋدى ىلگەرىلەتۋ» اتىنداعى جەلىلەس تاقىرىپتىق اقپارات جاريالاۋ ءماجىلىسىن وتكىزدى. حىبەي ولكەسىنىڭ قاتىستى جاۋاپتىسى قاتىستى جاعدايلاردى تانىستىردى.