ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«1-مامىر» دەمالىسىندا قاتىناس تاراۋلارى كوپ ءتۇرلى شارا قولدانىپ،ساپارلاۋدى قامتاماسىزداندىردى

来源:جۇڭگو قازاق راديو تورابى     |责编:巴特勒|     发布日期: 2024-05-01 11:20
ءوز حابارىمىز. 4-ايدىڭ 30-كۇنى بۇكىل ەل بويىنشا تەمىر جولدا مەجەمەن 16 ميلليون 350 مىڭ ادام-رەت جولاۋشى جونەلتىلدى، 1536 جولاۋشىلار پويەزى قوسىلدى. جولاۋشىلار اعىنىنىڭ قاۋىرت ورلەۋىنە توتەپ بەرۋ ءۇشىن، بۇكىل ەل بويىنشا تەمىر جولداردا جوعارى قارقىندى تەمىر جول تاسىمال كارتاسى اتقارىلىپ، كۇنىنە ورتا ەسەپپەن 12 مىڭنان استام جولاۋشى پويەزىن قاتىناتىپ، كۇندەگىدەن 1800 دەن استام پويەز كوبەيتۋ جوسپارلاندى.
 
شىنياڭ، جىڭجوۋ، چىڭدۋ، شيامىن سياقتى جولاۋشىلار كوپ باراتىن رايونداردا تەمىر جول تاراۋلارى جوعارى قارقىندى پويەزدى كوبەيتۋ، جاي قارقىندى جولاۋشىلار پويەزىنە ۆاگون قوسۋ سياقتى شارالاردى اتقارىپ، ساياحات قاربالاس وڭىرلەردى، لەنيالاردى جانە ۋاقىت كەزەڭىندەگى تاسىمال قۋاتىن دەر كەزىندە ارتتىردى.
 
 تاس جول جاعىندا، قاتىناس-تاسىمال مينيسترلىگىنىڭ مەجەلەۋىنشە، دەمالىس كەزىندە زاريادتاۋ قاجەتى ءبىرشاما زور تاس جول قىزمەت وتەۋ رايونى نەگىزىنەن بەيجيڭ-تيانجين-حىبەي، چاڭجياڭ اتىراۋى، جۋجياڭ اتىراۋى سياقتى توڭىرەكتەگى وڭىرلەردىڭ جول تورابىنا شوعىرلاندى. قاتىناس-تاسىمال مينيسترلىگى جەر-جەردىڭ جوعارى قۋاتتى زاريادتاۋ قۇرىلعىلارىن سالۋ، جىلجىمالى زاريادتاۋ قۇرىلعىلارىن ۇيلەسىمدى ورنالاستىرۋ، قىزمەت وتەۋ رايوندارىنىڭ زاريادتاۋىن،ءتارتىپتى قاتارعا تۇرۋىن كۇشەيتۋ سياقتى شارالار ارقىلى قىزمەت وتەۋ رايوندارىنىڭ زاريادتاۋ، قاتارعا تۇرۋ جاعدايىن بارىنشا باسەڭدەتۋگە دەر كەزىندە جەتەكشىلىك ەتتى.
 
 حالىقتىق اۆياتسيا جاعىندا، جولاۋشىلار تاسىمالىنىڭ قاۋىرت ورلەۋىنە توتەپ بەرۋ ءۇشىن، ءارقايسى ءىرى اۆياتسيا سەرىكتىكتەرى بەيجيڭ، حايكوۋ، شاڭحاي قاتارلى ءتۇيىندى جەرلەردە ۇشاق تاسىمال قۋاتىن ارتتىردى. 
 
اۋدارعان: كۇلان ىرىسباي قىزى

中央广播电视总台 央广网 版权所有

«1-مامىر» دەمالىسىندا قاتىناس تاراۋلارى كوپ ءتۇرلى شارا قولدانىپ،ساپارلاۋدى قامتاماسىزداندىردى

«1-مامىر» دەمالىسىندا قاتىناس تاراۋلارى كوپ ءتۇرلى شارا قولدانىپ،ساپارلاۋدى قامتاماسىزداندىردى