ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

گۋاڭجوۋ جارمەنكەسىنىڭ 3-مەرزىمى باستالدى

来源:جۇڭگو قازاق راديو تورابى     |责编:巴特勒|     发布日期: 2024-05-02 10:35
ءوز حابارىمىز. 135-كەزەكتى گۋاڭجوۋ جارمەنكەسىنىڭ 3-مەرزىمى 5-ايدىڭ 1-كۇنى باستالدى . «تاماشا تۇرمىس» نەگىزگى تاقىرىپ ەتىلگەن كەزەكتى كورمەدە بازار سۇرانىسىنا تىعىز جاناسىپ، كورمەگە قاتىناسقان كاسىپورىنداردىڭ قۇرىلىمى اناعۇرلىم جاقسارىپ، ساپاسى جوعارىلادى، جوعارى ساپالى ونىمدەرمەن سىرتقى ساۋدانىڭ جاڭا قوزعاۋشى قۋاتىن نىعايتتى.
 
وسى كەزەكتى گۋاڭجوۋ جارمەنكەسىنىڭ 3-مەرزىمىندە 5 ۇلكەن كاسىپتىك بولەك، 21 كورمە رايونى قۇرىلىپ، ويىنشىقتار، جۇكتى ايەلدەر مەن نارەستەلەرگە ارنالعان بۇيىمدار، وتباسى توقىما بۇيىمدارى، سالاماتتىق، سەيىل-سەرۋەن سياقتى تاقىرىپتار قامتىلدى، ناق مايداندا 11 مىڭ 495 كاسىپورىن كورمەگە قاتىناستى. كورمەگە قاتىناسقان كاسىپورىندار اناعۇرلىم ەگجەي-تەگجەيلى، اناعۇرلىم جوعارى ساپالى ونىمدەردى شىعارىپ، تۇرمىس ساپاسىن جوعارىلاتۋعا دەم بەردى. نورۆەگيا ساۋداگەرى توم رويال سولحاۋگ بىلاي دەدى: ءبىزدىڭ گۋاڭجوۋ جارمەنكەسىنە كەلۋدەگى ماقساتىمىز جاڭا ونىمدەردى قاراستىرىپ، بازاردىڭ جاڭا بەتالىسىن ءتۇسىنۋ. مەنىڭشە، جۇڭگو كاسىپورىندارى ساپالى ونىمدەردى ءوندىرۋ جاعىندا دۇنيە ءجۇزى بويىنشا الدىڭعى قاتاردا تۇرادى، بۇل دا ءبىزدىڭ وسى اراعا كەلۋىمىزدىڭ سەبەبى. 
 
 وسى كەزەكتى كورمەگە قاتىناسقان كاسىپورىنداردىڭ ىشىندە مەملەكەت دارەجەلى جوعارى، جاڭا تەحنيكا كاسىپورىندارى، جاساۋ كاسىبىنىڭ جەكە تۇردەگى ەگەيلەرى، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان «شاعىن قۋاتتى» كاسىپورىندار 1500دەن اسىپ، الدىڭعى كەزەكتەگىدەن 400دەن استام كاسىپورىن كوبەيدى، كورمەگە قاتىناسقان كاسىپورىنداردىڭ قۇرىلىمى اناعۇرلىم جۇيەلى، ساپاسى اناعۇرلىم جوعارى بولدى. 
كورمەگە قاتىناسقان ساۋداگەر لين مەي-ىر بىلاي دەدى: قازىر 100 دەن استام ساتىپ الۋشى ءبىزدىڭ كورمە ورنىمىزعا كەلىپ سەلبەستىك جاسادى. شەتەلدەگى قاريدارلار دا ءبىزدىڭ جاڭالىق جاراتۋ جانە جوبالاۋ جاعىنداعى سۇبەلى تابىستارىمىزعا قاداعالاي نازار اۋدارىپ وتىر، ءبىز گۋاڭجوۋ جارمەنكەسى سىندى ۇلكەن تەكشە ارقىلى سىرتقى ساۋدا بازارىن اناعۇرلىم جاقسى ساپامەن اشامىز. 
 
3-كەزەكتى يمپورت كورمەسىندە جارقىن تۇيىندەر ارت-ارتىنان جارىققا شىعىپ، 29 مەملەكەت پەن رايوننان كەلگەن 262 كاسىپورىن كورمەگە قاتىناسىپ، ازىق-تۇلىك، وتباسى توقىما بۇيىمدارى، جەكە كۇتىمدەۋ جابدىقتارى، دەنە تاربيە، سەيىل-سەرۋەن بۇيىمدارى، كەڭسە جابدىقتارى سياقتى ونىمدەردى شوعىرلى ايگىلەدى. وسى كەزەكتى گۋاڭجوۋ جارمەنكەسىنىڭ 3-مەرزىمى 5-ايدىڭ 5-كۇنىنە دەيىن جالعاسادى. 
 
اۋدارعان: كۇلان ىرىسباي قىزى
 

中央广播电视总台 央广网 版权所有

گۋاڭجوۋ جارمەنكەسىنىڭ 3-مەرزىمى باستالدى

گۋاڭجوۋ جارمەنكەسىنىڭ 3-مەرزىمى باستالدى