ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

1-مامىر دەمالىسىندا جەر-جەردىڭ جولاۋشى تاسىمالى قاۋىرت قاربالاس كۇيگە تۇستى، قاتىناس-تاسىمال تاراۋلارى جولاۋشىلاردىڭ ساپارلاۋىنا كەپىلدىك ەتتى

来源:جۇڭگو قازاق راديو تورابى     |责编:巴特勒|     发布日期: 2024-05-02 10:37
ءوز حابارىمىز. 1-مامىر دەمالىسىندا جەر-جەردىڭ جولاۋشى تاسىمالى قاۋىرت قاربالاس كۇيگە تۇستى، قاتىناس-تاسىمال، قاتىناس ساقشىسى قاتارلى تاراۋلار جولاۋشىلاردىڭ ساپارلاۋىنا كەپىلدىك ەتتى . جۇڭگو تەمىر جولى جىڭجوۋ مەكەمەسى توبى 5-ايدىڭ 1-كۇنى جولاۋشى تاسىمالىنىڭ قاۋىرت ورلەۋىن قارسى الىپ، نەگىزىنەن بەيجيڭ، شاڭحاي، گۋاڭجوۋ، شىنجىن، حاڭجوۋ سياقتى قالالارعا جونەلتۋدى، قاراستىلىق رايونى ىشىندە لوياڭ، نانياڭ، انياڭ سياقتى ساياحات قالالارىن نەگىز ەتتى. جۇڭگو تەمىر جولى جىڭجوۋ مەكەمەسى توبىنىڭ قىزمەتكەرى جاۋ جيڭجيڭ بىلاي دەدى: 5-ايدىڭ 1-كۇنى مەملەكەتتىك تەمىر جول توبى جىڭجوۋ مەكەمەسى بەيجيڭ، شاڭحاي، حاڭجوۋ سياقتى باعىتتاعى تۇنگى جوعارى قارقىندى تەمىر جول پويەزىنەن 50 ىن قوسىپ، ساياحاتى جاقسى وڭىردەگى جولاۋشىلار پويەزىنەن 26 ىن كوبەيتىپ، ساپارلاۋ قاجەتىن بار كۇشپەن قاناعاتتاندىردى. چاڭجياڭ اتىراۋى تەمىر جولىندا دەمالىس كەزىندەگى جولاۋشى تاسىمالىنىڭ قاۋىرت قاربالاس مەزگىلى باستالدى. نانجيڭ بەكەتىندەگى جولاۋشىلار تاسىمالىندا چاڭجياڭ اتىراۋى مەن بەيجيڭ، شي-ان، چاڭشا، ۋحان قاتارلى قالالاردىڭ ساياحات، تۋىسشىلاۋ جانە وقۋشىلار اعىنى نەگىز ەتىلەدى. تەمىر جول نانجيڭ ۆوكزالىنىڭ كەزەكشى باستىعى حان جىجۇن : 5-ايدىڭ 1-كۇنى 85 جۇپ ۋاقىتتىق جولاۋشىلار كوبەيتىلدى دەدى. دەمالىستىڭ العاشقى كۇنىندە جياڭسۋدىڭ كوپ جەرىندەگى اۆتوموبيل تاسىمال بەكەتتەرىندە جولاۋشىلار قاۋىرت ارتتى. پويەز بەلەتى تاپشى بولعان ءبىر ءبولىم قالالارعا قاراتا، اۆتوموبيل بەكەتى ولكە اتتاعان كەزەكشى اۆتوبۋزدى دەر كەزىندە ۇستەمەلەدى. نانجيڭ شياۋحۇڭشان اۆتوموبيل جولاۋشى تاسىمال بەكەتىنىڭ كەزەكشى باستىعى چىن جيۇڭ بىلاي دەدى: حىنان باعىتىندا جىڭجوۋ، لوياڭ، شاڭچيۋ قالالارىنا كەزەكشى اۆتوبوزدار ، شاندۇڭ باعىتىندا چيڭداۋ، يانتاي، ۋيحاي قالالارىنا كەزەكشى اۆتوبوزداردىڭ بارلىعى كەشقۇرىم جولعا شىعىپ، تاڭەرتەڭ جەتىپ بارادى . «1-مامىر» دەمالىسىندا شانشي ولكەسىنىڭ جولدارىندا كولىك قاۋىرت ارتىپ، مەجەمەن 23 ميلليون 200 مىڭنان استى. شانشي ولكەلىك قوعام حاۋىپسىزدىگى مەڭگەرمەسى قاتىناس ساقشى باس اترەتىنىڭ ورىنباسار باستىعى حى شياۋيۇي بىلاي دەدى: ساقشى كۇشىن مولايتىپ، ءتۇيىندى ۋاقىت كەزەڭدەرىندە، جول بولەكتەرىندە ۇگىتتەۋ، جەتەكتەۋ، قولباسشىلىق ەتۋ، باسقارۋ، مەڭگەرۋدى كۇشەيتتىك. ساياحات تاراۋلارى مەن كورىنىس وڭىرلەرىنىڭ توڭىرەگىندەگى ورىنداردى اۆتوكولىك توقتاتۋ الاڭدارىن اشىق ۇستاۋ، ءبىر باعىتتى اينالىم جانە اۆتوموبيل توقتاتۋ الاڭىنان نىسانالى جەرگە دەيىنگى تۇراقتى ورىندا قابىلداۋ-جەتكىزۋ قىزمەت وتەۋى سياقتى شارالاردى قولدانۋعا بەلسەنە سايكەستىرىپ، كورىنىس وڭىرلەرىنە كىرىپ-شىعاتىن جولداردىڭ ىركىلىسسىز، ءتارتىپتى بولۋىنا كەپىلدىك ەتتىك.
 
 كۇسەت ساياحات نىسانالى جەرى شي-اندا قاتىناس ساقشى تاراۋلارىنىڭ مەجەلەۋىنشە، شي-ان قالاسىندا ءار كۇنى 3 ميلليون 500 مىڭداي كولىك قاتىنايدى. شي-ان قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى چۇيجياڭ ۇلكەن اترەتى دايانتا ورتا اترەتىنىڭ ورىنباسار باستىعى سۇي حاۋجى بىلاي دەدى: ءبىز 9 اۆتوكولىك توقتاتۋ الاڭىن سايكەستىرىپ، 8 الەۋمەتتىك اۆتوبۋز ۇشتاستىرۋ ءتۇيىنىن اشىپ، ەڭ سوڭعى جول بولەكتەرىنە دەيىن جەتكىزىپ، كوپشىلىكتىڭ ءجۇرىس-تۇرىسىنا قولايلىلىق جاسادىق. 
 
اۋدارعان: كۇلان ىرىسباي قىزى

中央广播电视总台 央广网 版权所有

1-مامىر دەمالىسىندا جەر-جەردىڭ جولاۋشى تاسىمالى قاۋىرت قاربالاس كۇيگە تۇستى، قاتىناس-تاسىمال تاراۋلارى جولاۋشىلاردىڭ ساپارلاۋىنا كەپىلدىك ەتتى

1-مامىر دەمالىسىندا جەر-جەردىڭ جولاۋشى تاسىمالى قاۋىرت قاربالاس كۇيگە تۇستى، قاتىناس-تاسىمال تاراۋلارى جولاۋشىلاردىڭ ساپارلاۋىنا كەپىلدىك ەتتى