ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

چاڭ-ى 6-ءنومىرلى بارلاۋ جابدىعىن 5-ايدىڭ 3-كۇنى ۇشىرۋ جوسپارلاندى

来源:جۇڭگو قازاق راديو تورابى     |责编:巴特勒|     发布日期: 2024-05-02 10:38
ءوز حابارىمىز. مەملەكەتتىك عارىش مەكەمەسى 5-ايدىڭ 1-كۇنى مىناداي حابار جاريالادى: ينجەنەريا مىندەتى قولباسشىلىق شتابىنىڭ جان-جاقتىلى تۇجىرىم جاساۋى ارقىلى ايدى بارلاۋ ينجەنەرياسىنىڭ 4-مەرزىمىندەگى چاڭ-ى 6-ءنومىرلى جابدىقتى 5-ايدىڭ 3-كۇنى ۇشىرۋ جوسپارلاندى. قازىر چاڭ-ى 6-ءنومىرلى جابدىق ۇشىرىلۋدان بۇرىن سوڭعى رەت جۇيەلەر اراسىنداعى جاتتىعۋ سىناعىنان ءوتتى، ءتۇرلى دايىندىق قىزمەتتەر ورنىقتى جەبەلۋدە. 
 
 جۇڭگو ۋىنچاڭ عارىشقا ۇشىرۋ الاڭىندا وسى رەتكى ۇشىرۋ مىندەتىن اتقارعان چاڭجىڭ 5-ءنومىرلى الىس ارالىقتان مەڭگەرىلەتىن 8-تاسىمال راكەتاسىنا ۇدەتكىش قوسىلادى. بۇل چاڭجىڭ 5-ءنومىرلى تاسىمال راكەتاسىنىڭ اي شارىن بارلاۋ ينجەنەرياسىنا 2-رەت ۇشىرىلۋى بولىپ، چاڭ-ى 6-ءنومىرلى بارلاۋ جابدىعىن جەرشارىنان اي شارىنا بەتتەۋ وربيتاسىنا جەتكىزەدى، ايدى بارلاۋ جابدىعى ايدىڭ ارعى بەتىنەن ۇلگى الىپ قايتۋ مىندەتىن اتقارادى. بۇل رەتكى مىندەتتە جەرشارى مەن اي شارىنىڭ ورىن قاتىناسى سياقتى فاكتورلار جان-جاقتىلى ويلاستىرىلدى. 
 
 قازىر چاڭ-ى 6-ءنومىرلى جابدىق ۇشىرىلۋدان بۇرىن سوڭعى رەت جۇيەلەر اراسىندا بىرلەسىپ جاتتىعۋ سىناعىنان ءوتتى، ۋىنچاڭ عارىشقا ۇشىرۋ الاڭى، بەيجيڭ ۇشىرۋدى مەڭگەرۋ ورتالىعى، شي-ان جاساندى سەرىك ولشەۋ-مەڭگەرۋ ورتالىعى قاتارلى ورىندار بىرلەسىپ رەتتەۋ-تىزگىندەۋ جۇمىستارىن جۇرگىزدى، قازىر ءارقايسى جۇيەلەردە ۇشىرۋدان بۇرىنعى دايىندىق قىزمەتتەر ويداعىداي ىستەلدى. جۇڭگو عارىش عىلىم-تەحنيكاسى توبىنداعى لۋ يۇنتۇڭ بىلاي دەدى: قازىر بارلاۋ جابدىعى جۇيەسىنىڭ يقۋاتى قالىپتى بولىپ، تەحنيكالىق كۇيى تالاپتى قاناعاتتاندىردى، كەيىنگى ءتۇرلى قىزمەتتەردى جاقسى ورىستەتۋ ءۇشىن ۇشىرۋ جانە وربيتادا مىندەت اتقارۋ دايىندىعى ايتارلىقتاي ىستەلدى. 
 
اۋدارعان: امانتاي مۇسايىپ ۇلى

中央广播电视总台 央广网 版权所有

چاڭ-ى 6-ءنومىرلى بارلاۋ جابدىعىن 5-ايدىڭ 3-كۇنى ۇشىرۋ جوسپارلاندى

چاڭ-ى 6-ءنومىرلى بارلاۋ جابدىعىن 5-ايدىڭ 3-كۇنى ۇشىرۋ جوسپارلاندى