ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەلىمىزدىڭ جاسىل استىق قامباسىنىڭ سيىمدىلىعى 200 ميلليون توننادان استى

来源:جۇڭگو قازاق راديو تورابى     |责编:巴特勒|     发布日期: 2024-05-13 14:37
ءوز حابارىمىز. مەملەكەتتىك استىق جانە زات زاپاسى مەكەمەسىنىڭ ەڭ جاڭا ساندى مالىمەتىندە كورسەتىلۋىنشە، بۇكىل ەل بويىنشا ولشەمدى قامبا ۇيلەرىنىڭ كەمەلدى قامبا سيىمدىلىعى 700 ميلليون توننادان اسىپ، تومەن تەمپەراتۋرالى استىق ساقتاۋ جۇزەگە اسىرىلىپ، جاسىل استىق ساقتاۋ قامبا سيىمدىلىعى 200 ميلليون توننادان اسقان. جەر-جەر، تاراۋلار استىقتى قامبادا ساقتاۋ قابىلەتىن ۇزدىكسىز بەكەمدەپ، استىق حاۋىپسىزدىگىنىڭ قورعانىس شەبىن كۇشەيتتى.
 
شاندۇڭداعى ورتالىق زاپاس استىق مەكەمەسىنىڭ دىجوۋعا توتە قاراستى قامباسىندا، استىق قامباسىنىڭ توبەسىنە فوتوۆولتتىق ەلەكتر شىعارۋ تاقتاسى ورناتىلعان، ساقتاۋشى ۋىن ليبو بىلاي دەدى: بۇل ءار جىلى شامامەن %12 ەلەكتر تۇتىنۋ مولشەرىن ۇنەمدەپ قالماستان، جازدا قامبا توبەسىنىڭ تەمپەراتۋراسىن ءونىمدى تومەندەتەدى. قازىر ءبىز تۇرعان 31-ءنومىرلى قامبانىڭ ۇستىنە 1800 شارشى مەتردەن استام فوتوۆولت تاقتاسى ورناتىلدى، فوتوۆولت تاقتاسى مەن قامبا توبەسىنىڭ اراسىندا 20 سانتيمەتر اينالاسىندا جىلۋ وتكىزبەيتىن قابات قالىپتاسقان، جازدا قامبا ىشىندەگى كەڭىستىك تەمپەراتۋراسىن 3-5 گرادۋس تومەندەتەدى، بۇل استىق قامباسىنا ءبىر قابات جىلۋ وتكىزبەيتىن قورعاۋ قاباتىن قوسىپ، تومەن تەمپەراتۋرادا استىق ساقتاۋدى جۇزەگە اسىرعانمەن بارابار.
 
تومەن تەمپەراتۋرادا استىق ساقتاۋ استىقتىڭ زات الماسۋىن ءونىمدى تەجەپ، شىعىندى ازايتادى. قامبانىڭ ىشكى بولەگىندەگى تەمپەراتۋرانى تىزگىندەۋ دە دە ناتيجە كورنەكتى بولدى. قامبادا استىق ساقتاۋ ءبولىمىنىڭ جوعارى دارەجەلى جاۋاپتىسى چي يىڭ بىلاي دەپ تانىستىردى: قاراماققا تەگىس كورىنەتىن وسى استىق ۇيىندىلەرىنىڭ استىندا ءار ءتۇرلى بارلاۋ اپپاراتتارى مەن قابىلداعىش اسپاپتار بار، 24 ساعات بويى استىق ۇيىندىلەرىنىڭ ءار جەرىندەگى تەمپەراتۋرا وزگەرىسىن باقىلايدى. ەلەكتروندىق تەمپەراتۋرا ولشەۋ جۇيەسى جيىنى 352 باقىلاۋ تۇيىنىنەن قۇرام تابادى، ءاربىر باقىلاۋ ءتۇيىنىنىڭ رادياتسيا كولەمى 2 مەتر بولىپ، سول ارقىلى ساندى مالىمەت جيناۋ تورابى قالىپتاستىرىلىپ، استىق تەمپەراتۋراسىنىڭ وزگەرىس جاعدايىن دەر كەزىندە جەتكىزىپ، استىقتىڭ تەمپەراتۋراسىن الىستان باقىلاۋعا بولادى، ەگەر استىق تەمپەراتۋراسى قالىپسىز بولسا، اسپاپتار دەر كەزىندە سەزگىرلىك تانىتىپ، سيگىنال بەرەدى.
 
14-بەسجىلدىقتان بەرى، جەر-جەر استىقتى قامبادا ساقتاۋ دەڭگەيىن جوعارىلاتۋ ارەكەتىن بەلسەنە ورىستەتىپ، 65 ميلليون توننادان استام قامبا سيىمدىلىعىن جاڭادان سالىپ جانە وزگەرتىپ، قامبا ۇيلەرىنىڭ گاز تىعىزدىعى، جىلۋ وتكىزبەۋ سياقتى شەشۋشى قابىلەتىن كورنەكتى جوعارىلاتىپ، جاسىل استىق ساقتاۋ تەحنيكاسىنىڭ جەدەل جالپىلاستىرىلۋىنا، قولدانىلۋىنا بەرىك نەگىز قالادى.
 
جەر-جەر عىلىم-تەحنيكالىق تاسىلدەردەن سىرت، قارجى جانە امانات-قارىز جاعىنان قولداۋ كورسەتتى. مەملەكەت بويىنشا استىق وندىرەتىن ءىرى اۋدان انحۇي ولكەسىنىڭ يىڭشاڭ اۋدانىندا جەرگىلىكتى ورىن بيىلعى جازعى جيىن-تەرىن جۇمىسىنا بەلسەنە كىرىستى، شارۋالار ءوز استىق قامباسىن، اينالىم قامباسىن جاڭالاپ، دارەجەسىن جوعارىلاتۋدى جوسپارلادى. بۇعان فينانس قۇرىلىمدارى دا اسا زور قولداۋ كورسەتتى. پوچتا امانات بانكەسى يىڭشاڭ اۋداندىق تارماق بانكەسىنىڭ باستىعى جياڭ جىننان بىلاي دەدى: ەكى كۇندە قاتىستى رەسمياتتاردى ورىنداپ بولدىق، بۇل جەرگىلىكتى ورىننىڭ استىق ساقتاۋ جاعىنداعى كونەسىن جاڭاسىنا اۋىستىرۋ جانە دارەجەسىن جوعارىلاتىپ جاڭالاۋ ساياساتىن قولداۋداعى حالىققا تيىمدى شاراسى، باستىسى، استىق كاسىپ تىزبەگىن ارقاۋ ەتكەن ءوندىرۋ، مانەرلەۋ، ساقتاۋ، ساتۋ سياقتى بۋىندار ءتۇيىن ەتىلەدى.
 
اۋدارعان: شالقار قازەز ۇلى

中央广播电视总台 央广网 版权所有

ەلىمىزدىڭ جاسىل استىق قامباسىنىڭ سيىمدىلىعى 200 ميلليون توننادان استى

ەلىمىزدىڭ جاسىل استىق قامباسىنىڭ سيىمدىلىعى 200 ميلليون توننادان اسىپ، استىق ساقتاۋ قۋاتى ۇزدىكسىز بەكەمدەلىپ، استىق حاۋىپسىزدىگىنىڭ قورعانىس شەبى كۇشەيدى