ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ازياداعى تۇڭعىش دوڭگەلەك تۇتىك فورمالى «تەڭىزدەگى مۇناي-گاز مانەرلەۋ زاۆودى» − «حايكۇي 1-ءنومىرلى» كەمەگە ءساتتى تيەلدى

来源:جۇڭگو قازاق راديو تورابى     |责编:巴特勒|     发布日期: 2024-05-13 14:38
ءوز حابارىمىز. ەلىمىز دەربەس جوبالاپ جاساعان ازياداعى تۇڭعىش دوڭگەلەك تۇتىك فورمالى قالقىما ءوندىرىس مۇناي ساقتاۋ-ءتۇسىرۋ قۇرىلعىسى بولعان «حايكۇي 1-ءنومىرلى» 5-ايدىڭ 12-كۇنى شاندۇڭ ولكەسىنىڭ چيڭداۋ پورتىنان اتتانىپ، جۋجياڭكوۋ ويپاتىنداعى ليۋحۋا مۇناي الابىنا جەتكىزىلىپ، ەلىمىزدىڭ تۇڭعىش تەرەڭ سۋ مۇناي الابىن 2-رەت اشۋ نىسانىنىڭ بيىل وندىرىسكە قوسىلۋىنا نەگىز قالادى.
 
«حايكۇي 1-ءنومىرلى» جابدىعى- مۇناي ءوندىرۋ، ساقتاۋ، سىرتقا جەتكىزۋ سياقتى يقۋاتتار ءبىر تۇلعالانعان جوعارى دەڭگەيلى تەڭىز-مۇحيت جابدىعى، ول كەمە تۇلعاسى مەن ۇستىڭگى يقۋات مودۋلى سىندى ەكى بولەكتى قامتيدى، 600 مىڭعا جۋىق ۇساق بولشەكتەردەن قۇرالعان، جالپى سالماعى 37 مىڭ تونناعا تايايدى، ەڭ ۇلكەن مۇناي ساقتاۋ مولشەرى 60 مىڭ تونناعا جەتەدى.
 
جۇڭگو تەڭىز مۇناي توبى شىنجىن بولىمشە سەرىكتىگى ليۋحۋا مۇناي الابىن اشۋ نىسانىنىڭ ورىنباسار باس ديرەكتورى ۋاڭ حوپيڭ تانىستىرىپ بىلاي دەدى: حايكۇي 1-ءنومىرلىنى تاسىمالداۋدا «ۇلكەن كەمەگە كىشكەنە كەمەنى تىيەۋ» ءتاسىلى قولدانىلىپ، قاتىناۋ ۋاقىتى ەڭ جوعارى شەكتە قىسقارىپ، تەڭىز تولقىنىنىڭ سوققىسىنان زاقىمدالۋ، تايفىڭ داۋىلىنىڭ ىقپالى سياقتى تاسىمال حاۋىپ-قاتەرى ازايتىلادى.
 
«حايكۇي 1-ءنومىرلىنىڭ» نەگىزگى پالۋباسىنىڭ اۋدانى 13 ولشەمدى باسكەتبول الاڭىنا بارابار، بيىكتىگى 30 قاباتقا تايايدى، جالپى سالماعى 30 مىڭ جەڭىل اۆتوموبيلگە بارابار. جۇڭگو تەڭىز مۇناي توبى « حايكۇي 1-ءنومىرلىنى» قۇراستىرۋ نىسانىنىڭ مەڭگەرۋشىسى ۋاڭ جيچياڭ بىلاي دەدى: كەمەگە تيەۋ-« حايكۇي 1-ءنومىرلىنى» تاسىمالداۋ بارىسىنداعى تەحنيكالىق قيىندىعى ەڭ زور، جۇمىس حاۋىپ-قاتەرى ەڭ جوعارى شەشۋشى بۋىن. «حايكۇي 1-ءنومىرلىنىڭ» تەرەڭدىك ولشەمى سۋ جولىنىڭ شەگىنە تايايدى، ءار ايدا جۇمىس شارت-جاعدايىن قاناعاتتاندىراتىن تەڭىز جاعدايى نەبارى 3 كۇن عانا، ەشقانداي اعاتتىق جىبەرۋگە بولمايدى. كەمەگە تيەۋ بارىسىندا 6 كەمەجاي سۇيرەۋ كەمەسىنىڭ تىعىز سايكەسۋىن قاجەت ەتەدى، ورىن دالدىگى ميلليمەتر دارەجەسىنە جەتەدى، ونىڭ ۇستىنە وسى بارىستا ەشقانداي سوعىلىسۋ تۋىلۋىنا جول بەرىلمەيدى، تەحنيكالىق قيىندىق كاسىپ سالاسىنداعى ۇقساس تۇردەگى كەمەگە تيەۋ جۇمىسىنىڭ ەڭ جوعارى شەگىنە جەتكەن.
 
« حايكۇي 1-ءنومىرلىنى» كەمەگە تيەۋدە ەل ىشىندەگى تەڭىز-مۇحيت تەكشەسىندەگى كەمەگە تيەۋ بارىسىندا تۇڭعىش رەت سۋ استىندا ءدال ورىن بەلگىلەۋ تەحنيكاسى ءساتتى قولدانىلدى، كەمەگە تيەۋگە ساياتىن تەحنيكالىق جوبا، ەسەپتەۋ، تالداۋ جاساۋ، مەڭگەرۋ سياقتىلاردى تۇگەلدەي ەلىمىز دەربەس ورىنداپ، ەلىمىزدىڭ تۇتاس بارىستا ەرەكشە ۇلكەن دوڭگەلەك تۇتىك فورمالى قالقىما ءوندىرىس جابدىقتارىن كەمەگە تيەۋدىڭ تىڭ جولىن اشتى.
 
« حايكۇي 1-نومىرلىدە» 700 دەن استام شەشۋشى جابدىق جوعارى دەڭگەيدە جيناقتالعان، بۇل جابدىقتاردىڭ شامامەن %90ىن ەلىمىز دەربەس جوبالاپ جاساپ، شەشۋشى جابدىقتاردى دەربەس زەرتتەپ اشۋدا، قولدانۋدا ماڭىزدى قامال الۋدى جۇزەگە اسىردى.
 
جۇڭگو تەڭىز مۇناي توبى شىنجىن بولىمشە سەرىكتىگى تەرەڭ سۋ ينجەنەرياسى قۇرىلىسى ورتالىعىنىڭ باس ديرەكتورى ليۋ حۋاشياڭ بىلاي دەدى: ەل ىشىندەگى تەڭىز-مۇحيت ينجەنەرياسى سالاسىنداعى ولقىلىقتار تولىقتانىپ، بولات-تەمىر، جوعارى دەڭگەيلى جاڭا ماتەريالداردى زەرتتەۋ-اشۋ، كەلەلى جابدىقتار جانە جوعارى دەڭگەيلى جابدىق جاساۋ سياقتى كاسىپتەردىڭ جوعارى ساپالى دامۋى جەبەلدى.
 
حايكۇي1-ءنومىرلى اسپابىنىڭ جوبا عۇمىرى 30 جىل، تەڭىزدە جالعاستى 15 جىل قاتىناپ، جۋجياڭكوۋ ويپاتىنداعى ليۋحۋا مۇناي الابىنا جەتكىزىلگەننەن كەيىن، سۋ تەرەڭدىگى 324 مەتر كەلەتىن ۇلكەن تەڭىزدە قالقىپ جۇرەدى، ءار كۇنى شامامەن 5600 توننا وڭدەلمەگەن مۇنايدى ءبىر جايلى ەتىپ، ەلىمىزدىڭ تەرەڭ سۋلى مۇناي-گاز الابىن جوعارى ونىمدىلىكپەن اشۋدى شىت جاڭا تالعاممەن قامدايدى.
 
اۋدارعان: شالقار قازەز ۇلى

中央广播电视总台 央广网 版权所有

ازياداعى تۇڭعىش دوڭگەلەك تۇتىك فورمالى «تەڭىزدەگى مۇناي-گاز مانەرلەۋ زاۆودى» − «حايكۇي 1-ءنومىرلى» كەمەگە ءساتتى تيەلدى

ازياداعى تۇڭعىش دوڭگەلەك تۇتىك فورمالى «تەڭىزدەگى مۇناي-گاز مانەرلەۋ زاۆودى» − «حايكۇي 1-ءنومىرلى» كەمەگە ءساتتى تيەلدى