ديڭ شۋەشياڭ الدىمەن بەيجيڭ قالالىق 13-ورتا مەكتەپتەگى ەمتيحان تۇيىنىنە بارىپ، ەمتيحان مايدانىن ورنالاستىرۋ، ەمتيحان ىستەرىن باسقارۋ، قىزمەت وتەۋدى قامتاماسىزداندىرۋ، زەردەلى حاۋىپسىزدىك تەكسەرۋ سياقتى جاعدايلاردى ناق مايداندا ۇعىسىپ، ناق مايدانداعى قىزمەتكەرلەرمەن اڭگىمەلەسىپ، پارتيا ورتالىق كوميتەتى مەن مەملەكەتتىك كەڭەس اتىنان جوعارى مەكتەپ ەمتيحانىنىڭ ءبىرىنشى شەبىندە قاجىرلىلىقپەن قىزمەت ىستەپ جاتقان بارلىق جولداستارعا شىنايى سالەم جولدادى جانە شىن جۇرەكتەن العىس ايتتى. ديڭ شۋەشياڭ بىلاي دەدى: ەمتيحان بەرۋشىلەردى نەگىز ەتۋگە تاباندى بولىپ، جالپىلىق قامتاماسىزداندىرۋ قىزمەتىن ىشكەرىلەي، ەگجەي-تەگجەيلى جاقسى ىستەپ، الاڭسىز، جايلى ەمتيحان ورتاسىن قالىپتاستىرىپ، ەمتيحان بەرۋشىلەرگە كوڭىل ءبولۋدى، قامقورلىق جاساۋدى تولىق ايگىلەپ، ولاردىڭ كوڭىل كۇيىن ورنىقتىرىپ، ەمتيحانعا بايىپتىلىقپەن توتەپ بەرىپ، ويداعىداي ناتيجەگە قول جەتكىزىپ، ءومىر ارمانىن جۇزەگە اسىرۋ جولىندا شەشۋشى قادام تاستاۋىنا مۇمكىندىك جاساۋ كەرەك.

 وسىدان كەيىن ديڭ شۋەشياڭ بەيجيڭ وقۋ-اعارتۋ ەمتيحان مەكەمەسىنە بارىپ، ەمتيحان قاعازىن ساقتاۋ ساندىعى، زەردەلى ەمتيحان ىستەرى تەرمينالى، ەمتيحان قاعازىن جايمالاپ باعالاۋ جۇيەسى سياقتى جابدىقتاردى تەكسەرىپ، بەيجيڭ قالالىق مەملەكەتتىك وقۋ-اعارتۋ ەمتيحانىن جان-جاقتى باسقارۋ تۇعىرىنىڭ بەينەلى كورسەتپەسىن كورىپ، جوعارى مەكتەپ ەمتيحانىنا دايىندىق كورۋ قىزمەتى جونىندەگى مالىمەتتى تىڭدادى. ول مىنالاردى باسا دارىپتەدى: ءادىل، ادىلەتتى جانە حاۋىپسىز بولۋ جوعارى مەكتەپ ەمتيحانىنىڭ جان تامىرى، مۇنى جوعارى مەكتەپ ەمتيحانى قىزمەتىنىڭ ءاربىر بۋىنىنا ءسىڭىرۋ كەرەك. قۇپيالىقتى ساقتاۋدى باسقارۋدى قاتايتىپ، ەمتيحان قاعازىن دايىنداۋ، باسۋ، جەتكىزۋ، ساقتاۋ جالپى بارىسىن باقىلاۋ-باسقارۋدى كۇشەيتۋ كەرەك. ەمتيحان ستيلىن، ەمتيحان ءتارتىبىن قاتايتىپ، ەمتيحاندا قارالىق ىستەۋگە قاتاڭ سوققى بەرۋ كەرەك. ەمتيحان قاعازىن تەكسەرۋدىڭ ساپا وتكەلىن قاتاڭ يگەرىپ، قابىلداۋ ءتارتىبىن قاتايتىپ، ەمتيحاننىڭ ادىلەتتى، ءتارتىپتىڭ جاريا، ناتيجەسىنىڭ ءادىل بولۋىنا كەپىلدىك ەتۋ كەرەك. ديڭ شۋەشياڭ ءار دارەجەلى پارتكوم مەن ۇكىمەتتەن جوعارى مەكتەپ ەمتيحانىن باسقارۋ قابىلەتىن سىنايتىن ەمتيحان ەتىپ، ءتۇرلى قىزمەت وتەۋ، قامتاماسىزداندىرۋ قىزمەتىن مىقتى، ناقتى، ويداعىداي يگەرىپ، پارتيا مەن حالىققا قاناعاتتانارلىقتاي جاۋاپ قايتارۋدى تالاپ ەتتى. 

 

اۋدارعان: گۇلنۇر قابىلقاق قىزى