ءوز حابارىمىز. چاڭ-ى 6-ءنومىرلى الەم كەمەسى 6-ايدىڭ 2-كۇنى ايدىڭ ارعى بەتىندەگى وڭتۇستىك ۇيەك-ايتكەن ويپاتىنا ءساتتى قوندى، الدا ايدىڭ ارعى بەتىندەگى ۇلگى جيناۋ سىياقتى قىزمەتتەردى ورىستەتەدى.

چاڭ - ى 6 - ءنومىرلى الەم كەمەسىنىڭ ايدىڭ ارعى بەتىنە ءساتتى قونعاننان كەيىن، قونۋ فوتو اپپاراتى تۇسىرگەن اي ءۇستى كەسكىنىن تاراتتى. چاڭ-ى 6-ءنومىرلى الەم كەمەسى مىندەتىنىڭ جەر بەتى قولدانىلمالى جۇيەسىنىڭ ورىنباسار باس قولباسشىسى ليۋ جيانجۇن بىلاي دەپ تانىستىردى: بۇل قونۋ فوتو اپپاراتى چاڭ-ى 6-ءنومىرلى الەم كەمەسىندەگى ماڭىزدى جابدىقتاردىڭ ءبىرى بولىپ، قونۋ اسپابىنىڭ قوزعاۋشى كۇشى تومەندەۋ ساتىسىندا، اۆتوماتتى جارىق وتكىزۋ ارقىلى ءار سەكۋندتا ءبىر پارشا سۋرەت ءتۇسىرۋ ءتاسىلى ارقىلى ساندى مالىمەتكە يە بولادى. ءبىز قونۋ فوتو اپپاراتىنىڭ ساندى مالىمەتىنەن پايدالانىپ قونعان ءوڭىردىڭ گەولوگيالىق ارتقى كورىنىسىنە سونداي - اق جەر بەدەرىنە تالداۋ جاساۋ مۇمكىندىگىنە يە بولامىز.

 

اۋدارعان: شالقار قازەز ۇلى