ءوز حابارىمىز. 2023-جىلى 6-ايدا باس شۋجي شي جينپيڭ شولەيتتەنۋدەن جان-جاقتى ساقتانۋدى كۇشەيتۋ جانە «ءۇش تەرىستىك قورعانىس ورمان جۇيەسى» ينجەنەرياسى سياقتى ءتۇيىندى ەكولوگيالىق ينجەنەريا قۇرىلىسىن ىلگەرىلەتۋ اڭگىمە ءماجىلىسىن باسقارىپ اشىپ، بورىشتى باتىلدىقپەن ارقالاپ، جاپا-ماشاقاتتان قورىقپاي، ۇزاق ۋاقىت ۇلەس قوسىپ، جاڭا داۋىردەگى جۇڭگونىڭ قۇمايتتانۋدىڭ الدىن الۋداعى، قۇمايت جەرلەردى جونگە سالۋداعى تىڭ كەرەمەتتەرىن قۇلشىنا جاراتۋدى باسا دارىپتەدى.

 ءبىر جىلدان بەرى، جەر-جەر مەن تاراۋلار جاۋاپكەرشىلىك ارقالاپ، ىسكەرلىك كورسەتىپ، «ءۇش تەرىستىك قورعانىس ورمان جۇيەسى» ينجەنەرياسىنان قامال الۋ شايقاسىندا كەزەڭدىك تابىسقا قول جەتكىزۋدى ىلگەرىلەتىپ، وتانىمىزدىڭ سولتۇستىگىندە جاسىل ۇلى قورعان جانە ەكولوگيالىق حاۋىپسىزدىك قالتقىنى جەدەل قۇردى.

 ىشكى موڭعۇل اۆتونوميالى رايونى دىڭكوۋ اۋدانى ءشاجىنتوقاي اۋىلىنداعى قۇمدىقتا، كوك ءتۇستى فوتوۆولتتىق ەلەكتر شىعارۋ تاقتاسى كۇن نۇرىندا جارقىرايدى. فوتوۆولت تىزبەگى اراسىندا جۇمىسشىلار شاقپاقتاعى قۇمداردى تاپتاپ، سۋ جەتكىزۋ قۇبىرىن جاتقىزۋ جۇمىسىن جۇرگىزۋدە، ۇلانبۇحى قۇمدى شولىندەگى 850 مىڭ كيلوۆاتتىق "فوتوۆولت + ەكولوگيانى جونگە سالۋ" نىسانىنىڭ جۇمىسى قاۋىرت جۇرىلۋدە. دىڭكوۋ اۋدانى مىڭنىڭ جاڭا ەنەرگيا شەكتى سەرىكتىگى ينجەنەريا ءبولىمىنىڭ باستىعى گو مين بىلاي دەدى: فوتوۆولت نىسانى جالپى سيىمدىلىقتا توك تاراتۋدى جۇزەگە اسىردى، ءار جىلى 163.3 توننا ىس-تۇتەكتى از ىعىستىرىپ، 525 مىڭ توننا ولشەمدى كومىر ۇنەمدەيدى. كەلەسى قادامدا ەكولوگيا مەن ەكونوميكالىق قۇننان بىردەي مول ءونىم الۋدى جۇزەگە اسىرۋ ءۇشىن، 2-مەرزىمدىك نىسانىمىز دا قاتار جۇرىلۋدە

 «ءۇش تەرىستىك قورعانىس ورمان جۇيەسى» ينجەنەرياسى ىشكى موڭعۇلدى ەندەي وتەدى، ول مەملەكەتتىڭ «ءۇش تەرىستىك قورعانىس ورمان جۇيەسى» ينجەنەرياسىنداعى 6-مەرزىمدىك قۇمايتتانعان جەردى جونگە سالۋ مىندەتىنىڭ %60 تەن استامىن ۇستىنە العان. ىشكى موڭعۇل اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ ورىنباسار باستىعى چىن يۇڭچۋان بىلاي دەدى: «ءۇش تەرىستىك قورعانىس ورمان جۇيەسى» ينجەنەرياسىنان قامال الۋ شايقاسى جانە 3 ۇلكەن بەلگى سيپاتتى شايقاس باستالعاننان بەرى، اۆتونوميالى رايوندىق پارتكوم مەن ۇكىمەت تاۋ، سۋ، ورمان، اتىز، كول، جايلىم، قۇم جۇيەسىن جونگە سالۋدى ءبىر تۇتاس جوسپارلاپ ىلگەرىلەتتى. بيىل بۇكىل رايونىمىزدا 7 ميلليون مۋدان استام قۇمايتتانعان جەر جونگە سالىندى، بۇل بىلتىرعى ۇقساس مەزگىلدەگىدەن 4 ەسەدەن اسادى.

 گانسۋ ولكەسى مينچين اۋدانىنداعى چيڭتۋحۋ كولى ەكولوگياسىن جان-جاقتى ءبىر تۇلعالاندىرىپ جونگە سالۋدان ۇلگى كورسەتۋ رايونىندا، گانسۋ ولكەلىك قۇمدى تىزگىندەۋدى زەرتتەۋ ورنى زەرتتەپ جاساعان قۇم تاپتاۋ ماشيناسى جۇمىس ىستەۋدە. ءبيداي سابانىنان جاسالعان قۇم بوگەت ماشينا دوڭعالاعىمەن بىرگە قۇمنىڭ ىشىنە سىڭىرىلۋدە. مۇنداي ماشينالاردىڭ قىزمەت ونىمدىلىگى ادام كۇشىنىڭ 4 تە 6 ەسەسىندەي بولىپ، ءار مۋ جەردەن 250 يۋان قۇم تاپتاۋ وزىندىك قۇنىن ۇنەمدەۋگە بولادى. گانسۋ ولكەلىك قۇمدى تىزگىندەۋدى زەرتتەۋ ورنىنىڭ بۇرىنعى باستىعى، «مەملەكەتتىك ۇزدىك ينجەنەر» اتاعىنىڭ يەگەرى شۇي شيان-يىڭ بىلاي دەدى: سوڭعى جىلدارى ءبىز شاعىن تۇرپاتتى قۇم تاپتاۋ ماشيناسىن زەرتتەپ جاسادىق، بۇدان تىس ماشينا ادام ارقىلى اعاش ەگىپ، ادام كۇشىن بىرتىندەپ ماشينا قۋاتىنا وزگەرتتىك. وسىلاي ىستەگەندە «ءۇش تەرىستىك قورعانىس ورمان جۇيەسى» ينجەنەرياسىنان ەرتەرەك قامال الىپ، مىندەتتى ۋاعىندا ورىنداۋعا ءتيىمدى.

 بيىل 4-ايدىڭ 3-كۇنى باس شۋجي شي جينپيڭ استانادا مىندەتتى اعاش ەگۋ قيمىلىنا قاتىناسقاندا مىنانى باسا دارىپتەدى: ءۇش تەرىستىك ءوڭىرى − مەملەكەت جەرىن جاسىلداندىرۋدىڭ نەگىزگى شايقاس مايدانى، اناعۇرلىم كوپ كۇشتى «ءۇش تەرىستىك قورعانىس ورمان جۇيەسى ينجەنەريا» قۇرىلىسىنا شوعىرلاندىرىپ، وتانىمىزدىڭ سولتۇستىگىندەگى جاسىل ۇلى قورعاندى بەكەمدەۋ كەرەك.

 شانشي ولكەسى يۇيلين قالاسى شىنمۋ قالاسى ماجىن قالاشىعىنداعى حۋاڭحى وزەنىنىڭ جاعالاۋىندا ءىرى تۇرپاتتى ۇشقىشسىز ۇشاق اعاش قالامشاسىن تىك بەتكەيدەگى اعاش ەگۋ تۇيىنىنە 2 مينۋتتا جەتكىزدى. بيىل جىل باسىنان بەرى، شانشي ولكەسى حۋاڭحى وزەنى جاعالاۋىنداعى يۇيلين شىنمۋ، ۋباۋ، جياشيان سياقتى جەرلەردەگى شارت-جاعدايى ناشار وڭىرلەرگە اعاش قالامشاسىن ۇشقىشسىز ۇشاقپەن جەتكىزىپ، حۋاڭحى وزەنىنىڭ تۇتاس بەتكەيىندەگى مەملەكەت جەرىن جاسىلداندىرۋدى ىشكەرىلەي ىلگەرىلەتتى. يۇيلين شىنمۋ قالالىق ورمان شارۋاشىلىعى مەكەمەسى ورمان، ءشوپ كاسىبىن دامىتۋ ورتالىعىنىڭ مەڭگەرۋشىسى رىن حۇيجۇن بىلاي دەدى: نىساندى اتقارۋ ارقىلى حۋاڭحىنى بويلاپ باتىسقا قاراي قاراي جۇرگەندەگى 3 كيلومەتر جەردە جاسىل ءدالىز قالىپتاسىپ، وسى ءوڭىردىڭ ەكولوگيالىق ساپاسى بارىنشا جوعارىلادى.

 نيڭشيا بۇكىل ەلدەگى حۋاڭحى وزەنىنىڭ يرەگىنە ورنالاسقان قامال الۋ ءوڭىرى مەن «ءۇش تەرىستىك قورعانىس ورمان جۇيەسى» ينجەنەرياسى وڭىرىنە ورنالاسقان بىردەن-ءبىر ولكە-رايون. نيڭشيا شولەيتتەنۋدەن ساقتانۋ جانە ونى تىزگىندەۋ اۋىر مىندەتىن ارقالاپ، حۋاڭحى وزەنىنىڭ يرەگىندە قامال الۋ شايقاسىن بار كۇشپەن ويداعىداي جۇرگىزدى. نيڭشيا ورمان شارۋاشىلىعى جانە جايلىم مەكەمەسىنىڭ ورىنباسار باستىعى شۇي جۇڭ بىلاي دەدى: بىلتىردان بەرى، حۋاڭحى وزەنىنىڭ يرەگىندەگى نيڭشيا قامال الۋ شايقاسىنىڭ ءتۇرلى قىزمەتتەرى ورنىقتى ىلگەرىلەپ، 8 ميلليون 200 مىڭ مۋلىق قامال الۋ شايقاسىنىڭ 2 ميلليون 800 مىڭ مۋ جەردەگى مىندەتى ورىندالدى.

 ورتالىق قازىنا تاياۋدا «ءۇش تەرىستىك قورعانىس ورمان جۇيەسى» ينجەنەرياسىنا كومەك قاراجات بەرىپ، ورمان، ءشوپ، سازدى، قاعىر جەرلەردى ءبىر تۇلعالاندىرىپ قورعاۋ، قالپىنا كەلتىرۋ، قۇمايتتانۋدىڭ الدىن الۋ، قۇمايت جەرلەردى جونگە سالۋ جەتىستىكتەرىن بەكەمدەۋ، قۇمايتتانعان جەرلەردى قورشاپ قورعاۋعا تولەم بەرۋ، «كاسىپ سالاسىن ەكولوگيالاندىرۋدان، ەكولوگيانى كاسىپ سالالاندىرۋدان» ۇلگى كورسەتۋ سياقتىلاردى ءتۇيىندى قولدادى.

«ءۇش تەرىستىك قورعانىس ورمان جۇيەسى» ينجەنەرياسىنداعى ولكەلەر قامال الۋ شايقاسىن توڭىرەكتەپ تاعى دا ورنالاستىرۋ جاساپ، كۇش ۇستىنە كۇش قوسىپ، جاڭا داۋىردەگى جۇڭگونىڭ قۇمايتتانۋدىڭ الدىن الۋداعى، قۇمايت جەرلەردى جونگە سالۋداعى تىڭ كەرەمەتتەرىن قۇلشىنا جاراتتى. مەملەكەتتىك ورمان-جايلىم مەكەمەسى «ءۇش تەرىستىك قورعانىس ورمان جۇيەسى» ينجەنەرياسى مەكەمەسىنىڭ باستىعى ليۋ بيڭ بىلاي دەدى: قازىر «ءۇش تەرىستىك قورعانىس ورمان جۇيەسى» ينجەنەرياسىنان قامال الۋ شايقاسىندا كەزەڭدىك ىلگەرىلەۋشىلىككە قول جەتىپ، 40 نىساننىڭ جۇمىسى باستالىپ، 20 ميلليون مۋدان استام جەرگە ورمان وتىرعىزىلىپ، ءشوپ ەگىلدى. ءبىز «ءۇش تەرىستىك قورعانىس ورمان جۇيەسى» ينجەنەرياسىنىڭ 6-مەرزىمدىك جوباسىن مىقتاپ ارقاۋ ەتىپ، ءتۇيىندى نىسانداردىڭ جاپپاي تياناقتانىپ اتقارىلۋىن كۇش سالا ىلگەرىلەتىپ، عىلىم-تەحنيكالاندىرۋ، زەردەلىلەندىرۋ، ماشينالاندىرۋ دەڭگەيىن ۇزدىكسىز جوعارىلاتىپ، «ءۇش تەرىستىك قورعانىس ورمان جۇيەسى» ينجەنەرياسىنداعى 3 ۇلكەن بەلگى سيپاتتى شايقاستى ويداعىداي جۇرگىزىپ، جەڭىسكە جەتەمىز. 

 

 اۋدارعان: گۇلنۇر قابىلقاق قىزى