ءوز حابارىمىز: 2024 – جىلعى مەملەكەتتىك جوعارى مەكتەپ ەمتيحانىنىڭ 3-كۇنى ياعني 6-ايدىڭ 8-كۇنىءىشىنارا ولكەلەردە ەمتيحان نەگىزىنەن اياقتالدى. جەر-جەر قىزمەت وتەۋ قابىلەتىن جوعارىلاتىپ، جوعارى مەكتەپ ەمتيحانىنىڭ ءادىل بولۋىن قورعادى. جوعارى مەكتەپ ەمتيحانىنا قاتىناسقان وقۋشىلارعا تاماشا ەمتيحان ورتاسىن جاراتۋ ءۇشىن، ىشكى موڭعۇلدىڭ چىفىڭ قالاسىنداعى كوپتەگەن جەرلەر زەردەلى تەكسەرۋ، توراپتاندىرىپ شارلاۋ سياقتى تاسىلدەر ارقىلى قالادا "شۋىلدى ازايتىپ"، ەمتيحانعا قولايلى شارت جاعداي جاساۋ ۇلگىسىن جاپپاي باستادى. چىفىڭ قالاسى نيڭچىڭ اۋداندىق قالا باسقارۋ ۋنيۆەرسال اكىمشىلىك زاڭ اتقارۋ مەكەمەسى زەردەلى قالا باسقارۋ قولباسشىلىق ورتالىعىنىڭ جەتەكشىسى رىن ليچىڭ تانىستىرىپ مىناداي دەدى: جوعارى مەكتەپ ەمتيحانى مەزگىلىندە قالا باسقارۋ زەردەلى جۇيەسىن ىسكە قوسىپ، قالا رايونىنداعى شۋىلداردى جونگە سالۋعا ارناۋلى شارا قاراستىردىق. قارالىق ىستەۋدەن ساقتانۋ ، ادىلدىكتى قامتاماسىزداندىرۋ − جوعارى مەكتەپ ەمتيحانى قىزمەتىندەگى ەڭ ماڭىزدى ءتۇيىن.

حىنان ولكەلىك وقۋ – اعارتۋ مەڭگەرمەسىنىڭ باستىعى ماۋ جيە بىلاي دەدى: حىنان ولكەسىنىڭ جوعارى مەكتەپ ەمتيحانى تۇگەلدەي ولشەمدى ەمتيحان الاڭىندا جۇرگىزىلدى ، ەمتيحان بەرۋشىلەردىڭ ەمتيحان مايدانىن كەزدەيسوق ورنالاستىرۋ سياقتى ءبىرقىدىرۋ شارالار ارقىلى ەمتيحاننىڭ ءادىل بولۋىنا كەپىلدىك ەتىلدى. وسى جولعى ەمتيحاندا شۋىلسىز ەمتيحان مايدانى شارت جاعدايى نەگىز ەتىلىپ، زەردەلى ەسىك، دالدىگى جوعارى حابارلاسۋ جابدىقتارى ىسكە قولدى. 

لياۋنيڭ ولكەسىنىڭ داليان قالاسىندا ونەركاسىپ جانە ينفورماتسيالاندىرۋ تاراۋلارى 20 ءتۇرلى ىڭعايلى جابدىقتاردى ىسكە قوسىپ، 63 سىمسىز ەلەكتر باقىلاۋ تەكسەرۋ پۋنكيتىن، 12 سىمسىز حابارلاسۋ جابدىقتارى ورنالاستىرىلعان بارلاۋ ماشيناسىن شىعارىپ، تۇتاس قالاداعى ءار قايسى ەمتيحان مايداندارىن جالپى بەتتىك تەكسەرۋ بارلاۋ قىزمەتىن تىڭعىلىقتى ورىستەتتى. 

شانشي، حىنان، سچۋان، ىشكى مۇڭعۇل قاتارلى ولكەلەردە 6-ايدىڭ 8-كۇنى جوعارى مەكتەپ ەمتيحانى اياقتالدى. وزگە جەرلەردە دە ايدىڭ 9-،10-كۇندەرى ەمتيحان ءۇرتىس اياقتالادى. 

وقۋ-اعارتۋ مينسترلىگى مىنالاردى باسا دارىپتەدى: ەمتيحان كەزىندە قارالىق ىستەۋگە قاتاڭ سوققى بەرىلىپ، جوعارى تەحنيكالى قارالىق ىستەۋ توراپتارى تالقاندالدى. قوعام حاۋپسىزدىك تاراۋلارى الدا ءتۇرلى زاڭعا قايشىلىق ىستەۋ ارەكەتتەرىنە قاتاڭ سوققى بەرىپ، ەمتيحان حاۋپسىزدىگىن قامتاماسىز ەتەدى. 

 

اۋدارعان: شالقار قازەز ۇلى