ءوز حابارىمىز:  كەزەكتە دۇمبە ءبيدايدى كومبايىنمەن ورۋ جۇمىسى وڭتۇستىكتەن سولتۇستىككە قاراي جەدەل ىلگەرلەپ، ءونىم الۋ قارقىنى % 70 تەن استى. 5-ايدىڭ 27-كۇنى ءبيداي ورۋ ناۋقانى جالپى بەتتىك باستالعاننان بەرى، 600 مىڭنان ارتىق كومباين جازعى جيىن - تەرىن جۇمىسىنىڭ قالىپتى قاجەتىن قامتاماسىزداندىرىپ، ءبيداي ورۋ جۇمىسىنىڭ جالپى اياق الىسى ءساتتى بولىپ، جازعى استىقتان مول ءونىم الۋ نەگىزى بەكەمدەلدى.

«ورتا جازىق استىق قامباسى» اتانعان حىنان ولكەسىندە 85 ميلليون مۋ جەردەگى ءبيداي جيناۋ جۇمىسى 15 كۇندە اياقتادى. حىنان ولكەلىك اۋىل شارۋاشىلىعى، اۋىل ـ قىستاق مەڭگەرمەسى استىق باسقارماسىنىڭ باستىعى ياڭ ياجۇن بىلاي دەدى: بۇكىل ولكەدەگى 7 ميلليون 300 مىڭ مۋلىق جوعارى ءونىمدى ۇلگى كورسەتۋ رايونىنىڭ ءونىم مولشەرىنەن قاراعاندا، ورتاشا بىرلىك ءونىمى 600 كيلوگرامنان اسادى. 

مەملەكەت دارەجەلى ءبيداي تۇقىمىن وندىرەتىن ءىرى اۋدان شاندۇڭ ولكەسىنىڭ شينشيان اۋدانىندا 200 مىڭ مۋ ءبيداي تۇقىمىن وندىرەتىن اتىزدا ارت - ارتىنان ءونىم الىنىپ، 80 ميلليون كيلوگرام ساپالى ءبيداي سورتتى تۇقىمى جەتىلدىرىلىپ، ءبيدايدان مول ءونىم الۋعا بەرىك نەگىز قالاندى. حىبيدىڭ حۋاڭحۋا قالاسىندا 800 مىڭ مۋدان استام قۇرعاق سورتاڭ جەردەگىءبيداي ىركەس ـ تىركەس ورىلا باستادى، ديقاندار اشىق اۋا رايىنان پايدالانىپ ءبيدايدى قاربالاس جيناپ، تولىق قامبالانۋىنا كەپىلدىك ەتتى.

 ءبيدايدى ورۋ ونىمدىلىگىن جوعارىلاتۋ ءۇشىن، جياڭسۋ ولكەسى ليانيۇنگاڭ قالاسى گۋاننان اۋدانى اۋىل شارۋاشىلىق ماشينا جابدىقتارىنا جۇمىس باقىلاۋ جابدىقتارىن ورناتىپ، بەيدوۋ ورىن تۇراقتاندىرۋ ساندى مالىمەتىنەن پايدالانىپ، ماشينانىڭ سانىنا، جۇمىس جاعدايىنا نەگىزدەلىپ، قامداۋ مەن قاجەتسىنۋدى ۇشتاستىردى. ناشار اۋا رايىنىڭ ىقپالىنان ساقتانۋ ءۇشىن، ديقاندار تۇندە دە قاربالاس ەگىس جينادى. مەملەكەتتىك ەلەكتر تورابى جياڭسۋ ەلەكتر قۋاتى كوممۋنيستەر قىزمەت وتەۋ اترەتىنىڭ مۇشەسى يۋە ۋىنچاۋ تىلشىگە بىلاي دەدى: جەرگىلىكتى ەلەكترمەن قامداۋ تاراۋلارى شاعىن تۇرپاتتى ەلەكتر تاراتۋ جابدىعىنان پايدالانىپ اتىزداردى "ورتاق يگىلىكتەنەتىن ەلەكتر كوزىمەن" قامداپ، شارۋالاردىڭ ەلەكتردەن پايدالانۋ قاجەتىن قاناعاتتاندىردى. 

 

اۋدارعان: كۇلان ىرىسباي قىزى