ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەلىمىزدىڭ تەڭىز - مۇحيت ەكولوگيالىق جاعدايى جالپى جاقتان ورنىقتى، ءىشىنارا تەڭىز ايدىندارىنىڭ ورتاسى جاقساردى

来源:جۇڭگو قازاق راديو تورابى     |责编:巴特勒|     发布日期: 2024-06-09 10:55
 ءوز حابارىمىز: جاراتىلىستىق بايلىق مينيسترلىگى 6-ايدىڭ 8-كۇنى « 2023 ـ جىلعى جۇڭگو تەڭىز ـ مۇحيت ەكولوگياسى ساقتاندىرۋ، باقىلاۋ ـ تەكسەرۋ مازمۇنداماسىن» جاريالادى، مازمۇندامادا كورسەتىلۋىنشە، ەلىمىزدىڭ تەڭىز ـ مۇحيت ەكولوگيالىق جاعدايى جالپى جاقتان ورنىقتى بولىپ، ءىشىنارا تەڭىز ايدىندارى جاقسارىپ، تيپتىك ەكولوگيالىق جۇيەنىڭ شەگىنۋ اۋقىمى العاشقى ادىمدا تەجەلگەن.
 ەلىمىزدىڭ تەڭىز - مۇحيت ەكولوگيالىق جۇيەسى الۋان ءتۇرلى، مارجان قۇز، تەڭىز ءشوبى، تەڭىز جاعالاۋىنداعى شالشىق جەر، مانگرا ورمانى، ۋستريتسا مارجان قۇزى، تەڭىز بالدىر ءوڭىرى، وزەن ساعاسى، شىعاناق سياقتى ەكولوگيالىق جۇيەلەر بارلىق جەرگە تارالعان. جاراتىلىستىق بايلىق مينيسترلىگى تەڭىز - مۇحيت ەكولوگياسى ساقتاندىرۋ، باقىلاۋ-باسقارۋ مەڭگەرمەسىنىڭ باستىعى ۋاڭ حۋا بىلاي دەدى: 2023 - جىلى ەلىمىزدىڭ مارجان قۇزدارى، تەڭىز ءشوبى، تەڭىز جاعالاۋىنداعى شالشىق جەر، مانگرا ورمانى ەكولوگيالىق جۇيەسىنىڭ جاعدايى جاقسى. مارجان قۇزداردىڭ ءتۇرى دۇنيە ءجۇزى بويىنشا بايقالعان جالپى ساننىڭ %40 ىن ۇستايدى، مارجان قۇز بالىق ءتۇرى 600 گە تايايدى. 2023 - جىلى ءارقايسى باقىلاۋ - تەكسەرۋ وڭىرلەرىندەگى ءتىرى مارجانداردىڭ كومكەرۋ مولشەرى 2020 - جىلداعىدان ءبىراز ارتىپ، بيولوگيالىق توپ قۇرىلىمى جالپى تۇلعالىق جاقتان ورنىقتى بولدى؛ تەڭىز ءشوبىنىڭ كومكەرۋ دارەجەسى 2020 - جىلداعىدان ءبىراز ارتقان؛ سورتاڭ وسىمدىك جامىلعىلارىنىڭ ءوسۋ جاعدايى ءبىرشاما جاقسى؛ ەلىمىز دۇنيە جۇزىندەگى از ساندى مانگرا ورمانىنىڭ اۋدانى تازا ارتقان ەلدەردىڭ ءبىرى، مانگرا ورمانىنىڭ جالپى اۋدانى 292.09 شارشى كيلومەتر، جيىنى 27 ءتۇرلى سورتتى اعاش ءتۇرى ەستەلىككە الىنعان، حايناندا ەڭ مول. 
مازمۇندامادا كورسەتىلۋىنشە، ەلىمىزدە قازىر 352 تەڭىز قورىعى بار بولىپ، 93 مىڭ 300 شارشى كيلومەتر تەڭىز ايدىنى قورعالعان، قورعاۋ وبيەكتىسى باتىس تىنىق مۇحيتتاعى تەڭبىل تۇلەن، جۇڭحۋا اق دەلفينى، تەڭىز تاسباقاسى، ۋىنچاڭ بالىعى سياقتى سيرەك كەزدەسەتىن، تۇقىمى قۇرۋعا تاياعان تەڭىز - مۇحيت ورگانيزمدەرى مەن مارجان قۇزدار، تەڭىز ءشوبى، مانگرا ورمانى، وزەن ساعاسى، شىعاناق سياقتى تيپتىك ەكولوگيالىق جۇيەلەردى، سونداي - اق تەڭىز استىنداعى بايىرعى ورمان جۇرتى، گەولوگيالىق جۇرتى سياقتى جەر بەدەرىن قامتيدى. ەلىمىزدىڭ تەڭىز جاعالاۋىن قورعاۋ توراپ جۇيەسى العاشقى ادىمدا قالىپتاستى.
ۋاڭ حۋا بىلاي دەدى: ءار دارەجەلى جاراتىلىستىق بايلىق ، ورمان شارۋاشىلىعى جانە جايلىم باسقارۋ تاراۋلارى ەكولوگيانى الدىمەن ەسكەرۋ تانىمىن تياناقتاندىرىپ، تەڭىز - مۇحيت ەكولوگياسىن قورعاۋ قىزىل سىزىعىن 150 مىڭ شارشى كيلومەتر ەتىپ بەلگىلەدى. 1680 كيلومەتردەي تەڭىز جاعالاۋ لەنياسى قالىپنا كەلتىرىلدى، تەڭىز جاعالاۋىنداعى سازدىق اۋماعى 750 مىڭ مۋدان استى. جۇڭگو تەڭىز ـ مۇحيت ەكولوگياسىن قورعاۋ جونىندەگى حالىقارالىق سەلبەستىك پەن اۋىس ـ كۇيىستى جەبەپ، الەمدىك تەڭىز ـ مۇحيت ورتاسىن وڭاۋدى جۇڭگو جوباسىمەن قامدادى. 
 
اۋدارعان: كۇلان ىرىسباي قىزى
 

中央广播电视总台 央广网 版权所有

ەلىمىزدىڭ تەڭىز - مۇحيت ەكولوگيالىق جاعدايى جالپى جاقتان ورنىقتى، ءىشىنارا تەڭىز ايدىندارىنىڭ ورتاسى جاقساردى

ەلىمىزدىڭ تەڭىز - مۇحيت ەكولوگيالىق جاعدايى جالپى جاقتان ورنىقتى، ءىشىنارا تەڭىز ايدىندارىنىڭ ورتاسى جاقساردى