سىچۋان ولكەسى ميشان قالاسى يۇڭفىڭ قىستاعى قازىر 5 G زات تورابى تەحنيكاسىنان پايدالانىپ تيانفۋ استىق قامباسىنىڭ سيفرلى يۇڭفىڭ ءىرى ساندى مالىمەت تەكشەسىن قۇرىپ، ماشينالانۋدان سيفرلانۋعا قاراي قادام تاستادى.

جۇڭگو تەلەگراف توبى مەيشان بولىمشە سەرىكتىگى اۋىل شارۋاشىلىعى، اۋىل ـ قىستاق ءبولىمىنىڭ باس ديرەكتورى ۋاڭ حاييۇڭ بىلاي دەدى: يۇڭفىڭ ءىرى ساندى مالىمەت تۇعىرىنىڭ بارلىق ساندى مالىمەتتەرى وسى جابدىقتاردان كەلەدى، بۇل جابدىقتاردىڭ بارلىعى وسى اراعا شوعىرلانعان، باستىسى، توپىراقتىڭ جاعدايىن، دىمقىلدىعىن، قۇرت جاعدايىن، كليماتىن باقىلاۋعا قولدانىلادى. 

5 جىلدان بەرى G 5 تەحنيكاسى ادامداردىڭ تۇرمىسىن وزگەرتىپ قانا قويماي، سيفرلى ەكونوميكا مەن ناقتى ەكونوميكانىڭ توعىسپالى دامۋىن دا جەدەل ىلگەرىلەتتى. ەلىمىزدەگى تۇڭعىش تەرەڭ تەڭىز مۇناي الابىنىڭ 5G نەگىزدىك پۋنكتى جۋىقتا جۋجياڭ ويپاتىندا ءساتتى پايدالانۋعا بەرىلدى. جۇڭگو تەڭىز مۇناي توبى شىنجىن عىلىم ـ تەحنيكا جانە ينفورماتسيالاندىرۋ ءبولىمىنىڭ مەڭگەرۋشىسى لياڭ ۋي بىلاي دەدى: تەڭىزدەگى 5 G سيگنالىنىڭ قامتىلۋى جۇزەگە اسىرىلىپ، تەڭىزدەگى تەكشەنىڭ جىلجىمالىلىعى، جوعارى جەتكىزۋ، ناقتى ۋاقىت شەگى سىندى كاسىپتىك قاجەتىن قاناعاتتاندىردى. قازىر ەلىمىزدە جيىنى 3 ميلليون 748 مىڭ 5G نەگىزدىك پۋنكتى قۇرىلىپ، 5G ينتەرنەت جەلىسى قىستاقتارعا دەيىن ۇلاستى. %90 تەن استام 5 G نەگىزدىك پۋنكتى ورتاق يگىلىكتەنۋدى جۇزەگە اسىردى، 5 G نەگىزدىك پۋنكتىنىڭ ەنەرگيا قۇراۋى ساۋدانىڭ العاشقى كەزىندەگىدەن 20 پايىز تومەندەدى. 5 G كاسىبىنىڭ ارناۋلى تورابى 30 مىڭنان استى. جۇڭگو حابارلاسۋدى ولشەمدەندىرۋ قوعامىنىڭ باس القاسى ۋىن كۋ 5 G حالىقارالىق ولشەمى تىڭ كەزەڭگە قادام تاستادى، ول 5 G دىڭ 6 G گە قاراي دامۋىنداعى شەشۋشى كەزەڭ. - دەپ اتاپ كورسەتتى. 

 

اۋدارعان: شالقار قازەز ۇلى