ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي چياڭ جۇڭگو مەن اۆستراليانىڭ مىسىق ايۋدى قورعاۋ سەلبەستىگى جانە زەرتتەۋ قىزمەتىن تەكسەردى

来源:جۇڭگو قازاق راديو تورابى     |责编:巴特勒|     发布日期: 2024-06-17 14:22
ءوز حابارىمىز. اۆستراليادا ساپاردا جۇرگەن مەملەكەتتىك كەڭەستىڭ زۇڭليى لي چياڭ جەرلىك ۋاقىت 6-ايدىڭ 16-كۇنى تۇستەن بۇرىن ادەلايد حايۋاناتتار باقشاسىنا بارىپ، جۇڭگو-اۆستراليا مىسىق ايۋدى قورعاۋ سەلبەستىگى جانە زەرتتەۋ قىزمەتىن تەكسەردى. بۇل حايۋاناتتار باقشاسى اۆسترالياداعى مىسىق ايۋ باعىلعان بىردەن-ءبىر حايۋاناتتار باقشاسى.
 حايۋاناتتار باقشاسىنىڭ مىسىق ايۋ سارايىندا لي چياڭ جۇڭگولىق، اۆستراليالىق مامانداردىڭ ەكى ەلدىڭ مىسىق ايۋدى قورعاۋ سەلبەستىگى جونىندەگى زەرتتەۋى مەن اۆسترالياداعى مىسىق ايۋدى قورعاۋ جاعدايى جونىندەگى تانىستىرۋىن تىڭدادى. لي چياڭ بىلاي دەدى: ادەلايد حايۋاناتتار باقشاسىندا وڭتۇستىك جارتى شارداعى بىردەن-ءبىر ءبىر جۇپ مىسىق ايۋ «ۋاڭ-ۋاڭ» مەن «فۋني» بار. ولاردىڭ الىستا بولسادا اۆستىراليادا شىن ىقىلاسپەن باعىلعاندىعىن، ادەلايد حايۋانات باقشاسىنا ۇيلەسىپ كەتكەندىگىن كورىپ وتە رازى بولدىم. «ۋاڭ-ۋاڭ» مەن «فۋني»--جۇڭگو-اۆستراليا دوستىعىنىڭ ەلشىسى، جۇڭگو-اۆستراليا ەكى ەل حالقىنىڭ تەرەڭ دوستىعىنىڭ سيمۆولى. بۇل ەكى جاق شىن ىقىلاسپەن قورعاسا بولعانى، جۇڭگو مەن اۆستراليانىڭ سەلبەستىگى كەڭ كوسىلگەن تىنىق مۇحيتتان ءوتىپ، ءتۇرلى پارىقتاردى قايىرىپ قويىپ، ءوزارا تابىسقا جەتىپ، ءوزارا پايدا جەتكىزىپ، تەڭ يگىلىككە كەنەلەتىندىگىن تۇسىندىرەدى.
 لي چياڭ بىلاي دەدى: ۇزاق ۋاقىتتان بەرى جۇڭگو ۇكىمەتى مىسىق ايۋدى قورعاۋدىڭ ءبىر قىدىرۋ شارالارىن قولدانىپ، كورنەكتى ونىمدىلىككە قول جەتكىزدى، بۇل جۇڭگونىڭ دۇنيە جۇزىندەگى ورگانيزمدەردىڭ الۋان تۇرلىلىگى مەن قۇرىپ-جوعالۋعا تاياعان حايۋاناتتاردى قورعاۋ جولىندا قوسقان بەلسەندى ۇلەسىن ايگىلەيدى. ەكى جاقتىڭ كەلىسىمى بويىنشا «ۋاڭ-ۋاڭ» مەن «فۋني» بيىل جۇڭگوعا قايتارىلادى. جۇڭگو اۆستراليامەن بىرگە مىسىق ايۋدى قورعاۋ سەلبەستىگى مەن زەرتتەۋىن جالعاستىرۋدى قالايدى، اۆستراليانىڭ مىسىق ايۋدىڭ جايلى مەكەنى بولا بەرۋىن ءۇمىت ەتەدى. 
 جەرگىلىكتى باستاۋىش مەكتەپ وقۋشىلارى لي چياڭعا مىسىق ايۋ تاقىرىبىنداعى ءاندى حانزۋ تىلىندە شىرقاپ بەردى، لي چياڭ ولارمەن ىقىلاستى اڭگىمەلەستى. لي چياڭ بىلاي دەدى: كوپشىلىكتىڭ جۇڭگوعا بارىپ، مىسىق ايۋ ءوسىپ-ونگەن جەرلەردى كورىپ، جۇڭگونىڭ اسەم تاۋ-وزەندەرى مەن جۇڭگو مادەنيەتىن ءتۇسىنىپ، جۇڭگو-اۆستراليا دوستىعىنىڭ كىشى ەلشىلەرى بولۋىن قارسى الامىز.
 وڭتۇستىك اۆستراليا شتاتىنىڭ اكىمى سۇن فاڭ-ان، شتات باستىعى ماسينو، اۆستراليانىڭ سىرتقى ىستەر مينيسترى حۋاڭ يىڭشيان، ساۋدا ىستەر مينيسترى فارريل تەكسەرۋدە بىرگە بولدى.
 ۋ جىڭلۇڭ جوعارىداعى قيمىلدارعا قاتىناستى.
 
اۋدارعان: گۇلنۇر قابىلقاق قىزى

中央广播电视总台 央广网 版权所有

لي چياڭ جۇڭگو مەن اۆستراليانىڭ مىسىق ايۋدى قورعاۋ سەلبەستىگى جانە زەرتتەۋ قىزمەتىن تەكسەردى

لي چياڭ جۇڭگو مەن اۆستراليانىڭ مىسىق ايۋدى قورعاۋ سەلبەستىگى جانە زەرتتەۋ قىزمەتىن تەكسەردى