مەملەكەتتىك دامۋ جانە رەفورمالاۋ كوميتەتى ماكرولىق ەكونوميكانى زەرتتەۋ ورنىنىڭ تەتە اعا زەرتتەۋشىسى چىن شي بىلاي دەدى : قوسىمشا قاراجات كولەمىنەن الىپ ايتقاندا، تۇتىنۋشىلار ءتىپتى دە زور تاڭداۋ مۇمكىندىگىنە يە بولدى، سونداي - اق مۇنداي تۇتىنۋ قاجەتىنىڭ ءىس جۇزىندىگىنە ءتىپتى دە ۇيلەسەدى، بۇل تۇتىنۋشىلاردىڭ  تابىس سەزىمىن جوعارىلاتتى.  وسى رەتكى قوسىمشا قاراجات مولشەرى دە كورنەكتى جوعارىلادى. ءاربىر تۇتىنۋشى ءارتۇرلى ءونىمنىڭ  ءبىر تۇرىنە  ەڭ جوعارى بولعاندا 2000 يۋان قوسىمشا قاراجاتقا يە بولادى. مەملەكەتتىك دامۋ جانە رەفورمالاۋ كوميتەتى مەملەكەتتىك ينفورماتسيا ورتالىعى ماكرولىق ەكونوميكانى زەرتتەۋ كەڭسەسىنىڭ ورىنباسار مەڭگەرۋشىسى زوۋ يۇنحان بىلاي دەدى: ايتالىق، ءبىرىنشى دارەجەلى ەنەرگيا سارىپ ەتەتىن جانە سۋ سارىپ ەتەتىن ءۇي ەلەكتر جابدىقتارى جونىنەن العاندا، ونىڭ ساتىلۋ باعاسىنىڭ % 20 ىنە ۇكىمەت قوسىمشا قاراجات بەرەدى، بۇل ءىس جۇزىندە توتەنشە زور سالىستىرما ەسەپتەلەدى.

بيىل 3 - ايدا مەملەكەت سەميا ەلەكتر جابدىقتارىن كونەسىن جاڭاسىنا الماستىرۋ ساياساتىن اتقارعاننان بەرى، جەر-جەرلەر   تيىمدىلىك جاساۋ قيمىلدارىن جولعا قويىپ، تۇتىنۋشىلاردى باۋرادى. مۇنىڭ ىشىندە ەلەكتروندى ساۋدا تەكشەسى كوپ نەگىزدى سەلبەسىپ، 400 مىڭنان استام تاۋاردىڭ كونەسىن جاڭاسىنا اۋىستىرۋعا، 300 دەن استام بۇيىمدى ءبىر ۋاقىتتا جيناپ الۋعا قولداۋ كورسەتتى. كونەنى جاڭاعا اۋىستىرۋ ساياساتىنىڭ جەبەۋىندە، 1-ايدان 7-ايعا دەيىن شەكتى سوما ولشەمىنەن جوعارى ورىنداردىڭ وتباسى ەلەكتر جابدىقتارى مەن دىبىس - كەسكىن اسپاپتارى تۇرىندەگى تاۋارلاردىڭ بولشەك ساتىلۋ سوماسى 522 ميلليارد 100 ميلليون يۋان بولدى، مۇنىڭ ىشىندە جاسىل، زەردەلى ونىمدەرمەن قامداۋ ۇزدىكسىز ساپالاندى. مەملەكەتتىك دامۋ جانە رەفورمالاۋ كوميتەتى ماكرولىق ەكونوميكانى زەرتتەۋ ورنىنىڭ تەتە اعا زەرتتەۋشىسى چىن شي بىلاي دەدى: ساياسات جاسىل تۇرمىس تاسىلىنە جەتەكشىلىك ەتىپ،  تۇرمىس ورەسىن ساپالاندىرۋعا   ءتيىمدى، سونىمەن بىرگە ءوندىرىس جاعىندا ءۇي ەلەكتر جابدىقتارى كاسىپورىندارىنىڭ جوعارى ءونىمدى ءۇي ەلەكتر جابدىقتارى ءوندىرىسىن ارتتىرۋىنا دەم بەرىپ، كاسىپ سالاسىنىڭ تيپىن وزگەرتىپ، دارەجەسىن جوعارىلاتۋدى جەبەيدى. 

 

اۋدارعان: كۇلان ىرىسباي قىزى