«پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيانىڭ وقۋ - اعارتۋ ىستەرىنە جالپى بەتتىك باسشىلىعىنا تاباندى بولىپ، جاڭا داۋىردەگى پارتيانىڭ وقۋ - اعارتۋ باعىتىن دايەكتىلەندىرىپ، ونەگە كورسەتىپ دارىندى تاربيەلەۋ ءتۇبىرلى مىندەتىن تياناقتاندىرىپ، وقىتۋشىلار قوسىنى قۇرىلىسىن كۇشەيتۋدى وقۋ - اعارتۋدا قۇدىرەتتى ەل قۇرۋدىڭ ەڭ ماڭىزدى نەگىزدىك قىزمەتى رەتىندە يگەرىپ، اعارتۋشىلاردىڭ رۋحاني جەتەكشىلىگىن كۇشەيتىپ، وقىتۋشىلاردىڭ ءبىلىم بەرىپ، دارىندى تاربيەلەۋ قابىلەتىن جوعارىلاتىپ، وقىتۋشىلىق ءمورال، وقىتۋشىلىق ستيل قۇرىلىسىنىڭ باياندى مەحانيزمىن اقاۋسىزداندىرىپ، وقىتۋشىلار قوسىنى رەفورماسىندا جاڭالىق اشۋدى تەرەڭدەتىپ، وقىتۋشىلار قوسىنى قۇرىلىسىنداعى كورنەكتى ولقىلىقتاردى جەدەل تولىقتاپ، جوعارى ساپالى وقىتۋشىلاردى باۋلۋدى، قامداۋدى كۇشەيتىپ، وقىتۋشىلار بايلىعىن ورنالاستىرۋدى ساپالاندىرىپ، وقىتۋشىلىق ءمورالى وسكەلەڭ، كاسىپتە ىسىلعان، قۇرىلىمى ۇيلەسىمدى، ومىرشەڭدىك كۇشكە تولى جوعارى ساپالى ماماندانعان وقىتۋشىلار قوسىنىن قۇرۋ كەرەك. وقۋ ـ اعارتۋدىڭ وسىزاماندانۋىن جەدەلدەتۋگە، وقۋ ـ اعارتۋدا قۇدىرەتتى ەل قۇرۋعا، حالىق رازى بولاتىن وقۋ ـ اعارتۋدى ويداعىداي جۇرگىزۋگە پارمەندى تىرەك ازىرلەۋ كەرەك.

پىكىردە مىنالار باسا دارىپتەلدى: قىزمەت بارىسىندا اعارتۋشىلاردىڭ رۋحىن سومداۋعا، وقىتۋشىلاردىڭ دەڭگەيىن جوعارىلاتۋعا تاباندى بولىپ، وقىتۋشىلار قاۋىمىنىڭ ورتاق قۇن تالپىنىسىن امالياتتا ايگىلەۋ كەرەك. اعارتۋشىلار رۋحىن جەتىلدىرۋگە، باۋلۋعا تاباندى بولىپ، ۇزدىكسىز نارلەندىرەتىن، ماقساتقا تالپىندىراتىن، تەكشە تىرەك بولاتىن وقىتۋشىلاردى دامىتاتىن تاماشا ەكولوگيا قالىپتاستىرۋ كەرەك. اعارتۋشىلار رۋحىن ساۋلەلەندىرۋگە، امالياتتا ايگىلەۋگە تاباندى بولىپ، اعارتۋشىلار رۋحىن امالياتتا ايگىلەۋدىڭ نەگىزگى شەبىن بەكەمدەۋ كەرەك. اعارتۋشىلار رۋحىنىڭ جەتەكتەۋىنە، شابىتتاندىرۋىنا تاباندى بولىپ، قالىڭ وقىتۋشىلاردى اعارتۋشىلار رۋحىن يدەيالىق سانالىلىققا، ارەكەت سانالىلىعىنا اينالدىرۋعا جەتەكتەۋ كەرەك. 

«پىكىردە» مىنالار العا قويىلدى: 3 تە 5 جىل قۇلشىنۋ ارقىلى اعارتۋشىلار رۋحى بارىنشا ساۋلەلەندىرىلىپ، جوعارى ساپالى، ماماندانعان وقىتۋشىلار قوسىنى قۇرىلىسىندا بەلسەندى ونىمدىلىككە قول جەتكىزىلەدى، وقىتۋشىلار ءمورال ارقىلى ءوزىن ساپالاندىرىپ، كاسىپتى قادىرلەپ، ءبىلىم بەرىپ، دارىندى تاربيەلەۋدە جاڭا بەينە جارىققا شىعىپ، وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق اۋقىم اناعۇرلىم كۇشەيەدى. 2035 ـ جىلعا بارعاندا، اعارتۋشىلار رۋحى قالىڭ وقىتۋشىلاردىڭ سانالى تالپىنىسىنا اينالىپ، وقىتۋشىلار قوسىنىن باسقارۋ جۇيەسى مەن باسقارۋ قابىلەتىن وسىزامانداندىرۋدى جۇزەگە اسىرىپ، سيفرلاندىرۋ تەحنيكاسى مەن تەكشەسى ارقىلى وقىتۋشىلاردىڭ دامۋى قالىپتى جاعدايعا اينالىپ، وقىتۋشىلاردىڭ ورنى بەكەمدەلىپ، جوعارىلاپ، وقىتۋشىلار قوعامنىڭ قۇرمەتىنە بولەنەتىن جانە ادامدى ءتانتى ەتەتىن كاسىپتەردىڭ بىرىنە اينالىپ، تاڭداۋلى دارىندىلار تالاسا ـ تارماسا وقىتۋشىلىقپەن شۇعىلداناتىن، ۇزدىك وقىتۋشىلار ۇزدىكسىز جارىققا شىعاتىن تاماشا جاعداي قالىپتاسادى.

«پىكىردە» وقىتۋشىلار قوسىنىنىڭ يدەيالىق - ساياسي قۇرىلىسىن كۇشەيتۋ، وسكەلەڭ ۇستازدىق ءمورال، ۇستازدىق ستيل جەتىلدىرۋ، وقىتۋشىلاردىڭ كاسىپتىك ساپاسىن جوعارىلاتۋ، وقىتۋشىلاردىڭ ۇقىق - مۇددەسىن قامتاماسىزداندىرۋدى كۇشەيتۋ، وقىتۋشىلاردى قۇرمەتتەۋ، وقۋ - اعارتۋعا ءمان بەرۋ سىندى قوعامدىق سالتتى ساۋلەلەندىرۋ جونىندە ايقىن تالاپتار قويىلدى. 

 

اۋدارعان: كۇلان ىرىسباي قىزى