مۇگەدەكتەر وليمپياداسىنىڭ باستالۋ سالتىنداعى نەگىزگى جينالىس الاڭى پاريج قالاسىنىڭ ورتالىعىنداعى شيەحى الاڭىنا ورنالاستىرىلدى. دۇنيەدەگى ءارقايسى ەلدەر مەن رايونداردان بارعان ۋاكىلدەر ۇيىرمەسىنىڭ مۇشەلەرى جەڭىس قاقپاسى باعىتىنان چامپس-ەللەس داڭعىلىن بويلاپ نەگىزگى جينالىس الاڭىنا كىردى. نەگىزگى جينالىس الاڭىنداعى كونسەرت 13 بولىمنەن قۇرالدى، پاريج وليمپياداسىنىڭ جانە مەن مۇگەدەكتەر وليمپياداسىنىڭ باستالۋ سالتىنداعى كوركەمونەر باس باقىلاۋشىسى توما چولي: كونسەرتكە كوپتەگەن مۇگەدەك ويىن كورسەتۋشىلەر قاتىناستى،-دەدى.

 

توما چولي بىلاي دەدى: ءبىز ءوز ويىن كورسەتۋ ۇيىرمەسىن قۇرىپ، 2-ايدان باستاپ جاتتىعۋ جۇرگىزدىك، بۇل توتەنشە جاقسى شارا، مۇنان لوۆەر سارايىن، جەڭىس قاقپاسىن، ەيفەل مۇناراسىن، سونداي-اق ونىڭ تاريحى مەن ەرلىك جىرىن بايقاي الاسىز.

 

168 ۋاكىلدەر ۇيىرمەسىندەگى 4400 دەي مۇگەدەك سپورتشى چامپس-ەللەس داڭعىلىنان شيەحى الاڭىنا دەيىن ارالاپ باردى. 

 

 پاريج مۇگەدەكتەر وليمپياداسى جالپى 11 كۇن وتكىزىلەدى، 4400 دەي سپورتشى 22 ۇلكەن ءتۇر بويىنشا 549 التىن مەدالعا تالاسادى. جۇڭگو دەنە تاربيە ۋاكىلدەر ۇيىرمەسى 46 سپورتشىنى مالتاۋ ءتۇرى باسەكەسىنە قاتىناستىردى.

 

پاريج مۇگەدەكتەر وليمپياداسىندا ۇستەل دوپ جارىسىندا ءبىر رەتتە سارالاپ شىعۋ جارىس ءتۇزىمى قولدانىلىپ، توپتىق جارىس ءتۇرى كۇشىنەن قالدىرىلىپ، ەرلەردىڭ جانە ايەلدەردىڭ جەكە-جەكە قوس ادامدىق جانە ەر-ايەل قوسىلا جۇپتاسىپ ويناۋ ءتۇرى قوسىلدى. جۇڭگو مۇگەدەكتەر وليمپياداسى ۇستەل دوپ كومانداسىنىڭ سپورتشىسى جاۋ شۋاي بىلاي دەدى: كومانداداعى ماۋ جيڭديانمەن بىرگە تەحنيكالىق جاي-جاپساردى قايتا-قايتا وي ەلەكتەن وتكىزۋدەمىز.

 

جاۋ شۋاي بىلاي ددەدى: ىشتەي ءتۇسىنىسۋ وتە ماڭىزدى. ويتكەنى بەس مايدان جارىستا ءۇش نومەر العاندار ۇتادى. سوندىقتان، جارىسقا، ءسوزسىز، تولىق كىرىسىپ،   ورىنسىز اعاتتىقتاردى مۇمكىندىكتىڭ بارىنشا ازايتۋ كەرەك.

 

2004-جىلعى افينا مۇگەدەكتەر وليمپياداسىنان باستاپ، وتكەن 5 كەزەك مۇگەدەكتەر وليمپياداسىندا جۇڭگو ۋاكىلدەر ۇيىرمەسى التىن مەدال تاقتاسىندا الدىڭعى ورىندى يەلەدى، پاريج مۇگەدەكتەر وليمپياداسىندا جۇڭگولىق سپورتشىلاردىڭ وسىنداي ناتيجەنى جالعاستىرۋىنان ءۇمىت بار. جۇڭگو مۇگەدەكتەر وليمپياداسى دوڭگەلەكتى ورىندىقتا وتىرىپ ۆولەيبول ويناۋ كومانداسىنىڭ باستىعى شۇي يشياۋ بىلاي دەدى: جاعدايىمىز كۇننەن-كۇنگە جاقسارىپ كەلەدى، جارىستىڭ باستالۋىن ءتورت كوزبەن كۇتۋدەمىز.

 

اۋدارعان: گۇلنۇر قابىلقاق قىزى

 

​