ءوز حابارىمىز. پارتيا 20-كەزەكتى ورتالىق كوميتەتى 3-جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ورتالىق ۇگىت-لەكسيا ۇيىرمەسى 8-ايدىڭ 27-، 28-كۇندەرى اۋمىن ەرەكشە اكىمشىلىك رايونىندا ورتالىقتىڭ اۋمىندا تۇراتىن ورگاندارىنىڭ جانە جۇڭگو قارجىلاندىرعان كاسىپورىنداردىڭ ۋاكىلدەرىنە، اۋمىن ەرەكشە اكىمشىلىك رايونى باسقارۋ كوللەكتيۆىنە، قوعامداعى ءار سالا قايراتكەرلەرگە ءۇش مايدان لەكسيا جاسادى جانە  پىكىر الماستىردى.

 

ورتالىقتىڭ ۇگىت-لەكسيا ۇيىرمەسى باس شۋجي شي جينپيڭنىڭ پارتيا 20-كەزەكتى ورتالىق كوميتەتىنىڭ ءۇشىنشى جالپى ماجىلىسىندە سويلەگەن ماڭىزدى ءسوزى مەن جالپى ءماجىلىستىڭ «قاۋلىسىن» ارقاۋ ەتىپ، ءۇشىنشى جالپى ءماجىلىستىڭ كەلەلى ءمانى مەن تەرەڭ ىقپالىن ىشكەرىلەي ءتۇسىندىرىپ، رەفورمانى ونان ارى جالپى بەتتىك تەرەڭدەتۋدىڭ جەتەكشى يدەياسىن، باس نىساناسىن جانە كەلەلى پرينسيبىن ىشكەرىلەي بايىمدادى. سوڭعى 10 نەشە جىلدان بەرى پارتيا مەن مەملەكەت ىستەرىنىڭ دامۋىندا قول جەتكەن تاريحي جەتىستىكتەرگە، تۋىلعان تاريحي وزگەرىستەرگە، سونداي-اق اۋمىننىڭ «ءبىر ەل، ەكى ءتۇزىم» تابىستى امالياتىنا ۇشتاستىرىپ، «قاۋلىدا» العا قويىلعان كەلەلى شارالار مەن مىندەت  تالاپتاردى  ءتۇيىندى  ءتۇسىندىردى.

 

ماجىلىسكە قاتىناسقان اۋمىنداعى ءار سالا قايراتكەرلەرى بىلاي دەدى: اۋمىندا ءۇشىنشى جالپى ماجىلىستەگى كەلەلى ورايدى  مىقتى يگەرىپ، «ءبىر ورتالىق، ءبىر تەكشە، ءبىر بازا» قۇرىلىسىن  جەدەلدەتىپ، گۋاڭدۇڭ-شياڭگاڭ-اۋمىن ۇلكەن شىعاناق رايونى جانە حىڭچين-گۋاڭدۇڭ-اۋمىن  سەلبەستىك رايونى قۇرىلىسىنا بەلسەنە ات سالىسىپ، مەملەكەتتىڭ دامۋ  جالپى  جاعدايىمەن توعىسىپ، اۋمىننىڭ «ءبىر ەل، ەكى ءتۇزىم»  ەرەكشە تابىستى امالياتىنىڭ جاڭا تاراۋىن جازۋعا كۇش سالامىز. 

 

اۋدارعان: امانتاي مۇسايىپ ۇلى