ءوز حابارىمىز.  2024-جىلعى جۇڭگو حالىقارالىق ءىرى ساندى مالىمەت كاسىبى كورمەسى 8-ايدىڭ 28-كۇنى اشىلدى.مەملەكەتتىك ساندى مالىمەت مەكەمەسىنىڭ قاتىستى جاۋاپتىسى بىلاي دەدى: ەلىمىزدىڭ ساندى مالىمەت كاسىبى الداعى بىرنەشە جىلدا جىلىنا ورتا ەسەپپەن %20 تەن جوعارى ارتۋ قارقىنىن ساقتاپ، ساندى مالىمەت كاسىبىنىڭ دامۋى العاشقى ادىمدا ءونىم بەرە باستادى.

 

  ەلىمىزدىڭ ساندى مالىمەت كاسىبى ءبىرشاما تولىق ساندى مالىمەت كاسىپ تىزبەگىن العاشقى ادىمدا قالىپتاستىردى. بەيجيڭ قاتىناس داشۋەسى ينفورماتسيا باسقارۋ نازارياسى جانە تەحنيكا حالىقارالىق زەرتتەۋ ورتالىعىنىڭ پروفەسسورى جاڭ شياڭحۇڭ تالداۋ جاساپ بىلاي دەدى: ساندى مالىمەت كاسىبىنىڭ ارتۋى توتەنشە تەز، 2020-جىلدان 2023-جىلعا دەيىنگى ورتاشا ارتۋ مولشەرى %25 تەن جوعارى بولدى.ءبىز مەجەمەن 2023-جىلدان 2030-جىلعا دەيىن ساندى مالىمەت كاسىبى ءالى دە %20 تەن استام ارتۋ مولشەرىن ساقتايدى دەپ مەجەلەۋدەمىز.

 

  ساندى مالىمەت كاسىبى-ساندى مالىمەت فاكتورى دامۋىنىڭ جاڭا كەزەڭىندەگى ءبىر ءتۇرلى جاڭا كاسىپ فورماتسياسى، مەملەكەتتىك ساندى مالىمەت مەكەمەسىنىڭ باستىعى ليۋ ليەحۇڭ بىلاي دەدى: كەلەسى قادامدا مەملەكەت ساندى مالىمەت كاسىبىن جۇيەلى تۇردە جەتىلدىرەدى جانە زورايتادى.  كاسىپ سالاسى جوباسىن ورنالاستىرۋدى كۇشەيتىپ، كاسىپ قۇرىلىمىن ساپالىلاندىرىپ، كاسىپ تىزبەگىنىڭ سايكەسۋىن ارقاۋ ەتىپ، ساندى مالىمەتتەردى اشىق ۇستاۋدى كۇش سالا ىلگەرىلەتىپ، ءىرى، ورتا، شاعىن كاسىپورىنداردىڭ توعىسپالى دامۋىن قالىپتاستىرىپ، كاسىپ تىزبەگىنىڭ جوعارعى، تومەنگى بۋىندارى سەلبەسىپ جاڭالىق اشاتىن ەكولوگيالىق جۇيە ورناتىپ، سايكەستى، ءبىرىن-ءبىرى تولىقتايتىن، دامۋدا ەرەكشەلىككە يە ءبىر توپ حالىقارالىق باسەكەلىك قۋاتى بار ساندى مالىمەت كاسىبى شوعىرلانعان رايونىن قۇرۋعا كۇش سالىنادى.

 

اۋدارعان: نازار ءارىپ ۇلى